回到未嫁前三天

開始分享返大日子既點滴, 因為結婚日係星期六, 我地又唔會去蜜月住, 所以我提早左放假, 由星期三下晝放到下個星期三返工!!

12月5日星期三下晝放工後, 我就去博藝會試碟, 老公就回家安床, 對於安床呢家野, 我地好求其, 冇搵人安, 仲要安完照瞓!!

博藝會服務唔錯, 上去試碟時態度幾好, 我覺得d音響都唔錯呀, 仲傾埋我candy corner, 席前小食位置等等, 離開時我有少許興奮, 因為下次再黎就會係我婚期喇!!

之後返荃灣, 約左安完床既老公出黎食野, 同埋洗牙+理髮, 其實本來冇諗住洗牙, 不過見有時間剩, 即管睇下附近有冇邊間可以walkin洗, 又俾我地搵到間喎, 醫生話我d牙好乾淨, 好快搞掂, 老公好多牙, 洗左好耐呀, 哈哈!!

洗完牙我地又分頭行事, 各自去理髮, 因為我地係去開唔同既鋪頭, 好彩地點好近, 搞掂後可以約返埋一齊食飯!

我剩係染同修下, 髮型師話我set頭唔可以太碎, 所以只係修返齊個尾, 仲有剪短前面少少, 搞完個頭, 聽日就整甲喇!!