買抽油煙機

咁大個女未買過抽油煙機, 上間屋係用上手既, 上網睇左好耐資料, 各大討論區都係推介"富士皇", 但價錢唔平呀, 所以我諗左好耐!

各用家都讚富士皇吸得之餘又夠靜, 而消委會更加係第一位, 但最平個部都要差不多5千, 多人用斜板個部就8千, 真係好貴呢!

如果唔買富士皇, 我應該會揀TGC, 因為靚仔d, 而我地去睇過現貨, 都唔算非常嘈, 不過吸力就好似一般!

有一日放工就專登同老公去左家居樂睇富士皇, 點知一睇就中伏了, 因為真係好靜, 吸力又幾好, 老公都好鍾意, 佢又做魔鬼話睇o岩就買啦, 唔好行多轉喇, 所以我地就揀左白色平板個款, 因為平d, 乖乖落訂了!!