又一年了, 上年有好多事回顧, 今年唔算多, 但係就非常重要, 因為我做左人媽媽!
年頭開始發現有BB, 之後既日子都係產檢, 有妊娠糖尿後要控制飲食, KEEP住篤手指, 經常既腳腫, 所以去多左腳底按摩!
除左呢D, 當然仲有搜羅BB野, 好彩身邊有好多軍師, 仲有贊助商, 我好多野都唔駛買, 又有人教路邊度買平, 邊D好等等, 仲去第一次去既BB展, 籮咁大個肚去真係好辛苦!
頭大半年既日子都大致都係咁, 到後三個月個女出左世, 一切又唔同晒!
首先坐月已經被困家中, 係屋企忙到天昏地暗, 都冇時間去睇佔中既新聞, 剩係知道每日都有好多人係度鬧, 亦有好多朋友因為呢件事unfriend大家, 不過我真係完全冇時間理!
琴日個女三個月大了, 呢三個月真係好辛苦, 每日只有三四個鐘睡眠時間, 其實我已經好輕鬆, 老公都幫左好多, 如果唔泵奶, 應該會多返好多時間!
下一年....應該話之後既好多年, 都會係圍繞住個女, 終於感受到媽媽既偉大喇!
新一年個女會開始食固體, 學爬學行, 學講野, 仲要開始諗讀幼稚園既野, 希望事事都會順利!
Wednesday, 31 December 2014
Tuesday, 23 December 2014
入院生B - 第五天
2014年10月3日
今朝一早胡醫生又黎巡房, 佢每朝都會黎睇我同BB, 有時夜晚都會黎多次, 佢話bb有d黃, 要照燈, 我之前都好擔心呢個問題, 因為私家醫院照燈好貴, 當然我住院期間照package係包埋, 我只係擔心到聽日出院佢仲未退黃!
就係咁, 今日黎既朋友都冇得探bb, 不過我可以照入去餵奶!
見到bb碌晒光豬照燈好似好慘咁, 不過佢又冇喊! 上晝8點個轉我冇去餵奶, 因為有好多媽媽今日出院, 佢地全部都會餵埋呢轉先走, 所以我放棄左呢轉! 媽媽今日都有拎飯俾我, 傾下計就走了!
另外公司送左個大花籃黎, 真係好大好靚, 霸左我好多位, 裡面有公仔, 尿片, 用品等等, 收到真係好開心!
好多人話生完情緒起伏好大, 而我今日都終於感受到, 竟然係醫院喊, 原因就唔係度講了, 好彩係私家醫院, 拉埋布冇人見到, 如果唔係實俾人捉我輔導!
今日仲有個台灣朋友黎探我, 之前我去台灣玩佢車我地去玩, 今次我地帶唔到佢玩, 仲要佢黎探我, 佢好勁呀, 我剩係講個醫院名, 佢竟然識得黎, 仲要唔係搭的士, 係去荃灣搭巴士, 真厲害!
老公放工黎探我, bb都未照完燈, 應該要照到聽朝架喇, 希望可以出院啦!
今晚電視做"使徒行者"大結局, 我同老公就係醫院一齊睇大結局咁過, 好多年後無線重播呢套劇, 我一定會同返個女講, 我生你個時電視就係做梗呢套劇架喇, 哈哈!
今朝一早胡醫生又黎巡房, 佢每朝都會黎睇我同BB, 有時夜晚都會黎多次, 佢話bb有d黃, 要照燈, 我之前都好擔心呢個問題, 因為私家醫院照燈好貴, 當然我住院期間照package係包埋, 我只係擔心到聽日出院佢仲未退黃!
就係咁, 今日黎既朋友都冇得探bb, 不過我可以照入去餵奶!
見到bb碌晒光豬照燈好似好慘咁, 不過佢又冇喊! 上晝8點個轉我冇去餵奶, 因為有好多媽媽今日出院, 佢地全部都會餵埋呢轉先走, 所以我放棄左呢轉! 媽媽今日都有拎飯俾我, 傾下計就走了!
另外公司送左個大花籃黎, 真係好大好靚, 霸左我好多位, 裡面有公仔, 尿片, 用品等等, 收到真係好開心!
好多人話生完情緒起伏好大, 而我今日都終於感受到, 竟然係醫院喊, 原因就唔係度講了, 好彩係私家醫院, 拉埋布冇人見到, 如果唔係實俾人捉我輔導!
今日仲有個台灣朋友黎探我, 之前我去台灣玩佢車我地去玩, 今次我地帶唔到佢玩, 仲要佢黎探我, 佢好勁呀, 我剩係講個醫院名, 佢竟然識得黎, 仲要唔係搭的士, 係去荃灣搭巴士, 真厲害!
老公放工黎探我, bb都未照完燈, 應該要照到聽朝架喇, 希望可以出院啦!
今晚電視做"使徒行者"大結局, 我同老公就係醫院一齊睇大結局咁過, 好多年後無線重播呢套劇, 我一定會同返個女講, 我生你個時電視就係做梗呢套劇架喇, 哈哈!
Tuesday, 16 December 2014
入院生B - 第四天
2014年10月2日
今朝老公又一早買早餐過黎, 之後全日陪我, 媽媽都有繼續拎兩餐飯俾我, 真係辛苦晒佢!
今日好叻呀, 餵左5轉奶, 我連0:00個轉都有去, 少人好多呢, 因為唔係個個似我咁係夜鬼!
雖然都係未餵到人奶, 不過抱住個女真係好開心, 都仲未接受到呢個係我個女, 睇下其他媽媽既BB, 我女原來都真係算大隻, 塊面又肥, 希望佢大個唔好係肥婆冇人要啦, 哈哈!
今日仲有同個女玩下, 搞下佢耳仔同咀仔, 佢條脷仔係咁郁, 好搞笑! 仲未睇到佢似邊個, 好擔心佢好似內雙眼皮咁, 皮膚又黑喎, 我同老公都白架嘛, 冇理由佢係黑, 同埋點會係內雙眼皮? 朋友話未收水, 同埋遲D會白喎, 希望啦, 話晒女仔嘛!
餵奶時同D媽媽傾計, 發覺大陸媽媽係多奶D, 仲要係剛生完已經上晒奶, 多到餵完仲可以泵出黎個隻, 可憐我地有幾個香港媽媽都未上奶!
仲有好多BB都係食食下就掛住瞓, 要拍返醒佢繼續餵, 就係咁食45ML都搞好耐!
老公又陪足我一日, 其實大家都冇野做, 晏晝見佢坐到瞓左就叫佢不如返家瞓, 點知佢返到去又瞓唔著, 好快又走返黎, 應該係太掛住我同個女, 哈哈!
今朝老公又一早買早餐過黎, 之後全日陪我, 媽媽都有繼續拎兩餐飯俾我, 真係辛苦晒佢!
今日好叻呀, 餵左5轉奶, 我連0:00個轉都有去, 少人好多呢, 因為唔係個個似我咁係夜鬼!
雖然都係未餵到人奶, 不過抱住個女真係好開心, 都仲未接受到呢個係我個女, 睇下其他媽媽既BB, 我女原來都真係算大隻, 塊面又肥, 希望佢大個唔好係肥婆冇人要啦, 哈哈!
今日仲有同個女玩下, 搞下佢耳仔同咀仔, 佢條脷仔係咁郁, 好搞笑! 仲未睇到佢似邊個, 好擔心佢好似內雙眼皮咁, 皮膚又黑喎, 我同老公都白架嘛, 冇理由佢係黑, 同埋點會係內雙眼皮? 朋友話未收水, 同埋遲D會白喎, 希望啦, 話晒女仔嘛!
餵奶時同D媽媽傾計, 發覺大陸媽媽係多奶D, 仲要係剛生完已經上晒奶, 多到餵完仲可以泵出黎個隻, 可憐我地有幾個香港媽媽都未上奶!
仲有好多BB都係食食下就掛住瞓, 要拍返醒佢繼續餵, 就係咁食45ML都搞好耐!
老公又陪足我一日, 其實大家都冇野做, 晏晝見佢坐到瞓左就叫佢不如返家瞓, 點知佢返到去又瞓唔著, 好快又走返黎, 應該係太掛住我同個女, 哈哈!
 |
| 又食奶食到瞓著喇! |
Friday, 12 December 2014
入院生B - 第三天
2014年10月1日
今日係公眾假期, 老公放假, 另外佢公司有3日侍產假, 加埋呢兩日紅日, 佢可以陪我幾日! 晨早七點佢就黎了, 真係仲早過返工!
咁早黎因為佢要扶我落床, 琴晚我好聽話, 不停郁動雙腳同腰, 我聽過好多人講落床係勁痛, 而我又覺得唔係好痛咋喎, 要痛琴晚郁既時候都痛晒, 哈哈!
雖然落得床, 但都未行得住, 所以都係靠老公影相我睇, 不過下晝就可以抱BB喇, 胡醫生叫我四點個轉可以試下去餵BB!
其實我想試下醫院既飯, 睇MENU佢D菜式好吸引, 呢度係食素, 但MENU可以有肉, 姑娘話D肉都係素, 但做得好似, 同埋都OK, 所以好想試下呢, 不過阿媽每日都拎兩餐飯俾我, 所以冇機會試了!
終於等到四點, 可以慢慢行去餵奶, 行係真係有D痛, 姑娘叫我地影左全家幅先, 所以老公都可以一齊掂下BB了, 私家醫院生就呢樣唔好, 老公唔係成日可以抱BB, 除非你俾錢, 每日都有親子時間, 即係爸爸同BB除衫抱下, 不過我地都唔會洗呢D錢!
終於第一次抱BB喇, 感覺好特別, 真係唔相信佢係我個女, 姑娘除左用醫院相機, 仲會用我地相機幫我地影, 好開心!
影完後我就試下去餵奶, 老公就出去食野了!!
平時抱人地既BB都會好雞手鴨腳同埋好驚, 唔知點解對住自己個女又冇喎, 姑娘要我地試餵人奶先可以補奶粉, 當然我未咁快上奶, 俾佢啜每邊十分鐘就算了!
在場媽媽好多都同我一樣, 一來唔識, 二來未有奶, 三來係BB會瞓著, 大家都好迷茫, 姑娘又好忙, 呢兩日真係勁多人生, 餵奶房又熱又迫!
俾BB啜完就問姑娘攞奶水, 醫院唔係用奶粉沖水, 係一支支沖好晒既奶水, 如果要買成幾十蚊支架! 餵完後仲要幫BB掃風, 之前聽講座已經學左掃風, 所以都叫識了, 只係唔知幾時先叫掃完!
掃完後就抱返BB返床, 做返紀錄, 餵左每邊十分鐘人奶(其實只係啜空氣)+45ML既奶水, 之後姑娘會教換片, MARK返有冇大小便, 之後就走得了!
港安既餵奶時間係8:00, 12:00, 16:00, 20:00, 我16:00餵完後, 20:00都有再去, 都係好多人呀!
返房老公已經係度, 原來我都搞左成個鐘, 好開心咁同老公一齊睇相, 佢今晚又陪我到十點先走喇!
今日係公眾假期, 老公放假, 另外佢公司有3日侍產假, 加埋呢兩日紅日, 佢可以陪我幾日! 晨早七點佢就黎了, 真係仲早過返工!
咁早黎因為佢要扶我落床, 琴晚我好聽話, 不停郁動雙腳同腰, 我聽過好多人講落床係勁痛, 而我又覺得唔係好痛咋喎, 要痛琴晚郁既時候都痛晒, 哈哈!
雖然落得床, 但都未行得住, 所以都係靠老公影相我睇, 不過下晝就可以抱BB喇, 胡醫生叫我四點個轉可以試下去餵BB!
其實我想試下醫院既飯, 睇MENU佢D菜式好吸引, 呢度係食素, 但MENU可以有肉, 姑娘話D肉都係素, 但做得好似, 同埋都OK, 所以好想試下呢, 不過阿媽每日都拎兩餐飯俾我, 所以冇機會試了!
終於等到四點, 可以慢慢行去餵奶, 行係真係有D痛, 姑娘叫我地影左全家幅先, 所以老公都可以一齊掂下BB了, 私家醫院生就呢樣唔好, 老公唔係成日可以抱BB, 除非你俾錢, 每日都有親子時間, 即係爸爸同BB除衫抱下, 不過我地都唔會洗呢D錢!
終於第一次抱BB喇, 感覺好特別, 真係唔相信佢係我個女, 姑娘除左用醫院相機, 仲會用我地相機幫我地影, 好開心!
影完後我就試下去餵奶, 老公就出去食野了!!
平時抱人地既BB都會好雞手鴨腳同埋好驚, 唔知點解對住自己個女又冇喎, 姑娘要我地試餵人奶先可以補奶粉, 當然我未咁快上奶, 俾佢啜每邊十分鐘就算了!
在場媽媽好多都同我一樣, 一來唔識, 二來未有奶, 三來係BB會瞓著, 大家都好迷茫, 姑娘又好忙, 呢兩日真係勁多人生, 餵奶房又熱又迫!
俾BB啜完就問姑娘攞奶水, 醫院唔係用奶粉沖水, 係一支支沖好晒既奶水, 如果要買成幾十蚊支架! 餵完後仲要幫BB掃風, 之前聽講座已經學左掃風, 所以都叫識了, 只係唔知幾時先叫掃完!
掃完後就抱返BB返床, 做返紀錄, 餵左每邊十分鐘人奶(其實只係啜空氣)+45ML既奶水, 之後姑娘會教換片, MARK返有冇大小便, 之後就走得了!
港安既餵奶時間係8:00, 12:00, 16:00, 20:00, 我16:00餵完後, 20:00都有再去, 都係好多人呀!
返房老公已經係度, 原來我都搞左成個鐘, 好開心咁同老公一齊睇相, 佢今晚又陪我到十點先走喇!
 |
| BB好合作咁笑呀! |
入院生B - 第二天(下)
胡醫生話BB重七磅七, 真係好彩開刀, 如果等多兩星期順產, 應該生得好辛苦!
返房後其實都唔會瞓到, 老公已經幫我POST左相上FACEBOOK, 而我又WTSAPP下咁!
中午左右麻醉葯開始過, 雙腳慢慢有返知覺, 不過今日全日都唔落得床, 姑娘定時定候幫我放尿, 探熱, 量血壓, 換M巾等等, 全日有人服侍, 哈哈!
仲有就係會按子宮, 呢個真係十分之痛, 姑娘話一定要按, 幫助子宮收縮, 佢一邊按一邊會睇下我D惡露既流量, 我係感覺到流得好勁, 諗起都恐怖呢, 仲要黎按幾次, 佢叫我得閒自己都要按下, 同埋郁下手腳, 咁我聽朝落床就會冇咁痛了!
下晝開始屋企人就黎探我同BB了, 而我都係靠佢地影相同拍片先見到BB個樣, 望住D相, 都未接受到做左阿媽, 同埋想像唔到呢個就係我十月懷胎生出黎既BB!
今日都未食得野, 只可以飲下粥水同炒米茶, 所以我都係十分之肚餓!!
私家醫院真係好好, 有獨立電視, 又可以拉晒布唔俾人睇到, 仲有就係老公可以全日陪住同埋服侍自己, 我地一齊睇下佔中新聞, 開始會擔心下個女長大後香港會變成點!
老公陪到十點幾走了, 佢知我唔郁得, 臨走擺好晒D野, 例如水杯保溫壼, IPAD, 叉電等等, 方便我半夜起身要用呢!
返房後其實都唔會瞓到, 老公已經幫我POST左相上FACEBOOK, 而我又WTSAPP下咁!
中午左右麻醉葯開始過, 雙腳慢慢有返知覺, 不過今日全日都唔落得床, 姑娘定時定候幫我放尿, 探熱, 量血壓, 換M巾等等, 全日有人服侍, 哈哈!
仲有就係會按子宮, 呢個真係十分之痛, 姑娘話一定要按, 幫助子宮收縮, 佢一邊按一邊會睇下我D惡露既流量, 我係感覺到流得好勁, 諗起都恐怖呢, 仲要黎按幾次, 佢叫我得閒自己都要按下, 同埋郁下手腳, 咁我聽朝落床就會冇咁痛了!
下晝開始屋企人就黎探我同BB了, 而我都係靠佢地影相同拍片先見到BB個樣, 望住D相, 都未接受到做左阿媽, 同埋想像唔到呢個就係我十月懷胎生出黎既BB!
今日都未食得野, 只可以飲下粥水同炒米茶, 所以我都係十分之肚餓!!
私家醫院真係好好, 有獨立電視, 又可以拉晒布唔俾人睇到, 仲有就係老公可以全日陪住同埋服侍自己, 我地一齊睇下佔中新聞, 開始會擔心下個女長大後香港會變成點!
老公陪到十點幾走了, 佢知我唔郁得, 臨走擺好晒D野, 例如水杯保溫壼, IPAD, 叉電等等, 方便我半夜起身要用呢!
Wednesday, 10 December 2014
入院生B - 第二天(上)
2014年9月30日 38W1D
雖然較左6:15鬧鐘, 但成晚瞓好差, 所以都係一早醒左, 梳洗完後, 老公話佢已到左, 醫院7:00先俾探病, 不過我都叫左佢入黎, 冇姑娘見到其實都OK既!
換好手術袍就等人帶我去手術室, 老公都被帶去穿袍! 我係瞓係度被推去搭電梯上去, 再入手術室, 其實以前做手術都係咁, 不過今次真係驚好多!
麻醉師首先同我打招呼同講下麻醉過程, 之後就推我入手術室了, 我不停同佢講我好怕痛架, 好驚呀等等, 仲有就係.....好肚餓, 哈哈, 呢三個字我由未生到生完出黎一直講梗, D姑娘就笑我咁為食, 可惜未咁快食得野住呀!
麻醉師幫我種豆, 嘩, 我覺得佢手勢真係差, 因為係好鬼痛, 我以前種過都冇咁痛架, 最慘係痛足一日一夜仲痛梗, 條疤到而家仲未退!
之後到半身麻醉, 要打側身捲埋身俾佢打, 我聽過呢針係好痛, 我覺得比起種豆反而冇咁痛, 不過有唔舒服感覺就真, 之後開始下半身就冇感覺, 要佢地幫我轉返身, 之後佢地竟然要我打開雙手再搵野扣住, 話驚我手術期間對手亂郁整到個肚喎, 我覺得自己好似被釘十字架咁, 感覺好難受!
見到胡醫生了, 因為我入院係揀左麻醉後插尿喉, 正常要加$500, 如果胡醫生幫我就唔駛錢, 所以一入到去我不停叫佢地唔好幫我插, 要等胡醫生黎, 哈哈, 佢地係咁笑我清醒, 仲識計呢D數, 我話成5舊水架, 你地唔好亂黎!
佢地會用塊布遮住我下半身, 好快手術開始了, 做梗手術期間老公先入黎, 我仲同佢講, 做梗喇, 佢好驚訝咁話: 下? 做梗架喇?
一路聽到D吸野聲, 當然仲有我下半身不停被拉扯既感覺, 雖然係唔痛, 但.......真係感覺好辛苦, 雙手又被扣住, 好攰, 唔知係麻醉葯定係我真係驚, 成個過程全身都係震得好勁, 好驚會震到影響到個手術!
我依然係度叫梗肚餓, 過左幾分鐘, 麻醉師話會幫手推BB出黎, 之後胡醫生話BB出黎喇, 我地仲呆梗, 一兩秒後聽到BB好大聲咁喊, 個一刻個感覺好特別, 我唔識形容, 真係好似發梗夢咁, 我做左人阿媽喇!!
胡醫生同D姑娘不停講, BB好肥呀, 好多頭髮呀, 之後抱左去整理, 我同老公講, 大鑊喇, 佢把聲咁響亮, 之後唔駛瞓喇!
整理完後姑娘就抱黎我地身邊, 我第一句係話, 好醜樣呀, 姑娘再幫我地影下相, 老公就出去了, 而我就留係度聯針!
原來老公去左剪臍帶, 聯針期間聽到佢地講梗佔中, 大約10分鐘就搞掂, 推左我出去一個位呆等, 話要觀察喎, 搞掂晒後先推返我入房!
雖然較左6:15鬧鐘, 但成晚瞓好差, 所以都係一早醒左, 梳洗完後, 老公話佢已到左, 醫院7:00先俾探病, 不過我都叫左佢入黎, 冇姑娘見到其實都OK既!
換好手術袍就等人帶我去手術室, 老公都被帶去穿袍! 我係瞓係度被推去搭電梯上去, 再入手術室, 其實以前做手術都係咁, 不過今次真係驚好多!
麻醉師首先同我打招呼同講下麻醉過程, 之後就推我入手術室了, 我不停同佢講我好怕痛架, 好驚呀等等, 仲有就係.....好肚餓, 哈哈, 呢三個字我由未生到生完出黎一直講梗, D姑娘就笑我咁為食, 可惜未咁快食得野住呀!
麻醉師幫我種豆, 嘩, 我覺得佢手勢真係差, 因為係好鬼痛, 我以前種過都冇咁痛架, 最慘係痛足一日一夜仲痛梗, 條疤到而家仲未退!
之後到半身麻醉, 要打側身捲埋身俾佢打, 我聽過呢針係好痛, 我覺得比起種豆反而冇咁痛, 不過有唔舒服感覺就真, 之後開始下半身就冇感覺, 要佢地幫我轉返身, 之後佢地竟然要我打開雙手再搵野扣住, 話驚我手術期間對手亂郁整到個肚喎, 我覺得自己好似被釘十字架咁, 感覺好難受!
見到胡醫生了, 因為我入院係揀左麻醉後插尿喉, 正常要加$500, 如果胡醫生幫我就唔駛錢, 所以一入到去我不停叫佢地唔好幫我插, 要等胡醫生黎, 哈哈, 佢地係咁笑我清醒, 仲識計呢D數, 我話成5舊水架, 你地唔好亂黎!
佢地會用塊布遮住我下半身, 好快手術開始了, 做梗手術期間老公先入黎, 我仲同佢講, 做梗喇, 佢好驚訝咁話: 下? 做梗架喇?
一路聽到D吸野聲, 當然仲有我下半身不停被拉扯既感覺, 雖然係唔痛, 但.......真係感覺好辛苦, 雙手又被扣住, 好攰, 唔知係麻醉葯定係我真係驚, 成個過程全身都係震得好勁, 好驚會震到影響到個手術!
我依然係度叫梗肚餓, 過左幾分鐘, 麻醉師話會幫手推BB出黎, 之後胡醫生話BB出黎喇, 我地仲呆梗, 一兩秒後聽到BB好大聲咁喊, 個一刻個感覺好特別, 我唔識形容, 真係好似發梗夢咁, 我做左人阿媽喇!!
胡醫生同D姑娘不停講, BB好肥呀, 好多頭髮呀, 之後抱左去整理, 我同老公講, 大鑊喇, 佢把聲咁響亮, 之後唔駛瞓喇!
整理完後姑娘就抱黎我地身邊, 我第一句係話, 好醜樣呀, 姑娘再幫我地影下相, 老公就出去了, 而我就留係度聯針!
原來老公去左剪臍帶, 聯針期間聽到佢地講梗佔中, 大約10分鐘就搞掂, 推左我出去一個位呆等, 話要觀察喎, 搞掂晒後先推返我入房!
入院生B - 第一天
2014年9月29日 38W
終於的起心肝寫返呢個BLOG喇, 希望我仲會記得!
起身執好入院物品, 原來都要一個BACKPACK再加一個袋先裝得晒, 仲要我已經有好多野冇帶, 因為私家醫院好多野都包, 唔夠先再叫老公返黎拎都好方便!
基本我都係帶左睡衣, 牙刷牙膏, 毛巾, 沐浴露洗頭水, 炒米茶包, 保溫壼2個, 哺乳BRA, 餅乾, 仲有IPAD同電話叉電!
老公請左下晝假返黎, 我地好緊張呀, 臨生前既晚餐我諗左好耐食乜, 因為過左12點要戒口了, 生完坐月又好多野唔食得, 仲有係要坐監添, 最後我揀左荃灣出名既莎樂美!
我地係屋企影埋最後大肚相, 六點就出去晚餐了, 食到好飽好飽, 之後搭巴士去醫院, 最後一次大肚搭巴士喇, 真係有D唔捨得個肚呢!
去到醫院先辦入院手續, 落左2萬訂金先, 之後就上去做檢查了!
首先係磅重, 唔知係個磅同QE唔同定我呢幾日重太多, 原來我重左40磅呀, 生完真係要努力減肥喇!
量血壓時姑娘話我血壓高, 我血壓從來只會低唔會高, 所以真係嚇左跳, 唔知係佢部機壞定我真係緊張到血壓高, 好彩再夜D時就冇野了!
之後姑娘問一堆野同講一堆野, 俾埋房既櫃桶匙我, 我係101-1, 即係第一間房第一張床, 嘩, 嘈死了, 問姑娘同房係咪大陸人, 佢話唔知, 聽日好多人生呀, 冇得揀了, 原來聽日成7單開刀, 我係第一個呢!!
問完就入左間獨立房, 我最初以為要放便, 仲好擔心添, 原來唔係個個要架, 係跟醫生既, 胡醫生開刀係唔駛! 上左張床姑娘幫我駁晒野聽住BB心跳, 俾個掣我話如果BB踢就按一下, 要聽半個鐘呀, 好彩有電視睇, 全程老公都係可以陪住既!
搞完一輪終於入房了, 已經差唔多十點, 我即刻去沖涼洗頭, 老公就幫我放好D野, 陪我差唔多十一點俾姑娘趕走了, 因為呢度探病時間到十點架咋!
呢度真係好近屋企, 老公用左15分鐘就行到返去了, 聽朝一早佢又要過黎, 所以好快瞓了, 而我....當然係失眠夜, 一方面好驚手術會好痛, 另一方面又好期待BB出世, 總之心情係好複雜,姑娘間中會黎探熱同量血壓, 大約三四點我就瞓著了!
終於的起心肝寫返呢個BLOG喇, 希望我仲會記得!
起身執好入院物品, 原來都要一個BACKPACK再加一個袋先裝得晒, 仲要我已經有好多野冇帶, 因為私家醫院好多野都包, 唔夠先再叫老公返黎拎都好方便!
基本我都係帶左睡衣, 牙刷牙膏, 毛巾, 沐浴露洗頭水, 炒米茶包, 保溫壼2個, 哺乳BRA, 餅乾, 仲有IPAD同電話叉電!
老公請左下晝假返黎, 我地好緊張呀, 臨生前既晚餐我諗左好耐食乜, 因為過左12點要戒口了, 生完坐月又好多野唔食得, 仲有係要坐監添, 最後我揀左荃灣出名既莎樂美!
我地係屋企影埋最後大肚相, 六點就出去晚餐了, 食到好飽好飽, 之後搭巴士去醫院, 最後一次大肚搭巴士喇, 真係有D唔捨得個肚呢!
去到醫院先辦入院手續, 落左2萬訂金先, 之後就上去做檢查了!
首先係磅重, 唔知係個磅同QE唔同定我呢幾日重太多, 原來我重左40磅呀, 生完真係要努力減肥喇!
量血壓時姑娘話我血壓高, 我血壓從來只會低唔會高, 所以真係嚇左跳, 唔知係佢部機壞定我真係緊張到血壓高, 好彩再夜D時就冇野了!
之後姑娘問一堆野同講一堆野, 俾埋房既櫃桶匙我, 我係101-1, 即係第一間房第一張床, 嘩, 嘈死了, 問姑娘同房係咪大陸人, 佢話唔知, 聽日好多人生呀, 冇得揀了, 原來聽日成7單開刀, 我係第一個呢!!
問完就入左間獨立房, 我最初以為要放便, 仲好擔心添, 原來唔係個個要架, 係跟醫生既, 胡醫生開刀係唔駛! 上左張床姑娘幫我駁晒野聽住BB心跳, 俾個掣我話如果BB踢就按一下, 要聽半個鐘呀, 好彩有電視睇, 全程老公都係可以陪住既!
搞完一輪終於入房了, 已經差唔多十點, 我即刻去沖涼洗頭, 老公就幫我放好D野, 陪我差唔多十一點俾姑娘趕走了, 因為呢度探病時間到十點架咋!
呢度真係好近屋企, 老公用左15分鐘就行到返去了, 聽朝一早佢又要過黎, 所以好快瞓了, 而我....當然係失眠夜, 一方面好驚手術會好痛, 另一方面又好期待BB出世, 總之心情係好複雜,姑娘間中會黎探熱同量血壓, 大約三四點我就瞓著了!
Friday, 21 November 2014
我生左了!
冇打好耐blog了, update下近況, bb出世已經個幾月了, 真係忙到嘔, 每日都缺乏睡眠, 好慘!
12月4日先正式開工, 但我上星期已經返左一日工, 今日又返多日, 好多人開工會唔捨得bb, 我又冇咁強烈, 上星期直頭有放監感覺, 放左工都唔願返去!
我會慢慢打返生b過程架喇, 俾d時間我!
12月4日先正式開工, 但我上星期已經返左一日工, 今日又返多日, 好多人開工會唔捨得bb, 我又冇咁強烈, 上星期直頭有放監感覺, 放左工都唔願返去!
我會慢慢打返生b過程架喇, 俾d時間我!
Wednesday, 24 September 2014
第十一次產檢 - 胡醫生
2014年9月23日 37W1D
政府產檢後, 走左去按腳, 因為我成個孕期都成日腳腫, 老公叫我臨生前按多D, 生完有排坐監!
下晝到私家, 最後一次了, 老公有陪我黎, 胡醫生既產檢, 老公都有陪足!
同胡醫生講返政府幫我驗左B鏈, 冇問題, 之後睇下BB, 佢話BB個面仔好肥呀, 再計一計, 而家7磅多少少了, 叫我放產假都唔好瞓咁多, 食完野要行下, 唔好俾BB咁肥, 咁預計下星期BB出世都係7磅幾, 如果等40週就會8磅幾架喇!
我再問下胡醫生開刀第一日係咪唔食得野, 佢話可以食粥水, 另外代謝病大約$1100, 入院時要同姑娘講, 最後胡醫生話: 咁我地醫院見喇!
真係好緊張呀, 呢幾晚開始失眠, 夜晚同老公係度睇電視, 又會講遲D我地冇咁悠閒可以係度嘆電視喇, 得返一星期, 新生活就會開始, 希望我唔會荒廢呢個BLOG啦!
政府產檢後, 走左去按腳, 因為我成個孕期都成日腳腫, 老公叫我臨生前按多D, 生完有排坐監!
下晝到私家, 最後一次了, 老公有陪我黎, 胡醫生既產檢, 老公都有陪足!
同胡醫生講返政府幫我驗左B鏈, 冇問題, 之後睇下BB, 佢話BB個面仔好肥呀, 再計一計, 而家7磅多少少了, 叫我放產假都唔好瞓咁多, 食完野要行下, 唔好俾BB咁肥, 咁預計下星期BB出世都係7磅幾, 如果等40週就會8磅幾架喇!
我再問下胡醫生開刀第一日係咪唔食得野, 佢話可以食粥水, 另外代謝病大約$1100, 入院時要同姑娘講, 最後胡醫生話: 咁我地醫院見喇!
真係好緊張呀, 呢幾晚開始失眠, 夜晚同老公係度睇電視, 又會講遲D我地冇咁悠閒可以係度嘆電視喇, 得返一星期, 新生活就會開始, 希望我唔會荒廢呢個BLOG啦!
第八次政府產檢 - QE
2014年9月23日 37W1D
最後一次產檢, 政府私家同一日, 好忙呢!
先講私家, 時間係10:30, 今次蛋白尿pass, 唔駛又不停驗! 咁多次產檢, 今次係最多人, 多到幾乎冇位坐, 真係好誇!
等到見醫生, 循例聽心跳, 醫生摸下肚, 今次摸埋恥骨位, 佢話bb隨時出世, 叫我留意住, 如果bb郁少左都要即刻黎, 我都唔好意思講其實我會去私家生!
之後睇血糖功課, 只係有2次超標, 醫生冇乜話我, 都係叫我留意下, 同埋要抽血, 下星期再返黎, 睇下係咪要催生, 但其實我下星期都生了!
本來想唔抽血, 唔排期就走, 最後都係做足晒先離開, 唔知幾時先會返黎了!
最後一次產檢, 政府私家同一日, 好忙呢!
先講私家, 時間係10:30, 今次蛋白尿pass, 唔駛又不停驗! 咁多次產檢, 今次係最多人, 多到幾乎冇位坐, 真係好誇!
等到見醫生, 循例聽心跳, 醫生摸下肚, 今次摸埋恥骨位, 佢話bb隨時出世, 叫我留意住, 如果bb郁少左都要即刻黎, 我都唔好意思講其實我會去私家生!
之後睇血糖功課, 只係有2次超標, 醫生冇乜話我, 都係叫我留意下, 同埋要抽血, 下星期再返黎, 睇下係咪要催生, 但其實我下星期都生了!
本來想唔抽血, 唔排期就走, 最後都係做足晒先離開, 唔知幾時先會返黎了!
Monday, 22 September 2014
產前講座 - Baby親子雜誌
呢個真係我臨生前最後一個講座喇, 連幾時報都唔記得, 見佢禮品幾吸引就報左了!
我冇copy低講座資料, 不過同呢個十月既一樣, 只係日子係9月17日, 時間地點內容同禮品都完全一樣!
我同老公遲左差唔多半個鐘先到, d位幾舒服, 同我上次去科學館差唔多, 頭一part內容都聽過好多次, 加上我地遲到, 都唔係聽左好耐, 同埋冇乜心機聽!
第二part講疫苗係冇聽過, 雖然我都join左疫苗plan, 不過聽下都好, 叫做有d認識!
最後係抽奬, 有三份架, 不過我抽唔到, 如果抽到就正喇, 有排唔駛買洗衣液!
講座比預期早左完, 所以我地黎左一個鐘都冇就走得, 禮品都唔差呀, 竟然有mides手套2對, 連價錢牌都冇撕, 2對加埋成舊水架!
我冇copy低講座資料, 不過同呢個十月既一樣, 只係日子係9月17日, 時間地點內容同禮品都完全一樣!
我同老公遲左差唔多半個鐘先到, d位幾舒服, 同我上次去科學館差唔多, 頭一part內容都聽過好多次, 加上我地遲到, 都唔係聽左好耐, 同埋冇乜心機聽!
第二part講疫苗係冇聽過, 雖然我都join左疫苗plan, 不過聽下都好, 叫做有d認識!
最後係抽奬, 有三份架, 不過我抽唔到, 如果抽到就正喇, 有排唔駛買洗衣液!
講座比預期早左完, 所以我地黎左一個鐘都冇就走得, 禮品都唔差呀, 竟然有mides手套2對, 連價錢牌都冇撕, 2對加埋成舊水架!
Thursday, 18 September 2014
第十次產檢 - 胡醫生
2014年9月16日 36W1D
仲有兩星期就開刀喇, 今日又見胡醫生, 一星期睇一次bb有幾重, 今次都唔係重好多, 今次有3kg, 比上星期多左唔算好多, 之前有人話一星期重1磅, 嚇得我丫!
之後胡醫生例牌話下我d血糖功課, 仲叫我剩係飲水好喇, 唔係卦...........
胡醫生再寫左入院紙俾我, 話有乜事拎住張紙入院就得, 仲要帶返驗血報告, 如果有咩緊急開刀, 佢都唔會另外收費, 醫院就睇時段收, 希望唔會發生啦!
以為今次係最後一次覆診, 點知佢話最好下星期見多次, 呢個月睇三次喇, 真係睇到窮呢!!
仲有兩星期就開刀喇, 今日又見胡醫生, 一星期睇一次bb有幾重, 今次都唔係重好多, 今次有3kg, 比上星期多左唔算好多, 之前有人話一星期重1磅, 嚇得我丫!
之後胡醫生例牌話下我d血糖功課, 仲叫我剩係飲水好喇, 唔係卦...........
胡醫生再寫左入院紙俾我, 話有乜事拎住張紙入院就得, 仲要帶返驗血報告, 如果有咩緊急開刀, 佢都唔會另外收費, 醫院就睇時段收, 希望唔會發生啦!
以為今次係最後一次覆診, 點知佢話最好下星期見多次, 呢個月睇三次喇, 真係睇到窮呢!!
Monday, 15 September 2014
第七次政府產檢 - QE
2014年9月11日 35W 3D
連續兩日既QE之旅, 大熱天時, 又咁大個肚, 都咪話唔辛苦!
之前衰左兩次蛋白尿, 到上次又冇事, 點知今日又衰過, 又要留小便, 真係好鬼煩, 都就快生, 有少少想一走了之唔理佢!
又係等左一粒鐘左右, 一入到去姑娘話今日驗埋B鏈, 嘩, 咁突然既? 我仲諗住佢會安排下次驗, 咁我下次唔黎, 點知無端端今日話驗, 唯有俾佢驗, 我太緊張, 係咁叫佢輕手D, 姑娘都好好, 佢話冇乜野之嘛, 哈哈!
驗B鏈其實只係用佢支好長既棉花棒, 係陰道口同PAT位攞D分泌物去驗, 睇下你有冇呢隻菌, 當然如果開刀其實有冇都冇所謂, 不過我又冇講會開刀, 所以唯有俾佢驗, 好彩唔痛!
搞掂後見醫生, 又係交功課時候, 佢話我血糖功課麻麻, 好易超標, 我都唔明點解食3件PIZZA都已經嚴重超標, 佢話我好大機會38W要提早催生, 兩星期後返黎再睇, 之後就走了!
其實我已經BOOK左38W開刀, 仲諗梗會唔會返黎睇呢!
連續兩日既QE之旅, 大熱天時, 又咁大個肚, 都咪話唔辛苦!
之前衰左兩次蛋白尿, 到上次又冇事, 點知今日又衰過, 又要留小便, 真係好鬼煩, 都就快生, 有少少想一走了之唔理佢!
又係等左一粒鐘左右, 一入到去姑娘話今日驗埋B鏈, 嘩, 咁突然既? 我仲諗住佢會安排下次驗, 咁我下次唔黎, 點知無端端今日話驗, 唯有俾佢驗, 我太緊張, 係咁叫佢輕手D, 姑娘都好好, 佢話冇乜野之嘛, 哈哈!
驗B鏈其實只係用佢支好長既棉花棒, 係陰道口同PAT位攞D分泌物去驗, 睇下你有冇呢隻菌, 當然如果開刀其實有冇都冇所謂, 不過我又冇講會開刀, 所以唯有俾佢驗, 好彩唔痛!
搞掂後見醫生, 又係交功課時候, 佢話我血糖功課麻麻, 好易超標, 我都唔明點解食3件PIZZA都已經嚴重超標, 佢話我好大機會38W要提早催生, 兩星期後返黎再睇, 之後就走了!
其實我已經BOOK左38W開刀, 仲諗梗會唔會返黎睇呢!
政府超聲波檢查 - QE
2014年9月10日 35W 2D
本身約左聽日政府產檢, 但早兩日QE突然打黎叫我今日返去照超聲波先, 照完先聽日見醫生, 結果我又要請假了!
正常政府產檢唔會照超聲波, 主要係OSCAR同結構先俾你照, 仲有就係好似我咁有妊娠糖尿, 佢要睇下BB比正常大幾多!
今次都係好多人, 大約等左一粒鐘先到我, 不過今次唔知姑娘定醫生, 態度好好多, 佢話剩係幫我照, 聽日醫生會同我講報告!
照完後我問BB幾重, 佢話2.86公斤, 上星期胡醫生度照有2.6公斤, 一星期重0.26公斤, 唔知係咪算標準呢?
本身約左聽日政府產檢, 但早兩日QE突然打黎叫我今日返去照超聲波先, 照完先聽日見醫生, 結果我又要請假了!
正常政府產檢唔會照超聲波, 主要係OSCAR同結構先俾你照, 仲有就係好似我咁有妊娠糖尿, 佢要睇下BB比正常大幾多!
今次都係好多人, 大約等左一粒鐘先到我, 不過今次唔知姑娘定醫生, 態度好好多, 佢話剩係幫我照, 聽日醫生會同我講報告!
照完後我問BB幾重, 佢話2.86公斤, 上星期胡醫生度照有2.6公斤, 一星期重0.26公斤, 唔知係咪算標準呢?
Friday, 5 September 2014
篤手指的生活
自從有妊娠糖尿, 就開始篤手指既生活, 到而家有6星期了, 醫院叫每星期篤一至兩日, 每日4次, 而我都好聽話既, 加上老公都開始好管我呢樣野, 冇得唔聽!
其實篤手指唔係想像中咁可怕, 我仲覺得好得意, 每次都好想知道究竟呢餐會唔會超標呢? 好多時結果都係出人意表, 你覺得唔會超標, 就會超標, 你以為一定超標, 反而又冇事喎!
最誇張係同老公兩個人食一個麥記雙層芝士孖寶餐, 真係每樣都只食一半, 竟然有7.8, 算係超標, 但係有晚食完飯再食雪糕呢, 又冇事喎!
經醫院信買部血糖機好平, 只需$300, 包50張試紙同100支針, 試紙都唔平呀, 如果再買要$200左右50張, 每日4次既話, 其實我只可以篤12.5日, 不過有時我一日只食兩餐, 勉強叫篤到14日!
最近發現部機有d問題, 可能係試紙問題, 沾完血冇反應, 仲話我唔夠血, 搞到我要用過張新既, 幾次都係咁, 時得時唔得!
早兩日打去問, 佢叫我去維修站睇, 如果有問題會即時換過俾我, 上到去, 真係一肚氣, 佢問我沾血方法, 我話咪篤完用張紙去掂d血囉, 佢問我打橫定打直定打斜, 其實我真係冇為意, 但一定唔係打直, 佢就話我錯, 係應該打直, 我話醫院姑娘都冇咁話一定要打直喎, 佢話醫院姑娘都錯, 我見佢係睇過說明書, 再咁樣答我, 佢用左我一張試紙試, 又冇事喎, 之後就話係我用錯方法, 所以冇得換, 我完全覺得俾人耍咁!
返到屋企即刻拎本說明書睇, 都冇話一定要打直, 而且佢張圖片係打斜方式吸血, 真係越諗越嬲, 加上唔知係咪賀爾蒙影響, 越黎越燥底, 決定第二日再打去嘈!
佢地既售後服務認真麻麻, 個hotline係長期冇人聽, 再飛落錄音度, 錄左係冇人覆, 打去總代理, 不停叫我打其他電話, 但其他電話都係冇人聽+錄音的, 最後.......終於有人聽了, 有人肯跟進!
我成件事解釋一次啦, 我大住個肚, 專登走上去維修站, 佢好似耍我咁, 又話我錯又話姑娘錯, 但其實說明書都係咁教, 同埋我已經用左個半月, 如果錯點解頭一個月又冇問題呢? 最後個女仔都好好, 佢問我用剩幾多張, 佢肯換過新既俾我, 但我已經講明唔會再上返上次個間維修站, 佢會安排第二間俾我去攞貨!
希望換完貨會冇問題啦, 我都估唔到臨生前會發生呢d小風波, 大住個肚咁樣周圍走其實都好辛苦架!
其實篤手指唔係想像中咁可怕, 我仲覺得好得意, 每次都好想知道究竟呢餐會唔會超標呢? 好多時結果都係出人意表, 你覺得唔會超標, 就會超標, 你以為一定超標, 反而又冇事喎!
最誇張係同老公兩個人食一個麥記雙層芝士孖寶餐, 真係每樣都只食一半, 竟然有7.8, 算係超標, 但係有晚食完飯再食雪糕呢, 又冇事喎!
經醫院信買部血糖機好平, 只需$300, 包50張試紙同100支針, 試紙都唔平呀, 如果再買要$200左右50張, 每日4次既話, 其實我只可以篤12.5日, 不過有時我一日只食兩餐, 勉強叫篤到14日!
最近發現部機有d問題, 可能係試紙問題, 沾完血冇反應, 仲話我唔夠血, 搞到我要用過張新既, 幾次都係咁, 時得時唔得!
早兩日打去問, 佢叫我去維修站睇, 如果有問題會即時換過俾我, 上到去, 真係一肚氣, 佢問我沾血方法, 我話咪篤完用張紙去掂d血囉, 佢問我打橫定打直定打斜, 其實我真係冇為意, 但一定唔係打直, 佢就話我錯, 係應該打直, 我話醫院姑娘都冇咁話一定要打直喎, 佢話醫院姑娘都錯, 我見佢係睇過說明書, 再咁樣答我, 佢用左我一張試紙試, 又冇事喎, 之後就話係我用錯方法, 所以冇得換, 我完全覺得俾人耍咁!
返到屋企即刻拎本說明書睇, 都冇話一定要打直, 而且佢張圖片係打斜方式吸血, 真係越諗越嬲, 加上唔知係咪賀爾蒙影響, 越黎越燥底, 決定第二日再打去嘈!
佢地既售後服務認真麻麻, 個hotline係長期冇人聽, 再飛落錄音度, 錄左係冇人覆, 打去總代理, 不停叫我打其他電話, 但其他電話都係冇人聽+錄音的, 最後.......終於有人聽了, 有人肯跟進!
我成件事解釋一次啦, 我大住個肚, 專登走上去維修站, 佢好似耍我咁, 又話我錯又話姑娘錯, 但其實說明書都係咁教, 同埋我已經用左個半月, 如果錯點解頭一個月又冇問題呢? 最後個女仔都好好, 佢問我用剩幾多張, 佢肯換過新既俾我, 但我已經講明唔會再上返上次個間維修站, 佢會安排第二間俾我去攞貨!
希望換完貨會冇問題啦, 我都估唔到臨生前會發生呢d小風波, 大住個肚咁樣周圍走其實都好辛苦架!
Wednesday, 3 September 2014
第九次產檢 - 胡醫生
2014年9月1 日 34W
提早開始2星期一次產檢, 即是又要洗多d錢!
今日交功課俾醫生, 由於呢兩日都有超標, 好驚佢鬧我, 不過佢又冇, 其實我食d野都冇諗過會超標, 我諗佢都好無奈, 唯有再努力d, 辛苦多4星期!
問醫生如果早產, 我應該去政府定私家, 佢話其實過左34w, 去私家都ok架喇, 當然政府設備完善d, 未夠32w就一定係政府!
到好緊張時刻, 就係睇bb, 緊張在我好想知佢重左幾多, d人話一星期會重一磅, 我上次黎係2kg, 即係4.4磅, 好鬼驚今次真係有6磅幾, 好彩係2.6kg, 唔夠6磅, 都係超重, 不過比想像中好, 好彩我揀左開刀, 如果順產, 咁大個真係好辛苦!
有朋友下星期預產, bb同我而家一樣重, 佢醫生預計出世會6磅幾, 2星期後我又再返黎睇下bb幾重喇!
提早開始2星期一次產檢, 即是又要洗多d錢!
今日交功課俾醫生, 由於呢兩日都有超標, 好驚佢鬧我, 不過佢又冇, 其實我食d野都冇諗過會超標, 我諗佢都好無奈, 唯有再努力d, 辛苦多4星期!
問醫生如果早產, 我應該去政府定私家, 佢話其實過左34w, 去私家都ok架喇, 當然政府設備完善d, 未夠32w就一定係政府!
到好緊張時刻, 就係睇bb, 緊張在我好想知佢重左幾多, d人話一星期會重一磅, 我上次黎係2kg, 即係4.4磅, 好鬼驚今次真係有6磅幾, 好彩係2.6kg, 唔夠6磅, 都係超重, 不過比想像中好, 好彩我揀左開刀, 如果順產, 咁大個真係好辛苦!
有朋友下星期預產, bb同我而家一樣重, 佢醫生預計出世會6磅幾, 2星期後我又再返黎睇下bb幾重喇!
Monday, 1 September 2014
34W準備好物品
踏入34W了, 由於怕早產, 近期開turbo搞掂晒所有野, 基本上都叫買齊野, 仲已經準備好炒米茶, 執好半個走佬袋, 另外一半用品仲用梗, 未執得住!
好多朋友問我地要乜, 其實我地真係準備好晒, 已經有好多物資有朋友俾, 加埋媽媽會, 講座禮品, 真係冇咩需要再買, 或者都要等BB出左世先知!
數下屋企既尿片, 未計BB展訂既, 都已經好多, 都係朋友俾, 或者係禮品, 我諗有排都未駛買尿片住!
再數下沖涼洗頭液, 又係有好多, 除左有支連奶樽SET一齊買, 其他都係sample, 朋友話其實每次沖涼滴幾滴, 一支真係有排用, 我諗又係短時間唔駛再買, 希望bb唔會敏感啦!
之後就係body lotion, 面霜, patpat膏等等, 又係全部sample, 陪月叫我地買凡士林, 我地仲諗梗買唔買好!
好多朋友問我地要乜, 其實我地真係準備好晒, 已經有好多物資有朋友俾, 加埋媽媽會, 講座禮品, 真係冇咩需要再買, 或者都要等BB出左世先知!
數下屋企既尿片, 未計BB展訂既, 都已經好多, 都係朋友俾, 或者係禮品, 我諗有排都未駛買尿片住!
再數下沖涼洗頭液, 又係有好多, 除左有支連奶樽SET一齊買, 其他都係sample, 朋友話其實每次沖涼滴幾滴, 一支真係有排用, 我諗又係短時間唔駛再買, 希望bb唔會敏感啦!
之後就係body lotion, 面霜, patpat膏等等, 又係全部sample, 陪月叫我地買凡士林, 我地仲諗梗買唔買好!
Friday, 29 August 2014
產前講座 - 雪印
琴晚又參加完講座, 應該係最後一個講座了, 其實計返, 覺得自己真係好勁, 參加左好多好多講座, 仲已經讓左兩次既美素佳兒俾其他媽媽, 仲有黎梗有樂天媽媽分享會我都冇報, 不過好想參加既kinetics同stokke都抽唔到, 實在有d可惜!!
講返呢個講座, 8月28日晚7:30-9:00, 地點係灣仔溫莎公爵, 上次都黎過一次, 其實都幾吊腳, 地鐵出左仲要行一段路, 夏天行都幾辛苦, 仲要咁大個肚!!
講題：初生嬰兒護理、懷孕後期及坐月飲食小貼士
本來又係諗住坐陣走, 不過個講座內容又ok喎, 其實雪印好少搞講座, 所以今次都幾難得, 佢仲派左坐月湯水同小菜既notes俾我地, 老公仲竟然寫筆記, 哈哈!
個講座比預期早左完, 8:40就走得了, 而禮品方面呢, 除左softtouch棉, 順順兒濕巾, 竟然仲有幾包bioderma同seba, 又可以試多兩個牌子, 我真係儲埋儲埋好多sample, 有排唔駛買!!
講返呢個講座, 8月28日晚7:30-9:00, 地點係灣仔溫莎公爵, 上次都黎過一次, 其實都幾吊腳, 地鐵出左仲要行一段路, 夏天行都幾辛苦, 仲要咁大個肚!!
講題：初生嬰兒護理、懷孕後期及坐月飲食小貼士
本來又係諗住坐陣走, 不過個講座內容又ok喎, 其實雪印好少搞講座, 所以今次都幾難得, 佢仲派左坐月湯水同小菜既notes俾我地, 老公仲竟然寫筆記, 哈哈!
個講座比預期早左完, 8:40就走得了, 而禮品方面呢, 除左softtouch棉, 順順兒濕巾, 竟然仲有幾包bioderma同seba, 又可以試多兩個牌子, 我真係儲埋儲埋好多sample, 有排唔駛買!!
Thursday, 28 August 2014
第六次政府產檢 - QE
2014年8月26日 33W1D
又到兩星期一次既政府產檢, 上兩次一黎到就話我有蛋白尿, 今次我仲諗住都衰梗, 點知冇事!
體重方面, 比兩星期前重左0.5KG, 應該都算OK, 不過要下星期私家產檢先知BB重左幾多!
之後又係等等等, 大約一個鐘先到我, 期間我突然有D肚痛, 係側邊位扯住痛, 扯左陣又冇野, 隔一陣又黎, 入到醫生房仲有D痛, 就同佢講, 佢話我係宮縮, 咁佢按D位, 仲痛梗, 搞到佢都有D擔心!
佢問我有冇人陪我黎, 我話冇呀, 佢話我作早產, 不如留院一晚觀察下, 我即刻呆左, 當然唔想留院啦, 佢話驚我一個人返去途中生得, 我話唔會卦......諗左陣, 就話我返到去架, 有咩事我先再返黎啦, 於是醫生就開左兩日假俾我休息, 叫我唔好再周圍走!
一出醫生房打俾老公, 越講越驚, 不過我諗醫生都係擔心早產, 既然佢俾得我走, 應該冇事卦!!
今次唔知點解要抽血, 抽埋先走得, 兩星期後又返黎喇!
又到兩星期一次既政府產檢, 上兩次一黎到就話我有蛋白尿, 今次我仲諗住都衰梗, 點知冇事!
體重方面, 比兩星期前重左0.5KG, 應該都算OK, 不過要下星期私家產檢先知BB重左幾多!
之後又係等等等, 大約一個鐘先到我, 期間我突然有D肚痛, 係側邊位扯住痛, 扯左陣又冇野, 隔一陣又黎, 入到醫生房仲有D痛, 就同佢講, 佢話我係宮縮, 咁佢按D位, 仲痛梗, 搞到佢都有D擔心!
佢問我有冇人陪我黎, 我話冇呀, 佢話我作早產, 不如留院一晚觀察下, 我即刻呆左, 當然唔想留院啦, 佢話驚我一個人返去途中生得, 我話唔會卦......諗左陣, 就話我返到去架, 有咩事我先再返黎啦, 於是醫生就開左兩日假俾我休息, 叫我唔好再周圍走!
一出醫生房打俾老公, 越講越驚, 不過我諗醫生都係擔心早產, 既然佢俾得我走, 應該冇事卦!!
今次唔知點解要抽血, 抽埋先走得, 兩星期後又返黎喇!
Monday, 25 August 2014
Nutricia MBA雙職媽媽課程
連續兩日既講座, 其實今日唔算講座, 係叫課程, 好耐之前報了!
有幾個日期地點揀, 分別係鰂魚涌同銅鑼灣, 而我就揀左近少少既銅鑼灣, 日期係8月23日星期六, 個陣未知老公駛唔駛返工, 而且佢好似唔俾老公去, 所以我報左自己一個參加!
佢地都幾認真, 2日前打黎confirm, 幾好禮貌, 仲會問老公會唔會黎等等!
等車等耐左, 搞到遲到, 佢地又會打黎問我係咪黎梗, 真係算幾有心, 哈哈!
一去到第一part係整野食, 最初仲驚會唔啱我口味, 因為我太多野唔食了, 估唔到又ok喎, 整酥皮野莓芝麻乳酪撻, 健康又好味!!
第二part係九型人格, 早個幾星期佢有email黎要我地做一份九型人格既問卷, 成百幾題, 我本來想放棄, 最後都係完成左, 但係答得好求其, 哈哈, 去到呢個講座先知原來出面要成千蚊做一份咁既野再同你分析埋!
佢講左幾類媽媽出黎, 其實對我黎講又唔算好準, 可能係我答得求其啦, 不過呢part比我想像中冇咁悶既!
第三part係運動, 都係教d簡單伸展, 又話會冇咁易抽筋, 我當晚已經又再抽筋了!
完成晒課程, 其實都唔錯, 唔悶, 仲有野食, 我留左俾老公一齊食!
當日課程我仲撞到個中學同學, 原來係可以帶老公黎架, 佢話有朋友報過話佢知可以帶, 可以同老公一齊整餅, 一齊上堂, 一齊學做運動, 佢學識仲可以幫你, 真係唔錯呢!
禮品方面就冇乜喇, 除左個幾件撻, 仲有一份九型人格分析報告, 同埋DHA魚油丸30粒裝, 佢話生完餵人奶都可以繼續食, 我諗我都會生完先食了, 生前都係繼續食藻油DHA!
有幾個日期地點揀, 分別係鰂魚涌同銅鑼灣, 而我就揀左近少少既銅鑼灣, 日期係8月23日星期六, 個陣未知老公駛唔駛返工, 而且佢好似唔俾老公去, 所以我報左自己一個參加!
| |||||||||||||||||||
飲食營養 ﹣ 烹調適合孕婦的營養美食
教授簡單而富營養的美食，並講解營養飲食的重要知識和概念佢地都幾認真, 2日前打黎confirm, 幾好禮貌, 仲會問老公會唔會黎等等!
等車等耐左, 搞到遲到, 佢地又會打黎問我係咪黎梗, 真係算幾有心, 哈哈!
一去到第一part係整野食, 最初仲驚會唔啱我口味, 因為我太多野唔食了, 估唔到又ok喎, 整酥皮野莓芝麻乳酪撻, 健康又好味!!
第二part係九型人格, 早個幾星期佢有email黎要我地做一份九型人格既問卷, 成百幾題, 我本來想放棄, 最後都係完成左, 但係答得好求其, 哈哈, 去到呢個講座先知原來出面要成千蚊做一份咁既野再同你分析埋!
佢講左幾類媽媽出黎, 其實對我黎講又唔算好準, 可能係我答得求其啦, 不過呢part比我想像中冇咁悶既!
第三part係運動, 都係教d簡單伸展, 又話會冇咁易抽筋, 我當晚已經又再抽筋了!
完成晒課程, 其實都唔錯, 唔悶, 仲有野食, 我留左俾老公一齊食!
當日課程我仲撞到個中學同學, 原來係可以帶老公黎架, 佢話有朋友報過話佢知可以帶, 可以同老公一齊整餅, 一齊上堂, 一齊學做運動, 佢學識仲可以幫你, 真係唔錯呢!
禮品方面就冇乜喇, 除左個幾件撻, 仲有一份九型人格分析報告, 同埋DHA魚油丸30粒裝, 佢話生完餵人奶都可以繼續食, 我諗我都會生完先食了, 生前都係繼續食藻油DHA!
產前講座 - 雀巢2
由於上次雀巢講座禮品太豐富, 所以我又報多次, 哈哈!
今次係8月22日19:30-21:00, 地點係童軍中心, 見時間地點都唔錯, 就報左呢個!
原來禮品都要睇返雀巢同邊間合辦, 上次我聽既係同kinetics合辦, 之後有其他媽媽話禮品麻麻, 我即時好緊張睇返我今次係同邊間, 原來都係kinetics, 放心晒!
今次講座內容係: 生產過程及護理, 母乳餵哺技巧, 嬰幼兒營養及育嬰示範!
上次講座好多人聽左半個鐘就走, 本來同老公今次都諗住聽一陣走, 但可能今次內容太吸引, 竟然講完兩part都未有人走!
生產過程及護理, 原本以為佢只講順產, 原來有講埋開刀, 仲有片睇添, 都ok喎!
到母乳, 呢個題目真係聽過好多次, 老公已經叫想走, 但我地又唔好意思, 去到第三part, 好快就講完, 我已經開始肚餓, 到開始育嬰示範時, 我地就起身走了!
呢個時候都有幾對人一齊走, 冇咁尷尬!!
返屋企睇下禮品, 真係同上次一模一樣架, 有白P片片NB 16片, 濕巾8片, mustela試用(我已經有5set了, 哈哈), 仲有兩支bb蘋果汁, 一包bb米粉, 一條口水堅, 由於一樣, 所以我冇影相了!
今次係8月22日19:30-21:00, 地點係童軍中心, 見時間地點都唔錯, 就報左呢個!
原來禮品都要睇返雀巢同邊間合辦, 上次我聽既係同kinetics合辦, 之後有其他媽媽話禮品麻麻, 我即時好緊張睇返我今次係同邊間, 原來都係kinetics, 放心晒!
今次講座內容係: 生產過程及護理, 母乳餵哺技巧, 嬰幼兒營養及育嬰示範!
上次講座好多人聽左半個鐘就走, 本來同老公今次都諗住聽一陣走, 但可能今次內容太吸引, 竟然講完兩part都未有人走!
生產過程及護理, 原本以為佢只講順產, 原來有講埋開刀, 仲有片睇添, 都ok喎!
到母乳, 呢個題目真係聽過好多次, 老公已經叫想走, 但我地又唔好意思, 去到第三part, 好快就講完, 我已經開始肚餓, 到開始育嬰示範時, 我地就起身走了!
呢個時候都有幾對人一齊走, 冇咁尷尬!!
返屋企睇下禮品, 真係同上次一模一樣架, 有白P片片NB 16片, 濕巾8片, mustela試用(我已經有5set了, 哈哈), 仲有兩支bb蘋果汁, 一包bb米粉, 一條口水堅, 由於一樣, 所以我冇影相了!
Tuesday, 19 August 2014
第八次產檢 - 胡醫生
2014年8月15日 31W4D
又到一個月一次既私家產檢, 照舊同老公放半晝, 再去嘆個牛涮鍋午市任食, 再行陣就去搵胡醫生了!
一見胡醫生, 就問我血糖check成點, 我話唔合格呀, 要keep住篤手指, 不過我忘記左講仲有蛋白尿!
之後就照超聲波, 佢話bb係長腿小姐, 我地兩公婆都唔算係長腿之人, 估唔到個女係長腿小姐! 醫生話bb趴左係度, 睇唔到個樣, 剩係睇到佢個拳頭仔!
照完後計下, 原來bb已經2kg, 醫生話超重了, bb變左肥妹仔, 所以我飲食方面要注意了! 老公係側邊係咁加鹽加醋話我唔戒口, 搞到胡醫生第一次好嚴肅咁向我訓話, 仲要我2星期後帶埋血糖功課返黎俾佢睇!
就係咁, 我私家政府兩邊都係2星期要睇一次, 即係會越請越多假了!
又到一個月一次既私家產檢, 照舊同老公放半晝, 再去嘆個牛涮鍋午市任食, 再行陣就去搵胡醫生了!
一見胡醫生, 就問我血糖check成點, 我話唔合格呀, 要keep住篤手指, 不過我忘記左講仲有蛋白尿!
之後就照超聲波, 佢話bb係長腿小姐, 我地兩公婆都唔算係長腿之人, 估唔到個女係長腿小姐! 醫生話bb趴左係度, 睇唔到個樣, 剩係睇到佢個拳頭仔!
照完後計下, 原來bb已經2kg, 醫生話超重了, bb變左肥妹仔, 所以我飲食方面要注意了! 老公係側邊係咁加鹽加醋話我唔戒口, 搞到胡醫生第一次好嚴肅咁向我訓話, 仲要我2星期後帶埋血糖功課返黎俾佢睇!
就係咁, 我私家政府兩邊都係2星期要睇一次, 即係會越請越多假了!
Thursday, 14 August 2014
產前講座 - QE母乳餵哺
報左兩個QE既講座, 今次聽埋第二個, 係講母乳既!
內容大致係咁:
母乳是母親給嬰兒的寶貴食物，專科護士
於本講座內指導孕婦關於母乳餵哺技巧講
解及練習，哺乳常見的問題及解決方法，
以協助準媽咪了解和適應新生活。
今日遲左少少, 18:45先至到, 已經坐滿晒人, 我地要自己擔櫈坐, 好誇張!
其實母乳講座我地聽過好多次, 大同小異, 當然冇實戰經驗真係好難知自己得唔得, 希望我可以成功餵母乳啦!
佢都有播片教母乳, 人手擠奶等等, 仲見到射奶添, 真係好誇張, 姑娘話要乳腺暢順先會有呢個效果!
講座本身係20:00完, 但佢20:15都仲未完, 我同老公聽到好眼訓, 而且有D餓, 頂唔順要走先了!!
內容大致係咁:
母乳是母親給嬰兒的寶貴食物，專科護士
於本講座內指導孕婦關於母乳餵哺技巧講
解及練習，哺乳常見的問題及解決方法，
以協助準媽咪了解和適應新生活。
今日遲左少少, 18:45先至到, 已經坐滿晒人, 我地要自己擔櫈坐, 好誇張!
其實母乳講座我地聽過好多次, 大同小異, 當然冇實戰經驗真係好難知自己得唔得, 希望我可以成功餵母乳啦!
佢都有播片教母乳, 人手擠奶等等, 仲見到射奶添, 真係好誇張, 姑娘話要乳腺暢順先會有呢個效果!
講座本身係20:00完, 但佢20:15都仲未完, 我同老公聽到好眼訓, 而且有D餓, 頂唔順要走先了!!
Wednesday, 13 August 2014
第五次政府產檢 - QE
2014年8月12日 31W1D
每兩星期黎一次QE, 真係太密了, 不過又可以放日假, 都係好事!!
今日係10:30, 但我都遲左少少到, 又係坐滿晒人, 今次記得帶小便了, 不過又有蛋白尿, 姑娘又要我即場驗多次, 結果.....都係有!
今日等好耐, 個幾鐘先叫我, 入到去竟然係男醫生, 第一次係QE產檢遇到男醫生呢!
佢摸下肚, 就話BB頭仔係下面, 之後問我BB有冇郁, 我話有呀, BB唔知係聽到, 即刻郁俾佢睇, 笑死我, 醫生話: 係喎, 郁得好勁! 最後聽BB心跳, 一切正常!
醫生話上次蛋白尿報告有少少蛋白, 不過冇血壓高, 暫時又似冇乜野, 但今次又有, 所以又要我留小便去化驗, 今次仲要留兩支, 我又要儲尿先走得!!
糖尿方面, 今次我有交功課, 篤左兩日手指, 其實幾好玩, 不過我係唔聽話既媽媽, 冇乜戒口, 有日食左半個麥記餐, 差d超標, 俾醫生話我! >.<
睇完後.....醫生話化驗有問題會今個星期call我, 另外再約兩星期後覆診, 之後就走得了!
每兩星期黎一次QE, 真係太密了, 不過又可以放日假, 都係好事!!
今日係10:30, 但我都遲左少少到, 又係坐滿晒人, 今次記得帶小便了, 不過又有蛋白尿, 姑娘又要我即場驗多次, 結果.....都係有!
今日等好耐, 個幾鐘先叫我, 入到去竟然係男醫生, 第一次係QE產檢遇到男醫生呢!
佢摸下肚, 就話BB頭仔係下面, 之後問我BB有冇郁, 我話有呀, BB唔知係聽到, 即刻郁俾佢睇, 笑死我, 醫生話: 係喎, 郁得好勁! 最後聽BB心跳, 一切正常!
醫生話上次蛋白尿報告有少少蛋白, 不過冇血壓高, 暫時又似冇乜野, 但今次又有, 所以又要我留小便去化驗, 今次仲要留兩支, 我又要儲尿先走得!!
糖尿方面, 今次我有交功課, 篤左兩日手指, 其實幾好玩, 不過我係唔聽話既媽媽, 冇乜戒口, 有日食左半個麥記餐, 差d超標, 俾醫生話我! >.<
睇完後.....醫生話化驗有問題會今個星期call我, 另外再約兩星期後覆診, 之後就走得了!
Monday, 11 August 2014
清胎毒
2014年8月4日 30w
話咁快七個半月了, 老公一直催我清胎毒, 因為懷孕期間我冇戒過口, 仲成日麥記, 薯片等等, 佢覺得我好毒, 所以叫我早d清, 哈哈!
因為有妊娠糖尿, 唔可以食咁多糖水, 白蓮鬚又唔係人人食得, 最後我決定睇中醫, 寧願食中葯好過自己估估下食乜清胎毒! 雖然有人話食中葯會令bb皮膚黑, 不過我自己就唔多信, 我同老公皮膚都係白底, 我諗bb唔會黑得去邊卦, 如果真係既, 唯有.......接受現實!
book左今晚睇, 中醫話我胎脈好好, 同埋佢話我唔係好毒, 反而係濕重, 一切都好好, 仲叫我唔駛個個星期黎, 開三劑俾我隔日飲, 再每兩個星期黎睇一次就得!
聽完後同老公都好開心, 最估唔到係今次d中葯一d都唔苦, 希望bb出世皮膚又白又滑啦!
話咁快七個半月了, 老公一直催我清胎毒, 因為懷孕期間我冇戒過口, 仲成日麥記, 薯片等等, 佢覺得我好毒, 所以叫我早d清, 哈哈!
因為有妊娠糖尿, 唔可以食咁多糖水, 白蓮鬚又唔係人人食得, 最後我決定睇中醫, 寧願食中葯好過自己估估下食乜清胎毒! 雖然有人話食中葯會令bb皮膚黑, 不過我自己就唔多信, 我同老公皮膚都係白底, 我諗bb唔會黑得去邊卦, 如果真係既, 唯有.......接受現實!
book左今晚睇, 中醫話我胎脈好好, 同埋佢話我唔係好毒, 反而係濕重, 一切都好好, 仲叫我唔駛個個星期黎, 開三劑俾我隔日飲, 再每兩個星期黎睇一次就得!
聽完後同老公都好開心, 最估唔到係今次d中葯一d都唔苦, 希望bb出世皮膚又白又滑啦!
Friday, 8 August 2014
荷花大型BB展2014
荷花一年都會有兩次BB展, 一次二月一次八月, 八月係最大型既, 亦係我期待已久去掃貨!
二月個時剛剛有, 冇理由咁快去, 五月都有個小型既, 聽聞又唔太吸引, 所以今次呢個係我第一次去既BB展!
事前做足功課, 首先係同老公請假, 因為驚星期六日多人, 所以我地就揀左星期五一齊請假去!
之後就係搵入場券喇, 因為門券每張要$25, 仲有coupon book都要$15, 慳家媽媽當然唔想洗呢d錢, 一見到有機構話送飛, 就即刻報名, 另外原來三嫂都識人, 幫我攞左4張返黎, 前後我有成8張飛咁多, 哈哈!
8張免費飛, 有三嫂俾既4張飛, 呢個4張我都轉贈左俾朋友同老公既波友, 另外2張係美贊臣送既, 佢仲會送埋本coupon book, 非常之好, 最後2張係安滿送既, 除左再有本coupon book, 仲有牛牛食物盒送添, 好開心呀!!
搞掂入場券, 之後就係print label, 呢個任務今次交左俾老公, 因為佢公司有label, 我仲諗住佢會覺得好麻煩, 又要set位print, 又要用公司資源, 點知低估左佢, 好快就print左返黎, 仲要print左成百個label, 痴左線, 之後仲問我, 佢駛唔駛print埋佢個d? 對於BB既野, 佢真係上心又盡力, 同結婚個時差好遠, 我開始呷醋了!
因為有兩本coupon book, 所以我都叫佢print埋佢個d資料, 不過少少就得, 希望用得著!
BB展前一直留意住有咩優惠, 要買D咩, 有咩禮品攞等等, 今次主要係會買奶樽尿片同參加疫苗計劃!
終於到BB展了, 十一點半去到, 已經見到好多人了, 仲要係唔少大陸人, 好多都推晒車咁, BB車, 行李箱, 車仔等等, 乜車都有, 真係好危險!
我地首先去左美贊臣拎書仔, 佢有個超大環保袋送埋, 之後就係排安滿, 佢有條隊係for大肚媽媽, 不過都唔見得好快囉!
安滿送左個牛牛食物盒, 係紫色架, 裡面仲有膠匙同叉, 非常好, 另外老公填多份form, 可以攞多個, 嘻嘻!!
開始我地既行程, 本身係約左另一對朋友發哥發嫂, 不過佢地有野做遲黎, 所以我地自己行先, 之後先join返!
其實我地都好迷惘, 唔知點行, 大型參展商例如pampers, 牛欄牌等等, 送既禮物好豐富, 我地本來想排, 但佢多人到要cut人, 真係痴線架, 我地唯有行其他啦!
見到DR.BROWN奶樽set連消毒機有優惠, 就決定會買呢set了, 不過佢冇送貨, 要即刻攞走, 我地就諗住臨走先買了, 另外佢只接受現金, 實在太麻煩了!
之後都係行行行, join埋發哥發嫂一齊逛同攞禮品, 幫上司買左套玩具俾佢孫女, 又係cash only, 真麻煩!
其實我本身已經唔係行慣街既人, 所以行左陣已經好攰, 所以中間去左個臍帶血既地方坐低聽下, 叫有得休息下! 另外報左個15:00美素佳兒既講座, 只係20分鐘, 都係諗住坐下, 同埋佢會送一本超聲波相簿, 好吸引!
講座其實幾悶, 個個都係志在去坐下休息, 不過佢送既相簿真係好好, 因為係印左我個名架, 粉紅色幾靚, 咁我d超聲波相可以有個相簿入住, very good!!
行到好攰, 仲要俾個大陸佬用架bb車撞左我一下, 望住佢仲要好似覺得我阻住佢咁, 豈有此理!!
開始要買野了, 買左個摺既沖涼盆, 好多人都買KARIBU, 不過我就麻麻地鍾意, 所以買左發嫂推既STOKKE, 原價$438, BB展9折$394, 粉紅色好靚, 不過老公就唔多like隻色, 哈哈!
本身諗住訂goon尿片, 但係超級勁多人, 所以去左kinetics join左疫苗計劃先, 我地揀左最平既K1, BB展只係平$100咋!
買完尿片去返訂goon, 真係唔知點解咁多大陸人買, 等左陣先到我, 好快填晒送貨資料俾埋錢就走了, 呢度收eps, 由於屋企都幾多片片sample, 所以我訂左2包nb, 7包s, 另外佢送9包x2片既sample, 我都係揀晒nb, 承惠$1120, 唔知幾時會送黎呢?
又行到攰, 走左去鑽石能量水度混吉, 原來咁貴架, 仲要係租機一樣, 個個月都要俾錢, 我覺得好搵笨呀!
之後就係買DR. BROWN喇, 本身想買$998既set, 係消毒機+4大2小奶樽+2替換奶咀, 但佢另外仲有set係多$300, 即係$1298, 除左以上講既, 仲會有奶樽清潔刷+安撫奶咀+baby ganics既洗衣液, 奶樽清潔液同沖涼+洗頭液, 好似幾抵, 因為平時baby ganics都幾貴, 所以就買左呢set了, 另外再買左$70有2set(4個)既替換奶咀, 即係2號咀, 其實我都好擔心BB會唔鍾意呢個咀, 不過唔理了, 唔俾佢試其他應該冇事既!
行到五點幾, 終於頂唔順走了, 雙腳真係好似就斷咁, 最後同老公走左去腳底按摩, 八點幾先食晚飯, 成11個鐘冇食過野, 我覺得真係好癲呀!!
雖然好攰, 但返到屋企都要點算下攞左咩禮品, 比我想像中差, 不過好多都係自己放棄既, 頂唔順太攰了!
二月個時剛剛有, 冇理由咁快去, 五月都有個小型既, 聽聞又唔太吸引, 所以今次呢個係我第一次去既BB展!
事前做足功課, 首先係同老公請假, 因為驚星期六日多人, 所以我地就揀左星期五一齊請假去!
之後就係搵入場券喇, 因為門券每張要$25, 仲有coupon book都要$15, 慳家媽媽當然唔想洗呢d錢, 一見到有機構話送飛, 就即刻報名, 另外原來三嫂都識人, 幫我攞左4張返黎, 前後我有成8張飛咁多, 哈哈!
8張免費飛, 有三嫂俾既4張飛, 呢個4張我都轉贈左俾朋友同老公既波友, 另外2張係美贊臣送既, 佢仲會送埋本coupon book, 非常之好, 最後2張係安滿送既, 除左再有本coupon book, 仲有牛牛食物盒送添, 好開心呀!!
搞掂入場券, 之後就係print label, 呢個任務今次交左俾老公, 因為佢公司有label, 我仲諗住佢會覺得好麻煩, 又要set位print, 又要用公司資源, 點知低估左佢, 好快就print左返黎, 仲要print左成百個label, 痴左線, 之後仲問我, 佢駛唔駛print埋佢個d? 對於BB既野, 佢真係上心又盡力, 同結婚個時差好遠, 我開始呷醋了!
因為有兩本coupon book, 所以我都叫佢print埋佢個d資料, 不過少少就得, 希望用得著!
BB展前一直留意住有咩優惠, 要買D咩, 有咩禮品攞等等, 今次主要係會買奶樽尿片同參加疫苗計劃!
終於到BB展了, 十一點半去到, 已經見到好多人了, 仲要係唔少大陸人, 好多都推晒車咁, BB車, 行李箱, 車仔等等, 乜車都有, 真係好危險!
我地首先去左美贊臣拎書仔, 佢有個超大環保袋送埋, 之後就係排安滿, 佢有條隊係for大肚媽媽, 不過都唔見得好快囉!
安滿送左個牛牛食物盒, 係紫色架, 裡面仲有膠匙同叉, 非常好, 另外老公填多份form, 可以攞多個, 嘻嘻!!
開始我地既行程, 本身係約左另一對朋友發哥發嫂, 不過佢地有野做遲黎, 所以我地自己行先, 之後先join返!
其實我地都好迷惘, 唔知點行, 大型參展商例如pampers, 牛欄牌等等, 送既禮物好豐富, 我地本來想排, 但佢多人到要cut人, 真係痴線架, 我地唯有行其他啦!
見到DR.BROWN奶樽set連消毒機有優惠, 就決定會買呢set了, 不過佢冇送貨, 要即刻攞走, 我地就諗住臨走先買了, 另外佢只接受現金, 實在太麻煩了!
之後都係行行行, join埋發哥發嫂一齊逛同攞禮品, 幫上司買左套玩具俾佢孫女, 又係cash only, 真麻煩!
其實我本身已經唔係行慣街既人, 所以行左陣已經好攰, 所以中間去左個臍帶血既地方坐低聽下, 叫有得休息下! 另外報左個15:00美素佳兒既講座, 只係20分鐘, 都係諗住坐下, 同埋佢會送一本超聲波相簿, 好吸引!
講座其實幾悶, 個個都係志在去坐下休息, 不過佢送既相簿真係好好, 因為係印左我個名架, 粉紅色幾靚, 咁我d超聲波相可以有個相簿入住, very good!!
行到好攰, 仲要俾個大陸佬用架bb車撞左我一下, 望住佢仲要好似覺得我阻住佢咁, 豈有此理!!
開始要買野了, 買左個摺既沖涼盆, 好多人都買KARIBU, 不過我就麻麻地鍾意, 所以買左發嫂推既STOKKE, 原價$438, BB展9折$394, 粉紅色好靚, 不過老公就唔多like隻色, 哈哈!
本身諗住訂goon尿片, 但係超級勁多人, 所以去左kinetics join左疫苗計劃先, 我地揀左最平既K1, BB展只係平$100咋!
買完尿片去返訂goon, 真係唔知點解咁多大陸人買, 等左陣先到我, 好快填晒送貨資料俾埋錢就走了, 呢度收eps, 由於屋企都幾多片片sample, 所以我訂左2包nb, 7包s, 另外佢送9包x2片既sample, 我都係揀晒nb, 承惠$1120, 唔知幾時會送黎呢?
又行到攰, 走左去鑽石能量水度混吉, 原來咁貴架, 仲要係租機一樣, 個個月都要俾錢, 我覺得好搵笨呀!
之後就係買DR. BROWN喇, 本身想買$998既set, 係消毒機+4大2小奶樽+2替換奶咀, 但佢另外仲有set係多$300, 即係$1298, 除左以上講既, 仲會有奶樽清潔刷+安撫奶咀+baby ganics既洗衣液, 奶樽清潔液同沖涼+洗頭液, 好似幾抵, 因為平時baby ganics都幾貴, 所以就買左呢set了, 另外再買左$70有2set(4個)既替換奶咀, 即係2號咀, 其實我都好擔心BB會唔鍾意呢個咀, 不過唔理了, 唔俾佢試其他應該冇事既!
行到五點幾, 終於頂唔順走了, 雙腳真係好似就斷咁, 最後同老公走左去腳底按摩, 八點幾先食晚飯, 成11個鐘冇食過野, 我覺得真係好癲呀!!
雖然好攰, 但返到屋企都要點算下攞左咩禮品, 比我想像中差, 不過好多都係自己放棄既, 頂唔順太攰了!
Monday, 4 August 2014
第四次政府產檢 - QE
2014年7月26日 29W1D
由於有妊娠糖尿, 所以QE接手返我, 唔駛返健康院了!
今日冇叫老公陪我, 留返D假第時湊BB好過! 約左11點去QE, 一去到都好多人, 其實我以為返黎講返糖尿問題, 因為張覆診紙寫住"糖尿產科", 點知原來係平時產檢咁, 搞到我唔記得帶小便, 佢即時俾個樽仔我入廁所裝, 再攞返出黎驗, 真係好鬼尷尬!
平時驗小便都冇問題, 點知今次蛋白尿張紙衰左, 佢叫我一陣要再驗多次!
之後磅重量血壓, 原來我已經重左30磅喇, 仲有兩個月先至生, 希望唔好再重太多!
等左陣就到我, 但由於我蛋白尿未pass, 所以唔入得, 但我邊有咁快又有尿俾佢驗, 唯有夾入廁所再去睇下有冇!
有少少尿, 再驗, 都係衰左, 姑娘寫左我蛋白尿就叫我見醫生, 入到房都係聽心跳摸肚等等, 醫生叫我快d開始篤手指做功課, 兩星期後要再返黎!
之後佢話因為我驗兩次都有蛋白尿, 所以要再留一樽俾佢地拎去化驗!
佢個樽都唔細, 個底仲有d粉, 我話咁快仲未有得痾住喎, 佢叫我.........等到有為止, 之後開假紙俾我, 又開左一日, 個陣已經12點幾, 咁我唯有等等等!
差唔多一點先儲夠俾佢, 交低左就走得, 兩星期後又返黎, 何解我會有咁多問題? 咁樣請假法真係似搏炒多d!
由於有妊娠糖尿, 所以QE接手返我, 唔駛返健康院了!
今日冇叫老公陪我, 留返D假第時湊BB好過! 約左11點去QE, 一去到都好多人, 其實我以為返黎講返糖尿問題, 因為張覆診紙寫住"糖尿產科", 點知原來係平時產檢咁, 搞到我唔記得帶小便, 佢即時俾個樽仔我入廁所裝, 再攞返出黎驗, 真係好鬼尷尬!
平時驗小便都冇問題, 點知今次蛋白尿張紙衰左, 佢叫我一陣要再驗多次!
之後磅重量血壓, 原來我已經重左30磅喇, 仲有兩個月先至生, 希望唔好再重太多!
等左陣就到我, 但由於我蛋白尿未pass, 所以唔入得, 但我邊有咁快又有尿俾佢驗, 唯有夾入廁所再去睇下有冇!
有少少尿, 再驗, 都係衰左, 姑娘寫左我蛋白尿就叫我見醫生, 入到房都係聽心跳摸肚等等, 醫生叫我快d開始篤手指做功課, 兩星期後要再返黎!
之後佢話因為我驗兩次都有蛋白尿, 所以要再留一樽俾佢地拎去化驗!
佢個樽都唔細, 個底仲有d粉, 我話咁快仲未有得痾住喎, 佢叫我.........等到有為止, 之後開假紙俾我, 又開左一日, 個陣已經12點幾, 咁我唯有等等等!
差唔多一點先儲夠俾佢, 交低左就走得, 兩星期後又返黎, 何解我會有咁多問題? 咁樣請假法真係似搏炒多d!
Thursday, 31 July 2014
QE全日血糖測試
2014年7月24日 28W3D
由於飲糖水唔合格, 所以今日要返黎QE做全日測試, 同埋QE會跟返我, 唔駛再返健康院了, 都唔知係好事定壞事!
今日仲早, 8:30要去到QE, 又係要空肚8小時, 其實我都好肚餓!
一去到係有間房, 大約10個都係唔合格既媽媽一齊, 首先係篤手指驗一次血糖, 之後就食早餐了!
早餐係肉碎粥, 當然係勁少肉碎又冇乜味, 食完成碗我都唔飽, 真陰公!
早餐後就係講座, 大約講下點解我地會坐係度, 因為有妊娠糖尿, 咁再講下成因, 影響等等, 聽到我好眼訓!
我地要買一部血糖機, 一星期抽一兩日篤手指, 每日篤四次, 慘了, 有兩款機揀, 我揀左平既$300, 有50張試紙, 另一款$600既有100張!
早餐後兩個鐘, 又夠鐘篤手指, 好彩數字靚仔, 除左篤手指, 仲要抽血添! 其實姑娘話最好唔好食粥架, 因為血糖會升得快, 不過今朝醫院只有粥食, 冇計!
篤完手指, 又會派包餅同脫脂奶, 我真係好肚餓, 所以即刻食左, 之後其實大家都冇野做, 可以出去行下, 可以係度睇電視, 訓下覺等等, 總之就悶!
我帶左IPAD黎, 叫做可以消磨下時間, 因為呢度係生完BB既病房, 所以都幾嘈, 好多BB喊聲, 不過見到佢地又覺得幾得意, 又會想像下好快就到自己個BB出世, 哈哈!!
12:30午餐, 有湯有飯有橙, 湯....當然係冇乜味, 唔講我都唔知呢個係咩湯, 飯.....如圖, 佢裡面有個豆腐, 辣既, 我見好多人都冇食!
午飯後我就忍唔住訓左了, 到2個鐘又篤手指, 依然冇超標, 之後茶點又係餅+奶, 食左後就出左去行下, 去左樓下買血糖機!
5:15又要篤多次手指, 之後5:30就晚餐了, 真係早!!
晚餐有菜有飯有肉, 都算唔錯, 其實我真係幾大食, 全部食晒, 見好多媽媽都食剩好多, 哈哈!
8:15篤埋最後一次手指就走得了, 老公放工過左黎接我, 悶左一日, 真係有如坐監咁, 仲要全日都唔覺飽, 所以我地去左食拉麵, 哈哈!
由於飲糖水唔合格, 所以今日要返黎QE做全日測試, 同埋QE會跟返我, 唔駛再返健康院了, 都唔知係好事定壞事!
今日仲早, 8:30要去到QE, 又係要空肚8小時, 其實我都好肚餓!
一去到係有間房, 大約10個都係唔合格既媽媽一齊, 首先係篤手指驗一次血糖, 之後就食早餐了!
早餐係肉碎粥, 當然係勁少肉碎又冇乜味, 食完成碗我都唔飽, 真陰公!
我地要買一部血糖機, 一星期抽一兩日篤手指, 每日篤四次, 慘了, 有兩款機揀, 我揀左平既$300, 有50張試紙, 另一款$600既有100張!
早餐後兩個鐘, 又夠鐘篤手指, 好彩數字靚仔, 除左篤手指, 仲要抽血添! 其實姑娘話最好唔好食粥架, 因為血糖會升得快, 不過今朝醫院只有粥食, 冇計!
篤完手指, 又會派包餅同脫脂奶, 我真係好肚餓, 所以即刻食左, 之後其實大家都冇野做, 可以出去行下, 可以係度睇電視, 訓下覺等等, 總之就悶!
12:30午餐, 有湯有飯有橙, 湯....當然係冇乜味, 唔講我都唔知呢個係咩湯, 飯.....如圖, 佢裡面有個豆腐, 辣既, 我見好多人都冇食!
午飯後我就忍唔住訓左了, 到2個鐘又篤手指, 依然冇超標, 之後茶點又係餅+奶, 食左後就出左去行下, 去左樓下買血糖機!
5:15又要篤多次手指, 之後5:30就晚餐了, 真係早!!
晚餐有菜有飯有肉, 都算唔錯, 其實我真係幾大食, 全部食晒, 見好多媽媽都食剩好多, 哈哈!
Friday, 25 July 2014
產前講座 - 雀巢
今次雀巢講座, 好似冇公開過, 剩係sms黎, 叫人打去報名, 再sms confirm!
日期係7月22日, 地點科學館, 因為呢排真係參加太多講座, 老公今晚要踢波, 所以我叫佢唔駛陪我了, 第一次自己參加呢!
夜晚7:45先開始, 好夜呀, 內容係嬰幼兒常見問題, 兒童健康及嬰幼兒營養, 同埋育嬰示範!
頭part係兒科醫生講, 由於個場好好坐, 好似戲院咁, 聽到我恰眼瞓, 哈哈, 不過內容係有用既, 講bb發燒, 常見既皮膚病呀等等, 呢個topic我冇聽過呢!
呢part完左都差唔多8:35, 好多人已經走了, 第二part講營養, 其實都悶悶地, 都係主要介紹人奶好處, 仲有講飲益力多係好既, 因為益生菌對身體好好!
去到呢度, 已經走左1/4人, 最後育嬰示範, 老豆話踢完波黎搵我了, 所以......我都早走埋一份, 哈, 反正呢d示範我都睇過無數次!
禮品方面呢, 就非常豐富, 有尿片8片x2, 仲有包細既濕紙巾, 沖涼試用, 同埋幼兒食品, 個袋仲幾得意!!
日期係7月22日, 地點科學館, 因為呢排真係參加太多講座, 老公今晚要踢波, 所以我叫佢唔駛陪我了, 第一次自己參加呢!
夜晚7:45先開始, 好夜呀, 內容係嬰幼兒常見問題, 兒童健康及嬰幼兒營養, 同埋育嬰示範!
頭part係兒科醫生講, 由於個場好好坐, 好似戲院咁, 聽到我恰眼瞓, 哈哈, 不過內容係有用既, 講bb發燒, 常見既皮膚病呀等等, 呢個topic我冇聽過呢!
呢part完左都差唔多8:35, 好多人已經走了, 第二part講營養, 其實都悶悶地, 都係主要介紹人奶好處, 仲有講飲益力多係好既, 因為益生菌對身體好好!
去到呢度, 已經走左1/4人, 最後育嬰示範, 老豆話踢完波黎搵我了, 所以......我都早走埋一份, 哈, 反正呢d示範我都睇過無數次!
禮品方面呢, 就非常豐富, 有尿片8片x2, 仲有包細既濕紙巾, 沖涼試用, 同埋幼兒食品, 個袋仲幾得意!!
Wednesday, 23 July 2014
口服葡萄糖測試
2014年7月21日 28W
今日去QE口服葡萄糖測試, 即係俗稱飲糖水, 因為已經調左去健康院, 今次應該係生之前最後一次黎QE!
飲糖水要之前一晚12點後開始戒飲食, 最多只可以飲清水, 但亦有醫院寫住連水都唔俾飲, 好奇怪!
8:45要到達QE, 真係早過返工, 今日老公陪我黎, 點知上到去原來係病房裡面飲, 所以老公係唔入得!
入到去見到有幾排櫈, 好多媽媽坐左係度了, 先填問卷, 再等叫名抽第一次血, 手勢好好, 完全唔痛!
抽完血再坐一陣, 當你覺得ready飲糖水, 就可以出去攞了!
之前聽聞係一杯杯, 點知呢度係一碗碗, 仲要係大湯碗, 見到都有d嚇襯, 等我仲專登帶飲管黎, 人地話易入口d!
糖水入口比我想像中好, 真係似茶餐廳沖凍檸茶個d糖水, 不過係暖既, 飲左幾啖, 開始覺得乸喉, 人地話唔好飲咁急, 好易反胃, 所以我都選擇慢慢飲, 一嘔又要再飲過架喇!
飲完姑娘係要你再坐多起碼10分鐘, 冇唔舒服先可以出去, 其實坐坐下, 我都開始唔舒服, 個胃晾下晾下咁, 仲要肚痛添, 唯有坐耐d, 大約20分鐘左右就出返去搵老公!
2個鐘後要返黎再抽多次血, 我地有行左陣, 希望d糖份散得快d, 哈哈!
返去抽第二次血, 原來係頭先個位抽, 今次好痛呀! >.<
搞掂晒就走得了!
諗住最後一次QE, 原來係妄想, 第二朝一早...................就收到電話話我唔合格, 成個人down晒, 星期四我要返QE留一日院食全日餐喇, 嗚嗚!
今日去QE口服葡萄糖測試, 即係俗稱飲糖水, 因為已經調左去健康院, 今次應該係生之前最後一次黎QE!
飲糖水要之前一晚12點後開始戒飲食, 最多只可以飲清水, 但亦有醫院寫住連水都唔俾飲, 好奇怪!
8:45要到達QE, 真係早過返工, 今日老公陪我黎, 點知上到去原來係病房裡面飲, 所以老公係唔入得!
入到去見到有幾排櫈, 好多媽媽坐左係度了, 先填問卷, 再等叫名抽第一次血, 手勢好好, 完全唔痛!
抽完血再坐一陣, 當你覺得ready飲糖水, 就可以出去攞了!
之前聽聞係一杯杯, 點知呢度係一碗碗, 仲要係大湯碗, 見到都有d嚇襯, 等我仲專登帶飲管黎, 人地話易入口d!
糖水入口比我想像中好, 真係似茶餐廳沖凍檸茶個d糖水, 不過係暖既, 飲左幾啖, 開始覺得乸喉, 人地話唔好飲咁急, 好易反胃, 所以我都選擇慢慢飲, 一嘔又要再飲過架喇!
飲完姑娘係要你再坐多起碼10分鐘, 冇唔舒服先可以出去, 其實坐坐下, 我都開始唔舒服, 個胃晾下晾下咁, 仲要肚痛添, 唯有坐耐d, 大約20分鐘左右就出返去搵老公!
2個鐘後要返黎再抽多次血, 我地有行左陣, 希望d糖份散得快d, 哈哈!
返去抽第二次血, 原來係頭先個位抽, 今次好痛呀! >.<
搞掂晒就走得了!
諗住最後一次QE, 原來係妄想, 第二朝一早...................就收到電話話我唔合格, 成個人down晒, 星期四我要返QE留一日院食全日餐喇, 嗚嗚!
Friday, 18 July 2014
產前講座 - mybb
今次講座唔係奶粉商搞, 係mybb, 主要係講母乳, 地點荔枝角, 都幾方便!
上到去都幾多人, 先派禮品, 但都幾廢, 有七星茶, 乳墊, 紙相架同埋一包唔知乜, 好似除左乳墊我會用, 其他都未必用到!
講座大約兩個鐘, 都幾實用, 一開始係講生完bb既處理, 佢有講順便同剖腹, 所以對我都有用!
第二part係講母乳, 好多片睇, 仲要係露晒點既媽媽教餵母乳, 好偉大! 除左餵姿勢, 仲有教人手擠奶, 同埋用奶泵, 希望到時我唔會有困難啦!
上到去都幾多人, 先派禮品, 但都幾廢, 有七星茶, 乳墊, 紙相架同埋一包唔知乜, 好似除左乳墊我會用, 其他都未必用到!
講座大約兩個鐘, 都幾實用, 一開始係講生完bb既處理, 佢有講順便同剖腹, 所以對我都有用!
第二part係講母乳, 好多片睇, 仲要係露晒點既媽媽教餵母乳, 好偉大! 除左餵姿勢, 仲有教人手擠奶, 同埋用奶泵, 希望到時我唔會有困難啦!
第七次產檢 - 胡醫生
2014年7月17日 27W3D
又到每月一次見胡醫生, 其實都已經變得唔緊張, 又冇期待, 係咪我唔夠母愛呢?
約左16:15, 所以同老公放工後就去左牛涮鍋打邊爐, 再行陣一田, 慢慢先行過去!
今次等大約半個鐘就入得, 見到胡醫生循例講下近況, 因為我腳痛, 腳腫, 仲有格肋底下腫左一舊野, 其實我都問過孫醫生, 佢話係乳腺, 胡醫生同佢講既一樣, 我話好肉酸呀, 咁樣點影大肚相? 佢仲安慰我話我乳腺發達, 仲好啦, 第時多奶水俾BB, 都唔知真定假!
之後就去睇BB了, 大約1.1kg, 算係標準, 佢話下次就會寫封信俾我帶埋入院, 另外提我入院要帶返QE既卡, 上面有我既血液報告, 終於講到入院, 心情開始緊張喇!!
又到每月一次見胡醫生, 其實都已經變得唔緊張, 又冇期待, 係咪我唔夠母愛呢?
約左16:15, 所以同老公放工後就去左牛涮鍋打邊爐, 再行陣一田, 慢慢先行過去!
今次等大約半個鐘就入得, 見到胡醫生循例講下近況, 因為我腳痛, 腳腫, 仲有格肋底下腫左一舊野, 其實我都問過孫醫生, 佢話係乳腺, 胡醫生同佢講既一樣, 我話好肉酸呀, 咁樣點影大肚相? 佢仲安慰我話我乳腺發達, 仲好啦, 第時多奶水俾BB, 都唔知真定假!
之後就去睇BB了, 大約1.1kg, 算係標準, 佢話下次就會寫封信俾我帶埋入院, 另外提我入院要帶返QE既卡, 上面有我既血液報告, 終於講到入院, 心情開始緊張喇!!
Thursday, 17 July 2014
產前講座 - 惠氏
今次講座係惠氏, 期待已久既, 因為一人一B湊B實習!
講座地點係尖東, 同一日仲有美素佳兒講座, 可惜我抽唔到, 見到好多人拎住個三角枕走, 好吸引!
由於我地遲到, 所以第一PART都唔係聽到D咩, 仲要個醫生係上次美贊臣悶到暈個位, 更加冇興趣聽!
第二PART先係戲肉, 其實又好簡單, 都係教沖涼換片, 今次多左D用具俾我地, 係SOFTTOUCH既乾棉, 棉花球同棉花棒, 我之前已經訂左成箱SOFTTOUCH乾棉返黎喇, 唔知可以用幾耐呢!
實習完畢, 其實都係我老公霸晒黎玩, 希望BB出左世佢都霸晒黎做, 哈哈!!
禮品方面, 都幾豐富, 有惠氏DHA試食裝, 片片 (0, NB, S), 濕巾同埋沖涼+LOTION試用!
講座地點係尖東, 同一日仲有美素佳兒講座, 可惜我抽唔到, 見到好多人拎住個三角枕走, 好吸引!
由於我地遲到, 所以第一PART都唔係聽到D咩, 仲要個醫生係上次美贊臣悶到暈個位, 更加冇興趣聽!
第二PART先係戲肉, 其實又好簡單, 都係教沖涼換片, 今次多左D用具俾我地, 係SOFTTOUCH既乾棉, 棉花球同棉花棒, 我之前已經訂左成箱SOFTTOUCH乾棉返黎喇, 唔知可以用幾耐呢!
實習完畢, 其實都係我老公霸晒黎玩, 希望BB出左世佢都霸晒黎做, 哈哈!!
禮品方面, 都幾豐富, 有惠氏DHA試食裝, 片片 (0, NB, S), 濕巾同埋沖涼+LOTION試用!
Wednesday, 16 July 2014
產前講座 - World Family
又黎產前講座, 一星期內第4個喇, 不過今晚呢個要俾$30, 所以唔同老公去了, 約左個好姊妹一齊去, 佢遲我個半月預產!
俾錢去主要因為個迪士尼禮品好吸引, 地點係旺角又方便, 講座內容我只係對第二part陪月分享有興趣!
準時上到去, 果然俾錢唔同d, 有飲品同食物供應, 不過個講師竟然遲到!
第一part講嬰兒腦部發展, 悶到七彩, 完全唔知佢想講咩, 仲要把聲好響亮! = =
第二part陪月分享, 如果未聽過既都會覺得有用, 主要講下生完食乜, 同埋示範bb換片同沖涼, 同我之前聽既大同小異, 希望到我都做到!
禮品方便, 迪士尼既原來係換片墊, 都幾大張, 唔知攞出街方唔方便, 另外有goon尿片(得一片咋, 勁孤寒), 思詩樂乾濕棉, 手巾仔同埋美語系列既甜睡CD!
Tuesday, 15 July 2014
產前講座 - 雅培
連續兩日都有講座, 真係好忙, 今日出席係雅培, 朋友話禮品都好豐富架!
地點係佐敦逸東酒店, 同上次安滿一樣, 不過今次係二樓, 又係分兩part, 講初生嬰生護理同教湊b!
初生嬰兒護理係由一位醫生講, 佢講得好好呀, 好識帶動氣氛, 內容都好有用, 係由頭講到落腳, 在場個個都聽得好開心!
之後介紹下奶粉, 就出去睇湊b示範了!
主要係示範換衫同換片, 仲會有假bb公仔, 其實係QE都聽過, 不過今次我地玩埋假公仔, 幾得意, 搞掂晒就攞禮品走了!
入場時有一個膠folder同雅培熊仔筆派, 幾好呀, 個folder可以用黎裝bb既文件!
講座禮品主要係走佬袋既野: 床墊, m巾, 網褲, 另外仲有包換片墊, 媽媽奶粉試飲, 同冇影到既口水肩!
地點係佐敦逸東酒店, 同上次安滿一樣, 不過今次係二樓, 又係分兩part, 講初生嬰生護理同教湊b!
初生嬰兒護理係由一位醫生講, 佢講得好好呀, 好識帶動氣氛, 內容都好有用, 係由頭講到落腳, 在場個個都聽得好開心!
之後介紹下奶粉, 就出去睇湊b示範了!
主要係示範換衫同換片, 仲會有假bb公仔, 其實係QE都聽過, 不過今次我地玩埋假公仔, 幾得意, 搞掂晒就攞禮品走了!
入場時有一個膠folder同雅培熊仔筆派, 幾好呀, 個folder可以用黎裝bb既文件!
講座禮品主要係走佬袋既野: 床墊, m巾, 網褲, 另外仲有包換片墊, 媽媽奶粉試飲, 同冇影到既口水肩!
產前講座 - 美贊臣
早兩日先去完QE講, 今日就去美贊臣, 今次美贊臣有幾個講座揀, 我就揀左7月5日既呢個, 係講孕期+哺乳期, 而揀呢個既主要原因係星期六, 咁橋老公又放假!
講座地點係灣仔, 對我地黎講其實唔算就腳, 仲要大熱天時, 出地鐵都仲要行5-10分鐘!
頭一PART都幾悶, 主要係個講師好悶, 把聲好似氹人瞓覺咁, 第二PART就好好多了, 係講哺乳期既飲食, 聽完真係覺得有用!
聽完晒後, 係要填問卷, 交完先有禮品俾你, 今次禮品好豐富呀, 有個波點袋, 我真係見過有人當佢去街袋咁用, 但唔係帶住小朋友架喎 = =, 另外有片片試用, 濕紙巾, 和尚袍+手套仔, 被仔, 紗巾同一大樽既aqueous cream!
總括黎講, 呢個講座係唔錯既, 值得一去!!
Thursday, 10 July 2014
產前講座 - QE產後護理
上次聽既講座係5月, 之後都有報過其他, 但都抽唔到, 七月就好多抽到喇, 首先係QE既講座!
QE講座都係要同人搶的, 尤其個D按摩同分娩球, 一定係最先爆, 我想報按摩都報唔到!
七月份第一個講座係7月3日既產後護理齊分享, 內容如下:
講座內容主要分為兩分面：
一) 產婦護理
二) 嬰兒護理
產婦護理講解包括：產後盡早恢復日常活
動、生理及心理的轉變、傷口護理、家庭
計劃及出院跟進等。而嬰兒護理內容則包
括：保暖及餵哺方法、洗澡及更換尿片技
巧，初生嬰兒常見情況及家居安全等
其實都好猶疑黎唔黎, 一來冇禮品, 二來時間太趕, 平日要六點半黎到, 老公要提早一個鐘放工黎聽, 星期六又唔想晨咁早走出黎聽, 老公又唔係個個星期六都放假, 不過朋友話QE講座幾好, 就即管去下!
一去到都幾多人, 自行點名同放低封信就得, 所以應該外來人士都可以聽!
開始係講QE病房設施, 生完會點, 仲有教餵人奶, 都幾有用!
下半部份就好有用, 教照顧BB, 佢會播片教幫BB沖涼, 換片, 仲有D用品俾我地睇, 又會教我地睇下BB既便便!
成個講座個半鐘就完了, 都幾實用, 值得一去!
QE講座都係要同人搶的, 尤其個D按摩同分娩球, 一定係最先爆, 我想報按摩都報唔到!
七月份第一個講座係7月3日既產後護理齊分享, 內容如下:
講座內容主要分為兩分面：
一) 產婦護理
二) 嬰兒護理
產婦護理講解包括：產後盡早恢復日常活
動、生理及心理的轉變、傷口護理、家庭
計劃及出院跟進等。而嬰兒護理內容則包
括：保暖及餵哺方法、洗澡及更換尿片技
巧，初生嬰兒常見情況及家居安全等
其實都好猶疑黎唔黎, 一來冇禮品, 二來時間太趕, 平日要六點半黎到, 老公要提早一個鐘放工黎聽, 星期六又唔想晨咁早走出黎聽, 老公又唔係個個星期六都放假, 不過朋友話QE講座幾好, 就即管去下!
一去到都幾多人, 自行點名同放低封信就得, 所以應該外來人士都可以聽!
開始係講QE病房設施, 生完會點, 仲有教餵人奶, 都幾有用!
下半部份就好有用, 教照顧BB, 佢會播片教幫BB沖涼, 換片, 仲有D用品俾我地睇, 又會教我地睇下BB既便便!
成個講座個半鐘就完了, 都幾實用, 值得一去!
Wednesday, 9 July 2014
產前講座 - 安滿
自從有左之後, 都一心諗住照埋結構先買野, 入媽媽會, 去bb展等等, 但又覺得遲d大住個肚做咁多野, 好似好辛苦, 所以過左四個月就開始報下講座先!
第一個報既講座就係安滿, 見佢時間地點都ok, 就報左先算, 原來d講座係好快滿, 要抽簽, 打後我報既幾個都抽唔到, 激氣!
其實報講座為既除左學野, 仲有係禮品, 話明係第一個報既, 梗係乜都唔識, 冇做research就報了!
今次個topic係"全方位認識胎兒成長及孕媽媽分娩過程", 日期係5月17日, 地點係eaton hotel, 去到原來個場好大, 唔怪得咁易抽到我!
成個講座其實一般啦, 胎兒成長係由係肚裡面開始每個月講下, 幾得意既!
分娩過程佢好認真, 有晒假bb, 假媽媽咁做示範, 真係好似去左產房咁, 不過我一心諗住開刀, 所以聽完就算, 雖然有d人覺得順產過程好恐怖, 但我想講其實開刀過程更恐怖, 哈哈, 因為我睇過片, 睇完我都有一刻猶疑順產, 不過算啦, 唔諗咁多喇, 決定左開刀就開刀!
聽完講座, 填完問卷就可以攞禮品, 估唔到得罐媽媽奶, 另外口水堅你要like & share佢安滿先有, 我就冇理佢了!
本身我已經有一罐惠氏媽媽奶, 而家又多罐安滿, 我又真係冇諗住會飲, 唯有睇下有冇人要, 或者生完如果餵人奶.......可能都會飲下既!
Friday, 27 June 2014
第三次政府產檢 - 西九健康院
2014年6月26日 24W3D
第一次既健康院產檢, 地點係西九龍, 叫做近左, 老公請左假陪我去!
約左9:15, 我地遲左15鐘, 一去到覺得好多人, 咩人都有, 比我想像中算唔多大陸人!
首先係登記, 交低QE俾既文件, 之後會俾張籌你, 等叫號碼就入房磅重同驗小便!
之後.......又繼續等........等左好耐, 又叫名了, 今次係入左間房, 聽bb心跳, 度肚, 佢仲教我老公度, 話摸到一個位硬, 就係子宮頂, 之後度到去恥骨位, 睇下幾多cm, 幾多cm=幾多w, 我係24w, 咁橋又係24cm, 姑娘話好標準, 聽完放心晒!
搞掂晒又再等......叫名後, 同另一位準媽媽入左間房見姑娘, 老公冇得入, 係個姑娘同我地講健康院既流程, 介紹下d講座等等, 又派左本書仔俾我地返去睇, 有教餵人奶等等既知識, 好似唔錯!
之後.....又繼續等, 再叫名就係見護士長, 都係問下你有冇唔舒服等等, 睇下駛唔駛見醫生, 由於我同老公買左飛睇戲, 趕時間, 當然話唔見, 希望拿拿聲走人!
護士長叫我出去等叫名拎返d文件就走得, 結果又等, 諗住好快啦, 但等左幾個字仲未有, 我地又遲到, 忍唔住就催下佢地, 原來要等d姐姐copy文件, 我同姑娘講, 冇諗過黎健康院要等咁耐, 前後真係3粒鐘了, 佢話平時唔駛架, 不過因為我要返QE飲糖水, 所以要俾返疊文件我拎返去, 咁就要等咁耐!
姑娘都好好, 知我趕時間即刻搞我個份, 終於走得了, 健康院真係好耐呀, 不過唯一好處就係佢開左一日既病假紙俾我, 哈哈!
第一次既健康院產檢, 地點係西九龍, 叫做近左, 老公請左假陪我去!
約左9:15, 我地遲左15鐘, 一去到覺得好多人, 咩人都有, 比我想像中算唔多大陸人!
首先係登記, 交低QE俾既文件, 之後會俾張籌你, 等叫號碼就入房磅重同驗小便!
之後.......又繼續等........等左好耐, 又叫名了, 今次係入左間房, 聽bb心跳, 度肚, 佢仲教我老公度, 話摸到一個位硬, 就係子宮頂, 之後度到去恥骨位, 睇下幾多cm, 幾多cm=幾多w, 我係24w, 咁橋又係24cm, 姑娘話好標準, 聽完放心晒!
搞掂晒又再等......叫名後, 同另一位準媽媽入左間房見姑娘, 老公冇得入, 係個姑娘同我地講健康院既流程, 介紹下d講座等等, 又派左本書仔俾我地返去睇, 有教餵人奶等等既知識, 好似唔錯!
之後.....又繼續等, 再叫名就係見護士長, 都係問下你有冇唔舒服等等, 睇下駛唔駛見醫生, 由於我同老公買左飛睇戲, 趕時間, 當然話唔見, 希望拿拿聲走人!
護士長叫我出去等叫名拎返d文件就走得, 結果又等, 諗住好快啦, 但等左幾個字仲未有, 我地又遲到, 忍唔住就催下佢地, 原來要等d姐姐copy文件, 我同姑娘講, 冇諗過黎健康院要等咁耐, 前後真係3粒鐘了, 佢話平時唔駛架, 不過因為我要返QE飲糖水, 所以要俾返疊文件我拎返去, 咁就要等咁耐!
姑娘都好好, 知我趕時間即刻搞我個份, 終於走得了, 健康院真係好耐呀, 不過唯一好處就係佢開左一日既病假紙俾我, 哈哈!
Monday, 23 June 2014
第六次產檢 - 胡醫生
2014年6月19日 23W3D
話咁快又產檢, 自從開始胎動, 都冇咁心急想快D見醫生探BB了!
今日冇乜特別, 都係照下size, 一切正常, 係中碼bb, 醫生話頭仔係我既左下邊!
暫時係一個月返黎見一次醫生, 所以下次黎會係7月17日!
話咁快又產檢, 自從開始胎動, 都冇咁心急想快D見醫生探BB了!
今日冇乜特別, 都係照下size, 一切正常, 係中碼bb, 醫生話頭仔係我既左下邊!
暫時係一個月返黎見一次醫生, 所以下次黎會係7月17日!
Monday, 16 June 2014
結構性超聲波檢查 - QE
2014年6月13日 22W4D
雖然已經係私家照左結構, 但都會黎QE照多次, 一來要享有下納稅人福利, 二來多個機會探BB!
不過就係前兩日, 10月媽媽組有媽媽話私家照左結構冇問題, 但QE照到有問題, 後尾私家醫生認自己失誤, 嘩, 嚇到我呢! 當然我都好信得過孫醫生, 不過都會驚驚!
約左3:30, 我同老公又遲到喇, 係去返上次照唐氏既地方, 上次係坐滿人, 今次竟然係冇乜人, 仲唔駛點等, 好快就到我地!
今次好彩, 唔係上次個衰姑娘, 係一個後生好多既姑娘, 不過間房就多左一男一女類似實習生既人, 搞到我有D緊張!
成個過程照左好耐呀, 仲耐過私家, 應該有起碼20分鐘, 姑娘話BB好百厭, 成日扭黎扭去, 好難照, 係咁捽我個肚, 捽到有D痛!
已經唔止一個話佢百厭喇, 上次就係咁飛腳, 今次仲衰, 照佢眼鼻口就即刻擰歪面, 照手指佢就隻手互握, 照身呢, 本身佢瞓係度, 無端端又趴左係度, 激死左個姑娘!
好彩最後姑娘話佢睇到既都冇問題, 即係合格, 放心晒喇, 一行出醫院, 老公就話BB遺傳左我D衰野, 包拗頸, 哼!!
總括黎講, 今次又對QE改觀, 不過當然都係要睇運氣, 下次檢查我已經係去健康院, 冇得再係政府探BB了!
雖然已經係私家照左結構, 但都會黎QE照多次, 一來要享有下納稅人福利, 二來多個機會探BB!
不過就係前兩日, 10月媽媽組有媽媽話私家照左結構冇問題, 但QE照到有問題, 後尾私家醫生認自己失誤, 嘩, 嚇到我呢! 當然我都好信得過孫醫生, 不過都會驚驚!
約左3:30, 我同老公又遲到喇, 係去返上次照唐氏既地方, 上次係坐滿人, 今次竟然係冇乜人, 仲唔駛點等, 好快就到我地!
今次好彩, 唔係上次個衰姑娘, 係一個後生好多既姑娘, 不過間房就多左一男一女類似實習生既人, 搞到我有D緊張!
成個過程照左好耐呀, 仲耐過私家, 應該有起碼20分鐘, 姑娘話BB好百厭, 成日扭黎扭去, 好難照, 係咁捽我個肚, 捽到有D痛!
已經唔止一個話佢百厭喇, 上次就係咁飛腳, 今次仲衰, 照佢眼鼻口就即刻擰歪面, 照手指佢就隻手互握, 照身呢, 本身佢瞓係度, 無端端又趴左係度, 激死左個姑娘!
好彩最後姑娘話佢睇到既都冇問題, 即係合格, 放心晒喇, 一行出醫院, 老公就話BB遺傳左我D衰野, 包拗頸, 哼!!
總括黎講, 今次又對QE改觀, 不過當然都係要睇運氣, 下次檢查我已經係去健康院, 冇得再係政府探BB了!
Wednesday, 11 June 2014
私家醫院留位費
2014年6月2日 21W
話說三月時胡醫生已經寫左紙俾我去港安俾留位費, 不過我一心想照埋結構先!
打過去問, 留位費(香港人)只需要$3000, 比起其他醫院, 真係平好多呢, 仲可以碌卡儲分!
趁今日端午節, 就同老公上一轉港安俾錢了! 屋企行上去其實應該15-20分鐘就到, 如果搭車反而要搭兩程, 天氣太熱, 我地選擇左搭的士, 哈哈, 原來的士都只係$25, 慳返時間又冇咁辛苦!
去到只需要出示醫生信同身份証就得了, 由於我係度住過, 佢地有我record, 核對返資料就ok, 不過我之前黎緊急聯絡人填左阿哥, 而家改返做老公, 仲有就係改返個地址!
俾埋錢, 全程十分鐘內搞掂晒, 我地又搭返的士走了!
我地下次再黎, 應該係9月29日晚, 等生bb喇, 又期待又緊張呢!!
話說三月時胡醫生已經寫左紙俾我去港安俾留位費, 不過我一心想照埋結構先!
打過去問, 留位費(香港人)只需要$3000, 比起其他醫院, 真係平好多呢, 仲可以碌卡儲分!
趁今日端午節, 就同老公上一轉港安俾錢了! 屋企行上去其實應該15-20分鐘就到, 如果搭車反而要搭兩程, 天氣太熱, 我地選擇左搭的士, 哈哈, 原來的士都只係$25, 慳返時間又冇咁辛苦!
去到只需要出示醫生信同身份証就得了, 由於我係度住過, 佢地有我record, 核對返資料就ok, 不過我之前黎緊急聯絡人填左阿哥, 而家改返做老公, 仲有就係改返個地址!
俾埋錢, 全程十分鐘內搞掂晒, 我地又搭返的士走了!
我地下次再黎, 應該係9月29日晚, 等生bb喇, 又期待又緊張呢!!
Friday, 30 May 2014
結構性超聲波檢查 - 孫醫生
2014年5月27日 20W1D
由3W開始發現懷孕, 到12W覺得時間過得好慢, 點知過左12W, 黎到20W又突然覺得好快, 已經過左一半孕期喇!
黎到我最緊張既環節, 就係照結構, 可以算係最後一關, 因為之前聽得太多照完結構有問題, 所以我一直都好擔心, 之前幾晚仲要訓得好差添!!
約左孫錫鴻醫生下晝5點, 我都知要等好耐, 所以5點登記完, 度高磅重量血壓驗小便後, 我就返公司等放工, 而老公就提早一個鐘放工, 大約七點黎到!
打去問下仲有幾耐, 姑娘話仲有5個, 可能要一個鐘, 於是同老公去食晚飯先, 點知食食下, 姑娘打黎話就快到我喎, 搞到我勁匆忙咁食埋餐飯!
上返去....原來仲要等多兩個囉, 即係差唔多半個鐘, 咁就唔叫就快到我啦!
到八點先入得, 真係足足要三粒鐘, 孫醫生會問下背景, 之後就開始照了, 佢部機真係好新, 不過3D4D我都係覺得好醜樣!
孫醫生好細心咁每個部位照, 眼耳口鼻, 腦, 心胃腎, 手指腳指等等, BB好活躍呀, 仲見到佢食手指, 捽眼, 仲有係不停起飛腳, 孫醫生都忍唔住係度笑話: 佢好活躍!
足足照左15分鐘, 好開心一切正常, 之後佢會問有冇野要問佢, 我就問左食唔食得雪糕同魚生, 哈哈, 佢話西醫冇野要戒口架, 雪糕魚生食得, 但當然要食D信得過既!
另外一個問題就係我呢幾個星期谷胸都好痛, 仲有格肋底位係腫左, 胡醫生同孫醫生都話, 呢D係乳腺, 正常架, 孫醫生話生完腫得仲勁呀, 嗚, 我話咁咪好肉酸, 佢話.....得你自己睇到之嘛!!
谷得咁辛苦, 希望生完會有奶餵啦! 搞掂後等埋佢既報告, 有隻DVD(超聲波既VIDEO), 另外一隻碟係相, 仲有份好詳細既報告, 咁就二千大元喇!!
總括黎講, 孫醫生真係好細心, D機好新, 睇得好清楚, 不過真係等好耐!!
離開診所, 我地心情都好好, 老公即刻話去行H&M睇衫俾個女喇, 我遲D會唔會地位不保架? = =
由3W開始發現懷孕, 到12W覺得時間過得好慢, 點知過左12W, 黎到20W又突然覺得好快, 已經過左一半孕期喇!
黎到我最緊張既環節, 就係照結構, 可以算係最後一關, 因為之前聽得太多照完結構有問題, 所以我一直都好擔心, 之前幾晚仲要訓得好差添!!
約左孫錫鴻醫生下晝5點, 我都知要等好耐, 所以5點登記完, 度高磅重量血壓驗小便後, 我就返公司等放工, 而老公就提早一個鐘放工, 大約七點黎到!
打去問下仲有幾耐, 姑娘話仲有5個, 可能要一個鐘, 於是同老公去食晚飯先, 點知食食下, 姑娘打黎話就快到我喎, 搞到我勁匆忙咁食埋餐飯!
上返去....原來仲要等多兩個囉, 即係差唔多半個鐘, 咁就唔叫就快到我啦!
到八點先入得, 真係足足要三粒鐘, 孫醫生會問下背景, 之後就開始照了, 佢部機真係好新, 不過3D4D我都係覺得好醜樣!
孫醫生好細心咁每個部位照, 眼耳口鼻, 腦, 心胃腎, 手指腳指等等, BB好活躍呀, 仲見到佢食手指, 捽眼, 仲有係不停起飛腳, 孫醫生都忍唔住係度笑話: 佢好活躍!
足足照左15分鐘, 好開心一切正常, 之後佢會問有冇野要問佢, 我就問左食唔食得雪糕同魚生, 哈哈, 佢話西醫冇野要戒口架, 雪糕魚生食得, 但當然要食D信得過既!
另外一個問題就係我呢幾個星期谷胸都好痛, 仲有格肋底位係腫左, 胡醫生同孫醫生都話, 呢D係乳腺, 正常架, 孫醫生話生完腫得仲勁呀, 嗚, 我話咁咪好肉酸, 佢話.....得你自己睇到之嘛!!
谷得咁辛苦, 希望生完會有奶餵啦! 搞掂後等埋佢既報告, 有隻DVD(超聲波既VIDEO), 另外一隻碟係相, 仲有份好詳細既報告, 咁就二千大元喇!!
總括黎講, 孫醫生真係好細心, D機好新, 睇得好清楚, 不過真係等好耐!!
離開診所, 我地心情都好好, 老公即刻話去行H&M睇衫俾個女喇, 我遲D會唔會地位不保架? = =
Friday, 23 May 2014
第五次產檢 - 胡醫生
2014年5月23日 19W3D
先講一講近況, 就係我病了, 仲要係大病個隻, 發燒喉嚨發炎傷風!
大病已經慘, 最慘係大住肚, 冇乜葯可以食, 睇左兩次西醫都搞唔掂, 剛剛轉返中醫, 希望可以斷尾, 我唔想BB同我一齊病同捱葯呀!
另外係讓座, 其實早係13W4D, 已經第一次有人讓座俾我, 咁橋件衫比較見肚, 個日係上西鐵, 一上車就有個後生仔俾我坐, 真係有D受寵若驚!
而自從個一次, 直到而家, 都冇人讓過, 唔係我唔見肚, 係事實放工時間尖沙咀上車係超多人, D人唔撞你已經偷笑, 都唔好期望有人讓位俾你!
再講就係胎動, 17W6D我第一次感受到喇, 係有彈左兩下, 感覺好神奇, 到之後感覺係有野係肚裡面游梗咁, 老公都摸到, 好興奮!!
講返產檢, 成個月冇見過BB喇, 呢幾日仲要食西葯, 都幾擔心影響佢!
一見到胡醫生, 我就同佢講我病左, 原來佢可以幫我睇埋, 不過我話book左中醫了, 再睇唔掂先返黎搵佢!
之後就係約開刀日子, 佢話如果我9月30日開刀, 10月1日佢依然會巡房既, 所以我唔需要擔心, 即時約埋, 佢打去港安留位, 我下星期就去港安俾留位費了!
開始探BB喇, 見到佢係咁郁, 好放心, 胡醫生今次幫我睇埋心胃腎等, 仲有confirm冇兔唇, 不過佢得2D, 所以睇到既野有限, 大致上都冇問題, 留侍我結構再睇清楚, 而佢都肯定BB係女仔了, 我可以開始粉紅+紫色野喇!
同醫生講我食唔到materna, 結果佢開左另一隻俾我, 係有葉酸+鐵, 仲話可以含係口當糖食, 另外開左鈣片俾我, 我又係佢度買左藻油DHA, 因為佢賣得平($240樽), 結果今次埋單要$990!
先講一講近況, 就係我病了, 仲要係大病個隻, 發燒喉嚨發炎傷風!
大病已經慘, 最慘係大住肚, 冇乜葯可以食, 睇左兩次西醫都搞唔掂, 剛剛轉返中醫, 希望可以斷尾, 我唔想BB同我一齊病同捱葯呀!
另外係讓座, 其實早係13W4D, 已經第一次有人讓座俾我, 咁橋件衫比較見肚, 個日係上西鐵, 一上車就有個後生仔俾我坐, 真係有D受寵若驚!
而自從個一次, 直到而家, 都冇人讓過, 唔係我唔見肚, 係事實放工時間尖沙咀上車係超多人, D人唔撞你已經偷笑, 都唔好期望有人讓位俾你!
再講就係胎動, 17W6D我第一次感受到喇, 係有彈左兩下, 感覺好神奇, 到之後感覺係有野係肚裡面游梗咁, 老公都摸到, 好興奮!!
講返產檢, 成個月冇見過BB喇, 呢幾日仲要食西葯, 都幾擔心影響佢!
一見到胡醫生, 我就同佢講我病左, 原來佢可以幫我睇埋, 不過我話book左中醫了, 再睇唔掂先返黎搵佢!
之後就係約開刀日子, 佢話如果我9月30日開刀, 10月1日佢依然會巡房既, 所以我唔需要擔心, 即時約埋, 佢打去港安留位, 我下星期就去港安俾留位費了!
開始探BB喇, 見到佢係咁郁, 好放心, 胡醫生今次幫我睇埋心胃腎等, 仲有confirm冇兔唇, 不過佢得2D, 所以睇到既野有限, 大致上都冇問題, 留侍我結構再睇清楚, 而佢都肯定BB係女仔了, 我可以開始粉紅+紫色野喇!
同醫生講我食唔到materna, 結果佢開左另一隻俾我, 係有葉酸+鐵, 仲話可以含係口當糖食, 另外開左鈣片俾我, 我又係佢度買左藻油DHA, 因為佢賣得平($240樽), 結果今次埋單要$990!
Thursday, 15 May 2014
第二次政府產檢 - QE見醫生
2014年5月14日 18W2D
今日既政府產檢, 都知道只會聽BB心跳, 不過老公要清假, 所以照請假陪我去!
預約10:30, 但我地遲到, 10:50先到, 見到好多人呀, 坐左八成人左右, 都預左會有排等了!
今日係要帶小便黎, 一黎到就有姑娘俾兩張試紙我叫我放入小便度, 原來係驗蛋白同尿糖, 好彩冇問題!
之後就係量血壓同磅重, 我比起10W時重左2.5KG, 唔知算唔算正常!
坐左10分鐘左右, 就叫左我入護士站, 原來係聽返之前既驗血同唐氏報告, 一切正常, 婚前檢查我血紅素係唔夠高, 感恩今次終於高返, 不過個數據都係剛剛合格!
護士再講埋之後既流程係點, 俾左張卡我隨身帶住, 有咩事攞住張卡可以直上醫院產房!
出返黎再等多半個鐘左右就叫我了, 比我想像中快, 去到醫生房, 首先係聽心跳, 之後摸下胸, 佢問我會唔會餵人奶, 我話會試下, 佢就鼓勵我要加油, 人奶對bb好!
之後就問幾句, 佢話會轉我去健康院檢查, 叫左老公出房, 我就去護士站等搞文件!
有幾個健康院可以選, 最後我選了最近既西九龍, 姑娘俾晒D文件我, 6月26日就第一次去健康院檢了, 咁我黎梗只有結構同飲糖水先再返黎QE!
搞掂晒就走得了, 成個過程大約個半鐘, 真係比我想像中算快呢!!
今日既政府產檢, 都知道只會聽BB心跳, 不過老公要清假, 所以照請假陪我去!
預約10:30, 但我地遲到, 10:50先到, 見到好多人呀, 坐左八成人左右, 都預左會有排等了!
今日係要帶小便黎, 一黎到就有姑娘俾兩張試紙我叫我放入小便度, 原來係驗蛋白同尿糖, 好彩冇問題!
之後就係量血壓同磅重, 我比起10W時重左2.5KG, 唔知算唔算正常!
坐左10分鐘左右, 就叫左我入護士站, 原來係聽返之前既驗血同唐氏報告, 一切正常, 婚前檢查我血紅素係唔夠高, 感恩今次終於高返, 不過個數據都係剛剛合格!
護士再講埋之後既流程係點, 俾左張卡我隨身帶住, 有咩事攞住張卡可以直上醫院產房!
出返黎再等多半個鐘左右就叫我了, 比我想像中快, 去到醫生房, 首先係聽心跳, 之後摸下胸, 佢問我會唔會餵人奶, 我話會試下, 佢就鼓勵我要加油, 人奶對bb好!
之後就問幾句, 佢話會轉我去健康院檢查, 叫左老公出房, 我就去護士站等搞文件!
有幾個健康院可以選, 最後我選了最近既西九龍, 姑娘俾晒D文件我, 6月26日就第一次去健康院檢了, 咁我黎梗只有結構同飲糖水先再返黎QE!
搞掂晒就走得了, 成個過程大約個半鐘, 真係比我想像中算快呢!!
Friday, 9 May 2014
孕婦裝
17W 4D
踏入17W, 依然仲有少少作嘔同頂胃, 不過比之前好好多了!
體重方面, 除左頭10W重左十幾磅, 到而家都好似冇乜重過, 當然要等下星期再去QE磅先作準!
個肚開始大, 仲有谷胸, 終於忍唔住走去買孕婦BRA! 其實之前都買左件有PAD背心, 諗住舒服D, 不過成日成日移位, 都係要買BRA先得!
另外再買埋孕婦legging, 原來真係舒服好多呢, 應該一早去買!
接住落黎要睇下大肚衫了, 雖然我本身都有鬆身衫可以著, 不過似乎唔夠, 又有藉口買新衫了!
踏入17W, 依然仲有少少作嘔同頂胃, 不過比之前好好多了!
體重方面, 除左頭10W重左十幾磅, 到而家都好似冇乜重過, 當然要等下星期再去QE磅先作準!
個肚開始大, 仲有谷胸, 終於忍唔住走去買孕婦BRA! 其實之前都買左件有PAD背心, 諗住舒服D, 不過成日成日移位, 都係要買BRA先得!
另外再買埋孕婦legging, 原來真係舒服好多呢, 應該一早去買!
接住落黎要睇下大肚衫了, 雖然我本身都有鬆身衫可以著, 不過似乎唔夠, 又有藉口買新衫了!
Tuesday, 29 April 2014
第四次產檢 - 胡醫生
2014年4月25日 15W4D
時間過得好慢呀, 等左6星期先見到胡醫生, 今次約左3點半, 同老公下晝請假, 嘆個牛涮鍋先去診所!
醫生成4點半先返黎, 診所已經8個人係度等, 好彩我係第一個!
入到去醫生先講聲唔好意思, 之後就問我覺得點呀, 15週喇喎, 我就問佢有關開刀既野, 佢話我可以揀30/9, 2/10或3/10, 咁2/10係重陽節我又唔想, 心思思係最想30/9做9月b, 時間佢話多數係上晝七點幾或下晝兩點幾, 叫我考慮下下次再答佢!
之後就探BB了, 幾星期冇見喇, 上次係QE仲要係唔清楚既見面, 又大左好多, 今次終於見到佢第二個姿勢, 就係趴左係度, 哈哈!!
好清楚望到佢成條背脊骨, 佢似係瞓梗覺, 咁我話想睇下男定女, 胡醫生好努力咁整醒佢, 終於見到........醫生話多數係女仔黎架, 我今次破產喇!!
探完BB, 醫生叫我開始轉materna, 之前有人俾左樽我, 所以醫生冇開俾我了, 收費$650!
離開診所返屋企途中, 先發現唔記得攞到診紙, 俾老公話我開心得滯, 哈哈!!
時間過得好慢呀, 等左6星期先見到胡醫生, 今次約左3點半, 同老公下晝請假, 嘆個牛涮鍋先去診所!
醫生成4點半先返黎, 診所已經8個人係度等, 好彩我係第一個!
入到去醫生先講聲唔好意思, 之後就問我覺得點呀, 15週喇喎, 我就問佢有關開刀既野, 佢話我可以揀30/9, 2/10或3/10, 咁2/10係重陽節我又唔想, 心思思係最想30/9做9月b, 時間佢話多數係上晝七點幾或下晝兩點幾, 叫我考慮下下次再答佢!
之後就探BB了, 幾星期冇見喇, 上次係QE仲要係唔清楚既見面, 又大左好多, 今次終於見到佢第二個姿勢, 就係趴左係度, 哈哈!!
好清楚望到佢成條背脊骨, 佢似係瞓梗覺, 咁我話想睇下男定女, 胡醫生好努力咁整醒佢, 終於見到........醫生話多數係女仔黎架, 我今次破產喇!!
探完BB, 醫生叫我開始轉materna, 之前有人俾左樽我, 所以醫生冇開俾我了, 收費$650!
離開診所返屋企途中, 先發現唔記得攞到診紙, 俾老公話我開心得滯, 哈哈!!
Thursday, 17 April 2014
荃灣BEANS
之前見過有人post盆栽甜品, 係Tiramisu, 不過地點係元朗, 一直好想試但我對Tiramisu興趣又不大, 地點又唔方便!
到最近知道荃灣都有盆栽甜品, 仲要係我鍾意既木糠布甸, 心思思一直想試, 但成日排長龍!
琴晚八點同老公去望下, 見得幾個人排梗, 就照排了, 幸運地好快就入得, 不過呢度d位好迫, 隔離食乜都睇到晒, 傾計更加會聽到!!
本來試叫個pizza, 可惜賣晒, 最後叫左"芝士肉醬薯條"$39, "卡邦尼意粉"+熱檸蜜$65, "和風珍寶帶子蜆肉意粉"+熱咖啡$88, 仲有"盆栽木糠布甸連雪糕球"$48 (唔知有冇記錯)!
呢度裝修幾舒服, 用既杯碟都好靚, 仲有餐具係木造, 睇得出落左好多心機去經營!
食物方面, 我最鍾意個薯條, 真係好正, 老公唔鍾意食薯條都忍唔住係咁食, 卡邦尼意粉都唔差, 意粉軟硬適中, 不過最貴既珍寶帶子蜆肉意粉就差d了, 帶子冇味的, 蜆肉幾新鮮, 不過個汁我又覺得麻麻, 食左幾啖就俾老公搞掂佢, 我專心食埋個卡邦尼同薯條, 哈哈!
總括黎講, 荃灣黎講呢度算幾好了, 如果唔駛等太耐位, 我一定會再黎!
到最近知道荃灣都有盆栽甜品, 仲要係我鍾意既木糠布甸, 心思思一直想試, 但成日排長龍!
琴晚八點同老公去望下, 見得幾個人排梗, 就照排了, 幸運地好快就入得, 不過呢度d位好迫, 隔離食乜都睇到晒, 傾計更加會聽到!!
本來試叫個pizza, 可惜賣晒, 最後叫左"芝士肉醬薯條"$39, "卡邦尼意粉"+熱檸蜜$65, "和風珍寶帶子蜆肉意粉"+熱咖啡$88, 仲有"盆栽木糠布甸連雪糕球"$48 (唔知有冇記錯)!
呢度裝修幾舒服, 用既杯碟都好靚, 仲有餐具係木造, 睇得出落左好多心機去經營!
食物方面, 我最鍾意個薯條, 真係好正, 老公唔鍾意食薯條都忍唔住係咁食, 卡邦尼意粉都唔差, 意粉軟硬適中, 不過最貴既珍寶帶子蜆肉意粉就差d了, 帶子冇味的, 蜆肉幾新鮮, 不過個汁我又覺得麻麻, 食左幾啖就俾老公搞掂佢, 我專心食埋個卡邦尼同薯條, 哈哈!
 |
| 芝士肉醬薯條, 正! |
 |
| 蜂蜜檸檬, 好鍾意佢既餐具! |
 |
| 卡邦尼意粉 |
 |
| 和風珍寶帶子蜆肉意粉 |
其實已經好飽, 最後當然要叫埋個木糠布甸, 好彩size好細, 呢個甜品我都識整, 所以我覺得佢呢個價錢好貴! 味道都算幾好, 唔算好甜, 個盆係食得既, 不過真係好飽, 食唔晒了!!
總括黎講, 荃灣黎講呢度算幾好了, 如果唔駛等太耐位, 我一定會再黎!
Tuesday, 15 April 2014
分子雪糕 x ANNA SUI (限時)
最近分子雪糕當紅, 其實我一直都好想試, 但佢之前係大坑太遠, 尖沙咀開左分店我又唔知, 到最近又......大左肚, 真係好難搵到藉口食!
網上見到分子雪糕最近加入左ANNA SUI口味, 仲要係限時, 8/4~21/4, 心思思好想食, 就約左老公放工去食喇!!
佢地址寫美麗華商場地下, 去到搵完一輪又唔見喎, 原來唔係商場裡面, 係上諾士佛台既樓梯下面, 仲好擔心去到會排長龍, 好彩又冇喎, 幫襯既都係後生仔女!
限時既紫色有四種味道: 紫薯+黑竹炭蝴蝶曲奇 ($44), 藍莓燕麥乳酪 ($44), 紫米露 ($39), 凍檸賓 ($39), 我對藍莓乳酪比較有興趣, 就叫左黎食, 但原來係得紫薯先靚!!
同老公好快就食完個藍莓, 好好味呀, 平時都鍾意食乳酪, 佢加左燕麥, 食時會咬到d燕麥, 食完後又心思思, 不如試埋個紫薯, 哈哈!!
紫薯真係好靚呀, 仲有係呢個雪糕係唔甜架, 紫薯咬落去有d脆卜卜既蕃薯乾, 比我想像中好食, 食完兩杯好滿足, 可惜佢限時, 如果唔係我想試埋另外兩款架! >.<
網上見到分子雪糕最近加入左ANNA SUI口味, 仲要係限時, 8/4~21/4, 心思思好想食, 就約左老公放工去食喇!!
佢地址寫美麗華商場地下, 去到搵完一輪又唔見喎, 原來唔係商場裡面, 係上諾士佛台既樓梯下面, 仲好擔心去到會排長龍, 好彩又冇喎, 幫襯既都係後生仔女!
限時既紫色有四種味道: 紫薯+黑竹炭蝴蝶曲奇 ($44), 藍莓燕麥乳酪 ($44), 紫米露 ($39), 凍檸賓 ($39), 我對藍莓乳酪比較有興趣, 就叫左黎食, 但原來係得紫薯先靚!!
同老公好快就食完個藍莓, 好好味呀, 平時都鍾意食乳酪, 佢加左燕麥, 食時會咬到d燕麥, 食完後又心思思, 不如試埋個紫薯, 哈哈!!
紫薯真係好靚呀, 仲有係呢個雪糕係唔甜架, 紫薯咬落去有d脆卜卜既蕃薯乾, 比我想像中好食, 食完兩杯好滿足, 可惜佢限時, 如果唔係我想試埋另外兩款架! >.<
 |
| 紫心蕃薯+黑竹炭曲奇 |
 |
| 藍莓燕麥乳酪 |
Tuesday, 8 April 2014
唐氏綜合症篩查 - QE
2014年4月3日 12W3D
今日約左10:30去QE照OSCAR, 因為可以探BB, 所以老公都請假同我去!
係樓下食個早餐就搭車出去了, 準時去到, 因為唔係上次既日間醫療中心, 而係去E座取收據先, 再去B座睇, 所以搵路搵左一段時間!
原來都幾多人呀, 好彩間候診室都大同埋有電視睇! 等左大約九個字先到我, 係一位著醫生袍既白髮女人照, 仲以為佢係醫生, 後尾D人講返原來佢係姑娘!
開始照啦, 個MON好大, 不過我覺得唔夠私家個D機清, 見到BB又彈下彈下, 老公話乜大左咁多, 其實咪同上星期差唔多!
個姑娘.....都幾COOL, 十問九不答, 同埋都幾大力按我個肚, 按到我有D痛, 照左大約10分鐘就照完, 我問左好多野, 佢都冇答冇睬我, 唯一答既係......頸皮1.67mm, 再問佢係咪即係正常, 都係唔睬我!
經過上次抽血慘痛經歷同今次冷淡對待, 我絕對覺得另外搵私家照結構係明智既, 不過我要澄清, 呢度D人態度絕對唔差, 只係冷淡, 當然應該只係我黑仔, 因為有其他媽媽話醫生照係好好多, 仲會講仔定女你知!!
照完後等抽血, 又等左半個鐘, 抽血個姑娘好過上次好多, 仲會講笑添, 手勢都好好, 唔太痛又冇瘀, 我都黑唔晒!!
搞掂晒後就走了, 前後用左差不多兩個鐘呢!!
醫院話如果有問題, 兩星期內會有電話俾我, 頸皮1.67mm, 又有鼻骨, 我諗唔會打俾我喇卦!!
今日約左10:30去QE照OSCAR, 因為可以探BB, 所以老公都請假同我去!
係樓下食個早餐就搭車出去了, 準時去到, 因為唔係上次既日間醫療中心, 而係去E座取收據先, 再去B座睇, 所以搵路搵左一段時間!
原來都幾多人呀, 好彩間候診室都大同埋有電視睇! 等左大約九個字先到我, 係一位著醫生袍既白髮女人照, 仲以為佢係醫生, 後尾D人講返原來佢係姑娘!
開始照啦, 個MON好大, 不過我覺得唔夠私家個D機清, 見到BB又彈下彈下, 老公話乜大左咁多, 其實咪同上星期差唔多!
個姑娘.....都幾COOL, 十問九不答, 同埋都幾大力按我個肚, 按到我有D痛, 照左大約10分鐘就照完, 我問左好多野, 佢都冇答冇睬我, 唯一答既係......頸皮1.67mm, 再問佢係咪即係正常, 都係唔睬我!
經過上次抽血慘痛經歷同今次冷淡對待, 我絕對覺得另外搵私家照結構係明智既, 不過我要澄清, 呢度D人態度絕對唔差, 只係冷淡, 當然應該只係我黑仔, 因為有其他媽媽話醫生照係好好多, 仲會講仔定女你知!!
照完後等抽血, 又等左半個鐘, 抽血個姑娘好過上次好多, 仲會講笑添, 手勢都好好, 唔太痛又冇瘀, 我都黑唔晒!!
搞掂晒後就走了, 前後用左差不多兩個鐘呢!!
醫院話如果有問題, 兩星期內會有電話俾我, 頸皮1.67mm, 又有鼻骨, 我諗唔會打俾我喇卦!!
第三次產檢 - 鄧醫生
2014年3月28日 11w4d 5.34cm
今次係突如其來既產檢, 話說琴晚大解完後, 抹到有血, 但我大解過程冇用過力, 又冇痛過, 完全係暢順, 所以就好驚啦, 心諗: 可能損左吧, 以前都試過, 好快冇事!!
到之後去襯廁所, 都會抹到有血, 甚至到今朝起身都有, 當然係patpat有血唔係陰道!
本來都諗住算, 之後同朋友傾下, 都係叫我穩陣d睇下醫生, 但臨時臨急去邊度搵醫生睇?
問左幾個醫生都話今日冇位了, 好彩10月媽媽即刻俾幾個電話我打, 最後鄧悅翹醫生叫我可以即刻過去, 佢係我公司附近, 行過去只係幾分鐘咋!!
以為少人佢先叫我即刻上去, 原來都好多人, 最後等左個幾鐘, 同醫生講左後, 佢話睇左bb先, 嘩, bb比起兩星期前大左成倍呀, 仲見到佢彈下彈下, 好得意, 可惜老公唔係度呢!!
之後鄧醫生每個部位睇下, 話見到鼻骨, 頸皮都薄, 之後心跳, 腳仔等等, 心跳162下, size都正常, 亦睇唔到我子宮有其他問題, 再幫我睇下陰道分泌, 都冇血, 即係bb好健康!
再幫我睇patpat, 佢話表面睇又冇損冇瘡, 可能係裡面, 但如果係都冇野可以做, 唯有飲多d水, 等d便便軟d冇咁易整損!
睇完放心晒, 有兩張超聲波相連一隻DVD, 埋單$750!
今次係突如其來既產檢, 話說琴晚大解完後, 抹到有血, 但我大解過程冇用過力, 又冇痛過, 完全係暢順, 所以就好驚啦, 心諗: 可能損左吧, 以前都試過, 好快冇事!!
到之後去襯廁所, 都會抹到有血, 甚至到今朝起身都有, 當然係patpat有血唔係陰道!
本來都諗住算, 之後同朋友傾下, 都係叫我穩陣d睇下醫生, 但臨時臨急去邊度搵醫生睇?
問左幾個醫生都話今日冇位了, 好彩10月媽媽即刻俾幾個電話我打, 最後鄧悅翹醫生叫我可以即刻過去, 佢係我公司附近, 行過去只係幾分鐘咋!!
以為少人佢先叫我即刻上去, 原來都好多人, 最後等左個幾鐘, 同醫生講左後, 佢話睇左bb先, 嘩, bb比起兩星期前大左成倍呀, 仲見到佢彈下彈下, 好得意, 可惜老公唔係度呢!!
之後鄧醫生每個部位睇下, 話見到鼻骨, 頸皮都薄, 之後心跳, 腳仔等等, 心跳162下, size都正常, 亦睇唔到我子宮有其他問題, 再幫我睇下陰道分泌, 都冇血, 即係bb好健康!
再幫我睇patpat, 佢話表面睇又冇損冇瘡, 可能係裡面, 但如果係都冇野可以做, 唯有飲多d水, 等d便便軟d冇咁易整損!
睇完放心晒, 有兩張超聲波相連一隻DVD, 埋單$750!
預約照結構
一開始知道QE有期俾我照結構, 好開心, 但返到計下, 原來成22W4D先做, 即是差唔多23W, 大吉利是有D咩, 我真係冇咩時間, 就算想搵個私家睇都難, 所以就心思思想搵私家早D照!
有其他十月媽媽遲過我預產都早我9日照, 大家都係QE, 所以我真係唔明佢地點編? 不過成間房既10月媽媽都話, 就算政府有得照, 都會出去搵私家, 因為政府真係好hea, 甚至乎佢地有朋友試過QE照完冇問題, 但BB出世個心係有問題要做手術, 聽到我地都好驚!
開始上網搵下資料, 照結構真係好貴呀, 仲要年年加價, 好多都要$2000了, 搵到個平D$1500既佢只接係佢度做開產檢既孕婦!
好啦, 一路搵一路都覺得好貴, 再同另外個朋友傾下, 佢老婆係政府做結構, 都有搵私家, 佢話政府真係好求其, 又唔會同你講野, 呢D錢唔慳得, 我仲要咁遲先照, 一定搵私家照左先!!
就係咁, 我決定搵私家照喇, 可以多D相, 又可以早D知仔定女, 又可以安心D!!
最後.....我搵左孫錫鴻醫生, 因為實在太多人讚佢喇, 同埋佢係我公司對面, 我已經約左20W照, 到時我五點去登記, 再返公司等放工, 放左工去到應該差唔多時間了, 老公只要早走一個鐘就得, 唔駛請假, 好完美, 哈哈!!
Monday, 7 April 2014
第一次政府產檢 - QE見姑娘
2014年3月17日 10w
之前fax資料去QE約左今日見姑娘, 因為知道唔會有得照, 所以叫老公唔好駛陪我了, 有個好姊妹話佢得閒可以陪我去, 好開心!!
約左13:30, 我放下晝即刻去搭巴士, 好好彩一去到就有車, 因為佢15-20分鐘先一班架, 大約10分鐘就到了!
由於我未睇過, 其實唔知去邊座, 只知公務員係L座, 好彩個姊妹提左我應該係日間醫療中心4樓, 落車好快就搵到了!
一黎到.....竟然冇乜人, 連姑娘都冇乜, 應該係食梗飯, 搵到個4號窗先登記, 我好醒目帶晒資料黎, 包括自己HKID, 老公ID COPY, 住址証明同醫生証明(一定要正本), 之後佢俾張紙我叫我跟住做!
原來度高磅重都係自助形式, 遲D仲要自助量血壓添!! 搞掂後姑娘叫我地去睇電視順便等叫名, 電視內容係講唐氏BB的!
好快就叫名了, 我係第一個呢, 入到去姑娘問病歷, 因為我做過手術, 所以問得仲詳細D, 聽聞呢度係連老公都唔入得, 因為佢都問好多私人野, 我朋友話佢之前試過問有幾多個性伴侶, 第一次性行為係幾時添, 笑死我, 而我又冇問呢D, 最多只係問有冇生過性病, 同埋有冇試過墮胎, 哈哈, 我當然冇試過! XD
搞掂後佢仲一次過俾晒四個期我返黎, 包括照唐氏, 見醫生, 照結構同飲糖水(因為我媽有糖尿), 咁我唔駛再去7號窗排期了!!
拎埋到診紙, 再有一個講座, 介紹下QE服務, 呢度D姑娘幾好, 好滿意!!
聽完後就去2樓抽血, 嘩, 呢度好多人, 仲要乜人都有, 要即刻帶返個口罩, 原來大肚婆唔駛等, 一去到就抽得, 可惜我遇著個手勢差既姑娘, 好痛呀, 抽完我痛左幾日, 仲要瘀晒添! >.<
抽完血就走得, 4月3日就要返黎照唐氏喇, 好快呢!!
之前fax資料去QE約左今日見姑娘, 因為知道唔會有得照, 所以叫老公唔好駛陪我了, 有個好姊妹話佢得閒可以陪我去, 好開心!!
約左13:30, 我放下晝即刻去搭巴士, 好好彩一去到就有車, 因為佢15-20分鐘先一班架, 大約10分鐘就到了!
由於我未睇過, 其實唔知去邊座, 只知公務員係L座, 好彩個姊妹提左我應該係日間醫療中心4樓, 落車好快就搵到了!
一黎到.....竟然冇乜人, 連姑娘都冇乜, 應該係食梗飯, 搵到個4號窗先登記, 我好醒目帶晒資料黎, 包括自己HKID, 老公ID COPY, 住址証明同醫生証明(一定要正本), 之後佢俾張紙我叫我跟住做!
原來度高磅重都係自助形式, 遲D仲要自助量血壓添!! 搞掂後姑娘叫我地去睇電視順便等叫名, 電視內容係講唐氏BB的!
好快就叫名了, 我係第一個呢, 入到去姑娘問病歷, 因為我做過手術, 所以問得仲詳細D, 聽聞呢度係連老公都唔入得, 因為佢都問好多私人野, 我朋友話佢之前試過問有幾多個性伴侶, 第一次性行為係幾時添, 笑死我, 而我又冇問呢D, 最多只係問有冇生過性病, 同埋有冇試過墮胎, 哈哈, 我當然冇試過! XD
搞掂後佢仲一次過俾晒四個期我返黎, 包括照唐氏, 見醫生, 照結構同飲糖水(因為我媽有糖尿), 咁我唔駛再去7號窗排期了!!
拎埋到診紙, 再有一個講座, 介紹下QE服務, 呢度D姑娘幾好, 好滿意!!
聽完後就去2樓抽血, 嘩, 呢度好多人, 仲要乜人都有, 要即刻帶返個口罩, 原來大肚婆唔駛等, 一去到就抽得, 可惜我遇著個手勢差既姑娘, 好痛呀, 抽完我痛左幾日, 仲要瘀晒添! >.<
抽完血就走得, 4月3日就要返黎照唐氏喇, 好快呢!!
第二次產檢 - 胡醫生
2014年3月13日 9w3d 2.7cm
等左三星期, 又可以睇bb, 由於今個星期開始冇乜作嘔頂胃, 搞到我好擔心唔知有咩事!
今次見胡廣森醫生, 係個幾月前book架喇, 因為等唔切我之前先去睇羅醫生, 應該唔會再返去了!!
同老公請左一日假, 上晝產檢, 下晝係我伴娘結婚, 要去觀禮, 好充實既一日!!
約左11:00, 我地10:50上到去登記, 好奇怪呢度係唔駛磅重呢!!
大約一個鐘就入得, 胡醫生比我想像中後生, 佢首先會問我病歷, 好彩佢都話我之前個心律不正同手術對bb係冇影響!!
之後就入去照超聲波, 好緊張呀! 第一次照肚, 仲驚唔知會唔會我肚腩大照唔到, 哈哈, 醫生好快就搵到bb了!
嘩, 比三星期前大左好多, 成個人形出黎, 睇到頭仔同手腳, 仲見到郁下郁下, 醫生話俾心跳聲我地聽下, 好似火車聲呀, 哈哈!
第一次聽心跳聲, 覺得好好笑, 所以我就係度狂笑, 之後見到bb手腳瘋狂咁郁, 醫生話我笑到整醒左佢, 真係好得意呀!!
上次照到心跳都冇咁大感覺, 今次真係好開心, 覺得好得意呀!!
照完後同醫生傾左陣, 問佢港安開刀收費, 佢話佢收$21000, 麻醉師$5000, 另加港安既5日4夜package價錢, 五人房大約$52000, 包埋我同bb巡房費, 因為都係佢睇埋, 不過唔駛咁快book住, 再諗下先都得!!
佢問我食開乜野維他命個d, 我話食梗另一個醫生俾既葉酸同鈣片, 剩返一星期左右, 佢就開多五星期俾我!!
好奇怪, 兩個醫生都話唔駛食materna住, 等我舒服d先食!!
另外胡醫生話如果我會去政府產檢, 就唔會再幫我驗血驗尿, 如果醫院有期俾我照唐氏, 咁我6星期後先返去睇佢都得, 冇期先再打去搵佢照!
今次覆診$680咋, 仲有5星期既葉酸+鈣片, 我覺得好抵呀!
預約埋下次產檢, 係4月25日, 有排等喇!!
等左三星期, 又可以睇bb, 由於今個星期開始冇乜作嘔頂胃, 搞到我好擔心唔知有咩事!
今次見胡廣森醫生, 係個幾月前book架喇, 因為等唔切我之前先去睇羅醫生, 應該唔會再返去了!!
同老公請左一日假, 上晝產檢, 下晝係我伴娘結婚, 要去觀禮, 好充實既一日!!
約左11:00, 我地10:50上到去登記, 好奇怪呢度係唔駛磅重呢!!
大約一個鐘就入得, 胡醫生比我想像中後生, 佢首先會問我病歷, 好彩佢都話我之前個心律不正同手術對bb係冇影響!!
之後就入去照超聲波, 好緊張呀! 第一次照肚, 仲驚唔知會唔會我肚腩大照唔到, 哈哈, 醫生好快就搵到bb了!
嘩, 比三星期前大左好多, 成個人形出黎, 睇到頭仔同手腳, 仲見到郁下郁下, 醫生話俾心跳聲我地聽下, 好似火車聲呀, 哈哈!
第一次聽心跳聲, 覺得好好笑, 所以我就係度狂笑, 之後見到bb手腳瘋狂咁郁, 醫生話我笑到整醒左佢, 真係好得意呀!!
上次照到心跳都冇咁大感覺, 今次真係好開心, 覺得好得意呀!!
照完後同醫生傾左陣, 問佢港安開刀收費, 佢話佢收$21000, 麻醉師$5000, 另加港安既5日4夜package價錢, 五人房大約$52000, 包埋我同bb巡房費, 因為都係佢睇埋, 不過唔駛咁快book住, 再諗下先都得!!
佢問我食開乜野維他命個d, 我話食梗另一個醫生俾既葉酸同鈣片, 剩返一星期左右, 佢就開多五星期俾我!!
好奇怪, 兩個醫生都話唔駛食materna住, 等我舒服d先食!!
另外胡醫生話如果我會去政府產檢, 就唔會再幫我驗血驗尿, 如果醫院有期俾我照唐氏, 咁我6星期後先返去睇佢都得, 冇期先再打去搵佢照!
今次覆診$680咋, 仲有5星期既葉酸+鈣片, 我覺得好抵呀!
預約埋下次產檢, 係4月25日, 有排等喇!!
第一次產檢 - 羅醫生
2014年2月19日 6w2d 0.6cm
呢個星期身體開始不適了, 唔食野就會餓同胃痛, 食飽又頂胃想嘔, 真係唔知點好, 最慘又瞓唔到, 人地話大肚會成日瞓架嘛, 我除左頭星期會眼瞓, 之後都冇乜了, 反而係失眠添!!
等左兩星期, 終於可以再見羅醫生, 今日好緊張呀, 因為期待傳說中既閃閃!
有人話6w應該照到, 亦有人話可能7-8w先照到, 如果今次照到, 我唔駛又等2星期再黎嘛!!
今日老公又請假陪我去羅醫生度, 姑娘話我得6w要照陰超, 好緊張呀!!
等左大約一粒鐘先到我, 開始照陰超, 我真係好緊張, 醫生話佢會輕手d, 哈哈, 佢真係好輕手, 奈何我真係太緊張, 醫生不停叫我放鬆, 因為支棒入唔到! >.<
終於成功照到, 一開始我唔知咩黎, 見到有野郁, 醫生話呢個就係閃閃喇, 之後就放大俾我地睇, 個個都話會好感動, 反而我第一個反應係: 下? 呢個就係閃閃喇? 同我想像中有出入, 哈哈!
照完後, 醫生話一切正常, size都係6w, 叫我放心, 聽完真係安樂晒呀, 起碼叫過左第一關先, 黎梗仲有好多關要過, 加油!!
呢個星期身體開始不適了, 唔食野就會餓同胃痛, 食飽又頂胃想嘔, 真係唔知點好, 最慘又瞓唔到, 人地話大肚會成日瞓架嘛, 我除左頭星期會眼瞓, 之後都冇乜了, 反而係失眠添!!
等左兩星期, 終於可以再見羅醫生, 今日好緊張呀, 因為期待傳說中既閃閃!
有人話6w應該照到, 亦有人話可能7-8w先照到, 如果今次照到, 我唔駛又等2星期再黎嘛!!
今日老公又請假陪我去羅醫生度, 姑娘話我得6w要照陰超, 好緊張呀!!
等左大約一粒鐘先到我, 開始照陰超, 我真係好緊張, 醫生話佢會輕手d, 哈哈, 佢真係好輕手, 奈何我真係太緊張, 醫生不停叫我放鬆, 因為支棒入唔到! >.<
終於成功照到, 一開始我唔知咩黎, 見到有野郁, 醫生話呢個就係閃閃喇, 之後就放大俾我地睇, 個個都話會好感動, 反而我第一個反應係: 下? 呢個就係閃閃喇? 同我想像中有出入, 哈哈!
照完後, 醫生話一切正常, size都係6w, 叫我放心, 聽完真係安樂晒呀, 起碼叫過左第一關先, 黎梗仲有好多關要過, 加油!!
預約私家產檢
5W1D
先講一下感覺, 兩星期前開始就開始有M痛感覺, 仲痛得幾密下, 不過今日已經冇乜了!
成日都有想嘔感覺, 食完野會頂胃, 搭車又易暈車浪, 搞到我唔敢再玩電話了!!
上篇講到預約政府醫院, 呢篇到私家, 好辛苦終於等到心水既胡醫生開工, 打去約.....最快竟然都要三月, 同政府一樣咁耐, 好彩我一早約左羅醫生下星期咋, 唔係有排等!
黎梗既產檢:
2月19日 羅醫生 - 6W2D, 希望可以照到閃閃
3月13日 胡醫生 - 9W3D, 第一次見胡醫生, 如無問題多數會搵佢開刀生
3月17日 QE - 10W, 第一次既政府產檢
由驗到到而家已經2星期, 又未夠時間睇醫生, 身體有咩情況都會好擔心, 等待既日子真係好難過呀!!
先講一下感覺, 兩星期前開始就開始有M痛感覺, 仲痛得幾密下, 不過今日已經冇乜了!
成日都有想嘔感覺, 食完野會頂胃, 搭車又易暈車浪, 搞到我唔敢再玩電話了!!
上篇講到預約政府醫院, 呢篇到私家, 好辛苦終於等到心水既胡醫生開工, 打去約.....最快竟然都要三月, 同政府一樣咁耐, 好彩我一早約左羅醫生下星期咋, 唔係有排等!
黎梗既產檢:
2月19日 羅醫生 - 6W2D, 希望可以照到閃閃
3月13日 胡醫生 - 9W3D, 第一次見胡醫生, 如無問題多數會搵佢開刀生
3月17日 QE - 10W, 第一次既政府產檢
由驗到到而家已經2星期, 又未夠時間睇醫生, 身體有咩情況都會好擔心, 等待既日子真係好難過呀!!
預約QE產檢
我不嬲係一個有計劃既人, 包括生BB, 我地搬屋都係為左生B, 而另一樣要諗既就係邊度生! 私家同政府價錢差幾百倍, 當然好多人覺得應該去政府生, 但係聽太多恐怖野, 對政府醫院真係冇乜信心, 我成日覺得你係政府生完覺得冇問題只係你好彩, 而我....唔會相信自己有咁好彩, 所以都係決定私家生!
荃灣港安係我既首選, 因為....我係呢度出世架, 哈哈, 係呢度出世又係呢度生B, 應該好大感受! 就係咁, 我地婚後用一年時間儲錢, 換樓, 準備好晒先開始我地既B計劃!
雖然都決定私家生, 但我會照報政府醫院, 貪佢會照埋唐氏同結構! 我住既地區應該係瑪嘉烈, 但係QE口碑較好, 可以跨區, 同埋近公司, 我可以蛇出去睇都得 (之前講過, 我公司係冇病假呢回事, 產檢都要扣錢)!
發嫂提過政府醫院可以fax去預約, 打去QE問下要咩文件同FAX NO., 好快就fax我同老公HKID copy, 醫生信同住址証明, 一心諗住fax完等幾日就覆, 過左幾日冇回應, 就打個電話去問下!
原來....人地話冇收過, 好啦, 咁我再fax, 次次打去都問你id no., 名, 之後就等等等, fax完又話我地張id copy唔清楚, 要放大較淺色再fax, 好啦, 又搞一輪, 打到去.....收左工!!
第二朝又打去問, 講講下cut埋我線, 再打去, 先有個女仔話收到了, 如果佢再話收唔到, 我真係嬲嬲地諗住轉返去瑪嘉烈就算!!
佢話大約等三個工作天, 點知下晝就打黎了, 俾左3月17日我第一次見姑娘, 好緊張呀, 希望到時可以俾埋唐氏既期我啦!!
荃灣港安係我既首選, 因為....我係呢度出世架, 哈哈, 係呢度出世又係呢度生B, 應該好大感受! 就係咁, 我地婚後用一年時間儲錢, 換樓, 準備好晒先開始我地既B計劃!
雖然都決定私家生, 但我會照報政府醫院, 貪佢會照埋唐氏同結構! 我住既地區應該係瑪嘉烈, 但係QE口碑較好, 可以跨區, 同埋近公司, 我可以蛇出去睇都得 (之前講過, 我公司係冇病假呢回事, 產檢都要扣錢)!
發嫂提過政府醫院可以fax去預約, 打去QE問下要咩文件同FAX NO., 好快就fax我同老公HKID copy, 醫生信同住址証明, 一心諗住fax完等幾日就覆, 過左幾日冇回應, 就打個電話去問下!
原來....人地話冇收過, 好啦, 咁我再fax, 次次打去都問你id no., 名, 之後就等等等, fax完又話我地張id copy唔清楚, 要放大較淺色再fax, 好啦, 又搞一輪, 打到去.....收左工!!
第二朝又打去問, 講講下cut埋我線, 再打去, 先有個女仔話收到了, 如果佢再話收唔到, 我真係嬲嬲地諗住轉返去瑪嘉烈就算!!
佢話大約等三個工作天, 點知下晝就打黎了, 俾左3月17日我第一次見姑娘, 好緊張呀, 希望到時可以俾埋唐氏既期我啦!!
Friday, 4 April 2014
懷孕証明
2014年2月5日 4W 2D
今日約左羅醫生五點, 老公下晝請假陪我去!
黎到見到好多人呀, 原來咁多大肚婆, 登記之後要磅重同見姑娘, 姑娘一知我咁早, 好大反應話咁早照唔到住喎, 你黎係想做咩??
大佬呀, 你估我想咁早黎, 唔係流啡我都唔會咁早黎啦, 於是我話早幾日流啡, 有d擔心所以黎囉, 同埋想要個懷孕証明去排政府!
等左大約一個鐘見醫生, 羅醫生幾後生, 仲好nice, 同佢講完情況, 佢話咁早唔同我照住, 可以開定d安胎葯俾我, 仲有葉酸同鈣片!
我話其實我小腹一直都有痛, 佢話係正常, 去到6W就應該唔痛, 另外有透明或淡黃既分泌都正常, 唔駛太擔心, 之後就開懷孕証明俾我, 我話你乜都唔駛驗就俾証明我? 信得過我架喇? 佢話棒棒驗到有就係有架喇!!
就係咁, 攞完葯就走了, 6星期既葉酸+鈣片, 加一張懷孕証明, 埋單$600, 我覺得好貴呀! 最後我決定唔要安胎葯, 再流先返黎配, 如果唔係仲貴呀!
今日約左羅醫生五點, 老公下晝請假陪我去!
黎到見到好多人呀, 原來咁多大肚婆, 登記之後要磅重同見姑娘, 姑娘一知我咁早, 好大反應話咁早照唔到住喎, 你黎係想做咩??
大佬呀, 你估我想咁早黎, 唔係流啡我都唔會咁早黎啦, 於是我話早幾日流啡, 有d擔心所以黎囉, 同埋想要個懷孕証明去排政府!
等左大約一個鐘見醫生, 羅醫生幾後生, 仲好nice, 同佢講完情況, 佢話咁早唔同我照住, 可以開定d安胎葯俾我, 仲有葉酸同鈣片!
我話其實我小腹一直都有痛, 佢話係正常, 去到6W就應該唔痛, 另外有透明或淡黃既分泌都正常, 唔駛太擔心, 之後就開懷孕証明俾我, 我話你乜都唔駛驗就俾証明我? 信得過我架喇? 佢話棒棒驗到有就係有架喇!!
就係咁, 攞完葯就走了, 6星期既葉酸+鈣片, 加一張懷孕証明, 埋單$600, 我覺得好貴呀! 最後我決定唔要安胎葯, 再流先返黎配, 如果唔係仲貴呀!
初五開工
2014年2月4日
公司係放紅日, 所以初五開工了, 因為流過啡, 始終都好驚, 一返到公司就搵醫生資料!
一心諗住搵胡廣森醫生, 但原來佢下星期先開工, 咁就搵第二個啦!
第二個搵盧乃本醫生, 最快既日子係2月17日, 嘩.....駛唔駛咁誇張呀??
第三個就係搵發嫂介紹既羅宇帆醫生, 原本最快要2月7日, 我話早幾日流過啡, 可唔可以早d? 佢話咁聽日下晝過黎啦!
由於公司係冇病假呢回事, 產檢亦會扣錢, 盡可能我都唔會請假, 好好彩羅醫生係公司附近(呢個亦係我揀佢原因之一), 咁我可以出去睇完再返黎!
晏晝公司去左北京樓食開年飯, 我發現.....原來我好多野唔食得, 一向為食既我, 第一次有想喊既感覺!!
其實都有聰明既同事知我咩事, 佢地係過來人嘛, 知道左都好照顧我同會提點我!!
回顧返呢餐飯, 真係好可憐:
1. 一坐低就指明話要淡普洱, 其實我真係唔太鍾意飲普洱架咋
2. 第一碟餸係拼盤, 有牛展, 海哲, 素鵝, 有同事叫我唔好食, 可能係牛? 定海哲生冷野? 但....我真係好肚餓, 所以冇理, 每樣都食左舊
3. 第二碟餸係片皮鴨, 天呀, 我好鍾意食架, 唔止一個同我講, 鴨同鵝都好毒, 一定唔食得, 但竟然有個同事話, 鵝毒之嘛, 鴨得架, 我都忍忍忍, 但個轉盤不停轉, 香味一直傳黎, 轉左幾個圈, 個個都食得津津有味, 我終於忍唔住, 食左一舊!
4. 第三碟係宮保蝦球? 總之係辣蝦啦, 我鍾意食蝦, 但好好彩我係唔食辣既, 而今次兩個同事都話呢碟一定唔食得, 所以呢碟我完全冇掂過
5. 終於有一樣可以放心食既餸黎喇, 就係小籠包!
6. 又一樣食得既餸, 就係松子魚, 右邊同事夾左俾我, 左邊個同事再夾多次, 仲加句: 食多d! 哈哈, 個一刻, 一方面覺得自己好似好可憐, 另一方面又有d感動!
再之後都係炒麵同甜品, 飲完餐茶, 其實我仲好肚餓, 冇陰公!!
雖則話未夠三個月唔可以同人講, 其實食呢餐飯, 已經好多人估到啦, 尤其係有經驗既女同事, 平時我咁大食, 今日突然呢樣唔食個樣唔食! 女同事就醒目, 知道就算! 有個男同事真係問我今日做咩, 我剩係答左句: 皮膚敏感呀!! 唔知佢信唔信呢??
我知道, 而家只係開始, 黎梗仲有好多個月時間戒口, 我會加油, 同埋盡量學識享受大肚既生活!!
公司係放紅日, 所以初五開工了, 因為流過啡, 始終都好驚, 一返到公司就搵醫生資料!
一心諗住搵胡廣森醫生, 但原來佢下星期先開工, 咁就搵第二個啦!
第二個搵盧乃本醫生, 最快既日子係2月17日, 嘩.....駛唔駛咁誇張呀??
第三個就係搵發嫂介紹既羅宇帆醫生, 原本最快要2月7日, 我話早幾日流過啡, 可唔可以早d? 佢話咁聽日下晝過黎啦!
由於公司係冇病假呢回事, 產檢亦會扣錢, 盡可能我都唔會請假, 好好彩羅醫生係公司附近(呢個亦係我揀佢原因之一), 咁我可以出去睇完再返黎!
晏晝公司去左北京樓食開年飯, 我發現.....原來我好多野唔食得, 一向為食既我, 第一次有想喊既感覺!!
其實都有聰明既同事知我咩事, 佢地係過來人嘛, 知道左都好照顧我同會提點我!!
回顧返呢餐飯, 真係好可憐:
1. 一坐低就指明話要淡普洱, 其實我真係唔太鍾意飲普洱架咋
2. 第一碟餸係拼盤, 有牛展, 海哲, 素鵝, 有同事叫我唔好食, 可能係牛? 定海哲生冷野? 但....我真係好肚餓, 所以冇理, 每樣都食左舊
3. 第二碟餸係片皮鴨, 天呀, 我好鍾意食架, 唔止一個同我講, 鴨同鵝都好毒, 一定唔食得, 但竟然有個同事話, 鵝毒之嘛, 鴨得架, 我都忍忍忍, 但個轉盤不停轉, 香味一直傳黎, 轉左幾個圈, 個個都食得津津有味, 我終於忍唔住, 食左一舊!
4. 第三碟係宮保蝦球? 總之係辣蝦啦, 我鍾意食蝦, 但好好彩我係唔食辣既, 而今次兩個同事都話呢碟一定唔食得, 所以呢碟我完全冇掂過
5. 終於有一樣可以放心食既餸黎喇, 就係小籠包!
6. 又一樣食得既餸, 就係松子魚, 右邊同事夾左俾我, 左邊個同事再夾多次, 仲加句: 食多d! 哈哈, 個一刻, 一方面覺得自己好似好可憐, 另一方面又有d感動!
再之後都係炒麵同甜品, 飲完餐茶, 其實我仲好肚餓, 冇陰公!!
雖則話未夠三個月唔可以同人講, 其實食呢餐飯, 已經好多人估到啦, 尤其係有經驗既女同事, 平時我咁大食, 今日突然呢樣唔食個樣唔食! 女同事就醒目, 知道就算! 有個男同事真係問我今日做咩, 我剩係答左句: 皮膚敏感呀!! 唔知佢信唔信呢??
我知道, 而家只係開始, 黎梗仲有好多個月時間戒口, 我會加油, 同埋盡量學識享受大肚既生活!!
流啡
2014年2月1日 大年初二
可能琴日太操勞了, 一走就走左幾場去拜年, 又可能係今日起身食左半底蘿蔔糕, 下晝開始竟然發然流啡!
好驚好驚, 唔知咩事, 如果唔係我晨咁早驗左, 真係會以為係m, 去左阿哥屋企打牌, 問阿嫂, 佢叫我睇醫生, 但係新年期間冇醫生睇喎, 急症室都只會叫你瞓床, 咁我係屋企瞓算吧!!
呢一晚流左兩次, 一返到家涼都冇沖就即刻上床瞓了!!
2014年2月1日 大年初三
起身老公煲左桑寄生蓮子茶俾我, 之後就返房繼續攤, 係度煲劇, 似乎都冇流了, 不過子宮位一直都係少少抽住抽住痛, 好似m咁, 再一度懷疑到底自己係咪真係有?
夜晚本來要去老公舅父家拜年, 但佢住上水太遠, 所以我都係留家休息一天!
2014年2月2日 大年初四
最後一日假期, 都係休息為主, 呢兩日瞓到我腰骨痛呀, 同埋感覺已好好多, 冇流啡亦冇咁痛, 反而係腰骨好痛!!
黃昏時分姪女打黎又叫我去打牌, 由於我地係住同屋苑, 見悶悶地就過左去打牌, 都係坐係度之嘛, 哈哈!!
可能琴日太操勞了, 一走就走左幾場去拜年, 又可能係今日起身食左半底蘿蔔糕, 下晝開始竟然發然流啡!
好驚好驚, 唔知咩事, 如果唔係我晨咁早驗左, 真係會以為係m, 去左阿哥屋企打牌, 問阿嫂, 佢叫我睇醫生, 但係新年期間冇醫生睇喎, 急症室都只會叫你瞓床, 咁我係屋企瞓算吧!!
呢一晚流左兩次, 一返到家涼都冇沖就即刻上床瞓了!!
2014年2月1日 大年初三
起身老公煲左桑寄生蓮子茶俾我, 之後就返房繼續攤, 係度煲劇, 似乎都冇流了, 不過子宮位一直都係少少抽住抽住痛, 好似m咁, 再一度懷疑到底自己係咪真係有?
夜晚本來要去老公舅父家拜年, 但佢住上水太遠, 所以我都係留家休息一天!
2014年2月2日 大年初四
最後一日假期, 都係休息為主, 呢兩日瞓到我腰骨痛呀, 同埋感覺已好好多, 冇流啡亦冇咁痛, 反而係腰骨好痛!!
黃昏時分姪女打黎又叫我去打牌, 由於我地係住同屋苑, 見悶悶地就過左去打牌, 都係坐係度之嘛, 哈哈!!
驗孕記
2014年1月29日 年廿九
呢幾日覺得腰有d痛, 仲有少少m痛感, 以為係谷m, 但....開始痛得唔尋常, 仲有係好多屁屁放, 就係度諗....唔通中左??
放工即刻返家驗下, 我知道應該係用晨尿的, 不過當時冇理了, 痛到咁唔尋常, 唔中都要去婦科!!
結果.....有個好淺既印, 但係今日先係day 24, 係咪真係咁快就驗到呢??
驗到個下....我成隻手震晒, 之後仲要煮飯, 一邊煮一邊震, 老公返到黎, 我都唔敢同佢講住!
食完飯....我先忍唔住問佢, 你估萬寧閂門未? 我想買多支棒棒, 佢個樣似係呆左, 之後就好開心係咁摸我個肚叫bb, 但係都冇答過我問題!
不過個陣已經十點, 都係聽日先買吧!!
2014年1月30日 年三十
今日公司放早, 今晚要同老公返6299家食團年飯, 飯前我地就去左萬寧買棒棒, 本來好想買電子個隻, 不過價錢貴幾倍又真係唔捨得!!
今次決定要用晨尿驗, 準確d, 所以聽日大年初一起身第一件事就係驗孕喇, 哈哈!!
2014年1月31日 大年初一
今日係約左老公親戚十點鐘尖咀飲茶, 結果我地九點半先起身, 所以好匆忙, 不過都要驗下, 都係淺線, 睇說明書寫淺線係初期, 今日係day 26, 又真係太早喎, 不過應該冇錯喇卦, 我應該係中奬了!!
呢幾日覺得腰有d痛, 仲有少少m痛感, 以為係谷m, 但....開始痛得唔尋常, 仲有係好多屁屁放, 就係度諗....唔通中左??
放工即刻返家驗下, 我知道應該係用晨尿的, 不過當時冇理了, 痛到咁唔尋常, 唔中都要去婦科!!
結果.....有個好淺既印, 但係今日先係day 24, 係咪真係咁快就驗到呢??
驗到個下....我成隻手震晒, 之後仲要煮飯, 一邊煮一邊震, 老公返到黎, 我都唔敢同佢講住!
食完飯....我先忍唔住問佢, 你估萬寧閂門未? 我想買多支棒棒, 佢個樣似係呆左, 之後就好開心係咁摸我個肚叫bb, 但係都冇答過我問題!
不過個陣已經十點, 都係聽日先買吧!!
2014年1月30日 年三十
今日公司放早, 今晚要同老公返6299家食團年飯, 飯前我地就去左萬寧買棒棒, 本來好想買電子個隻, 不過價錢貴幾倍又真係唔捨得!!
今次決定要用晨尿驗, 準確d, 所以聽日大年初一起身第一件事就係驗孕喇, 哈哈!!
2014年1月31日 大年初一
今日係約左老公親戚十點鐘尖咀飲茶, 結果我地九點半先起身, 所以好匆忙, 不過都要驗下, 都係淺線, 睇說明書寫淺線係初期, 今日係day 26, 又真係太早喎, 不過應該冇錯喇卦, 我應該係中奬了!!
Wednesday, 19 March 2014
新成員 - 熊仔鼠
屋企又多個新成員了, 今次係第一次養熊仔鼠, 係其中一個鼠友自家繁殖的, 佢上年年尾已經開始計劃同搵人領養, 過左年就開工, 估唔到咁快搞掂!!
熊仔鼠2月21日出世, 有三款揀, 老公揀左虎紋既, 3月16日佢地戒奶後我地就去接佢返黎喇!
熊仔鼠大隻過倉鼠好多, 差唔多成隻手掌咁大, 不過暫時佢仲係bb, 同我屋企既倉鼠差唔多大, 我已經訂左新籠不過未到, 所以暫時住係舊倉鼠籠度先!!
佢好細膽呀, 呢幾日都長期匿埋, 可能趁我地訓覺或返左工先出黎, 希望可以快d同我地熟啦!!
另外兩隻倉鼠, 一隻叫雲呢拿, 一隻呢朱古力, 咁呢隻叫咩好呢??
熊仔鼠2月21日出世, 有三款揀, 老公揀左虎紋既, 3月16日佢地戒奶後我地就去接佢返黎喇!
熊仔鼠大隻過倉鼠好多, 差唔多成隻手掌咁大, 不過暫時佢仲係bb, 同我屋企既倉鼠差唔多大, 我已經訂左新籠不過未到, 所以暫時住係舊倉鼠籠度先!!
佢好細膽呀, 呢幾日都長期匿埋, 可能趁我地訓覺或返左工先出黎, 希望可以快d同我地熟啦!!
另外兩隻倉鼠, 一隻叫雲呢拿, 一隻呢朱古力, 咁呢隻叫咩好呢??
 |
| 個樣好傻呀! |
 |
| 好難先捕捉到佢出黎飲水, 側晒頭咁, 好搞笑! |
Wednesday, 22 January 2014
第一次燉佛跳牆
因為借左阿哥個燉盅返黎, 就開始愛上燉湯!
又因為愛上燉湯, 就開始買d基本湯料返黎, 例如淮山, 杞子, 圓肉, 南北杏等等!
前排盞記$50一磅急凍螺頭, 所以我又買左2磅返黎試下, 不過燉過一次覺得冇乜味, 反而煲湯係出味d!!
好姊妹知我愛上燉湯, 就俾左少少乾螺頭我試, 適逢阿哥冇飯食, 佢就提議我燉個佛跳牆!!
佛跳牆有好多料, 但個個食譜都唔同, 我就揀d自己會食既野黎煮:
淮山, 杞子, 圓肉, 螺頭, 花膠, 海參(cheap野), 鮮鮑魚(阿哥專登去街市買), 豬展, 雞(因為買唔切, 我落左微量雞湯代替), 金華火腿(阿哥上海買返黎), 乾瑤柱
網上睇話要燉八個鐘, 不過我燉唔切, 最後燉左4個零鐘咋, 可能有雞湯同金華火腿, 連鹽都唔駛落就好勁味喇!!
由於我煮梗餸唔得閒, 佢地又太心急飲個湯, 所以冇影到相, 嗚嗚!!
呢餐飯係我第一次煮俾阿媽同阿哥, 佢地都大讚呀, 下次再燉, 我會加埋素翅同用真雞!!
又因為愛上燉湯, 就開始買d基本湯料返黎, 例如淮山, 杞子, 圓肉, 南北杏等等!
前排盞記$50一磅急凍螺頭, 所以我又買左2磅返黎試下, 不過燉過一次覺得冇乜味, 反而煲湯係出味d!!
好姊妹知我愛上燉湯, 就俾左少少乾螺頭我試, 適逢阿哥冇飯食, 佢就提議我燉個佛跳牆!!
佛跳牆有好多料, 但個個食譜都唔同, 我就揀d自己會食既野黎煮:
淮山, 杞子, 圓肉, 螺頭, 花膠, 海參(cheap野), 鮮鮑魚(阿哥專登去街市買), 豬展, 雞(因為買唔切, 我落左微量雞湯代替), 金華火腿(阿哥上海買返黎), 乾瑤柱
網上睇話要燉八個鐘, 不過我燉唔切, 最後燉左4個零鐘咋, 可能有雞湯同金華火腿, 連鹽都唔駛落就好勁味喇!!
由於我煮梗餸唔得閒, 佢地又太心急飲個湯, 所以冇影到相, 嗚嗚!!
呢餐飯係我第一次煮俾阿媽同阿哥, 佢地都大讚呀, 下次再燉, 我會加埋素翅同用真雞!!
 |
| 料多過湯呀!! |
Subscribe to:
Posts (Atom)