第四至七份結婚禮物

繼上次三份窩心禮物, 原來仲陸續有黎, 首先係三位相識多年好姊妹送既鑽石耳環, 真係嚇我一跳呀, 冇諗過佢地會買禮物, 仲要係鑽石, 第一次有女性朋友送鑽石俾我咋, 仲要真係充滿驚喜, 佢地話揀左半年添, 真係好感動!!

第二份係相識廿五年既小學+中學同學+好姊妹, 亦即係伴娘, 其實佢叫我唔好開名, 因為佢怕其他朋友呷醋, 不過blog冇咩人識冇所謂啦, 佢真係好有心, 定做對杯俾我地, 連包裝都係佢自己整, 要知道佢平時係唔做呢d野架, 又係好感動!!

第三四份係老公表妹+表妹德國朋友送, 外國人係興送家庭用品, 表妹去左外國幾年, 性格已經洋化, 佢送左套調味架擺設, 好靚架, 靚到唔捨得用, 我地放左係酒櫃當裝飾, 而佢德國朋友因為想體驗下香港婚禮, 所以跟左表妹返香港, 仲買左套餐具當禮物, 包裝個塊布佢仲聯左我地既英文名字頭, 好有心!!

再一次覺得, 好多人錫我地, 多謝大家!!

呢份係鑽石耳環, 好閃架!

呢對杯個包裝都係伴娘親手整, 佢話畢業咁耐都冇做過呢d手工野!

呢set係老公表妹送的!

呢套係表妹德國朋友送的!