領養新鼠鼠

好耐冇update過四籠四鼠近況, 其實細佬鼠上年未夠一歲就因病去左彩虹橋了, 個時仲喊到發癲, 返唔到工添!!

今年奀吱吱同家姐鼠都相繼係我兩次搬屋前走左, 得返烏卒卒陪我地搬屋, 搬到入黎, 可能得返佢一隻唔慣, 又或者真係太老了, 已經兩歲多d, 係一個老婆婆, 見佢精神好差, 成日訓覺又食好少野, 真係好擔心!!

上網睇下有咩鼠鼠領養, 見到又有人話生左一堆bb唔要, 咁我就留左了, 明明佢個隻係奶茶鼠, 唔知點解會生左小灰霸+銀狐出黎, 最後我揀左銀狐, 琴日仲帶左佢返屋企了!!

銀狐bb係10月17日出世, 一個月都冇唔知點解可以肥到咁, 佢個頭同埋d便便係好細架, 只係個身真係肥, 唔會又有左卦??

我地想驗下佢係男定女, 但佢太細膽, 少少事就係咁走, 可能未熟悉新環境, 咁我地都唔搞佢住了!!

另外驚烏卒卒會以為我地貪新忘舊, 所以兩個籠都放到好遠, 之前細佬鼠有呷醋架, 今次要小心處理呢!!

係紙袋爬梗出黎, 佢真係好驚, 慢慢行...

佢真係好鬼肥呀, 唔似未滿月既鼠!