買窗簾

裝修到尾聲, 仲定左10月26日搬屋, 但差d唔記得一樣重要野, 就係買窗簾, 今次係老公提我, 醒目返一次!!

之前有兩個朋友幫襯過旺角一間上樓既窗簾鋪, 於是我都搵返呢間, 但佢收七點, 早兩日放工就即刻衝去了!!

上到去冇乜人, 我同佢地講要灰色, 暗花, 唔要令身既, 剩返既其實都唔係太多選擇, 之後當然係睇價錢, 有隻七成遮光既$118/碼, 九成既$148/碼, 最後揀左平個隻!

由於廳同細房冷氣下面都有個好細既窗, 如果做窗簾布會怪怪地, 所以我地揀左做卷簾, 原來都好鬼貴呀, 仲要有最低消費$420, 我地兩個細窗都係最低消費, 已經$840!!

最後係路軌, 有大陸同歐洲既, 大陸既好嘈呀, 最後我地揀左歐洲, 咁就買左三千幾喇, 好肉痛!!