問過hanahama, 佢地d card都唔平, 最後....為左慳錢, 唯有...用返博藝會張帖, 不過唔用牛油紙, 係直接印上去, 而張帖我會再加d花, 即係將會辛苦一輪!!
參考過好多blog, 好多人都會用punch, cuttlebug, 幾個月前我已屎忽痕地淘左一堆punch返黎, 睇過cuttlebug, 好x貴呀, 但又真係好靚喎, send張相俾男友睇, 點知佢竟然叫我買, 因為佢都覺得好靚, 佢話...用完咪賣返部機出去囉, 哈哈, 有人支持我當然即刻買啦, 見到有個剛結婚既人放機, 不過佢放唔平呀, 因為佢話買左返黎未用過, 咁我又真係搵唔到其他人放, 最後都係幫佢買左!!
上星期五見得閒, 就捉左男友去博藝會拎帖, 原來佢地都好求其, 打個電話去叫佢地準備幾多張就得, 連單都唔駛帶, 即係係人都可以問佢地拎帖, 仲要數量不限添, 我暫時拎左250套, 佢仲俾埋地圖卡我添!!
返到屋企係咁玩, 玩左成晚, 原來張帖都好厚, 搞到我用唔到兩張plate b, 搞左好耐先搵到第二d卡紙代替, 最後犠牲左7套帖, 就暫定左一個款式, 不過男友又話想多d款, 玩野咩, 到時睇心情先決定!!
 |
| 呢個係博藝會包既帖, 張相係copy其他blog, 希望唔會介意! |
 |
| 同男友決定既款, 只係用cuttlebug壓花+用punch 整條邊, 但覺得下面怪怪地! |
 |
| 咁樣整一半會唔會冇咁怪呢? 仲慳返一半力, 到時set好位, 會對稱返d, 暫定呢個款! |
 |
| 信封正面, 用左個天使punch! |
