花球

上篇寫完佈置, 今篇到花球, 前年朋友結婚我接到佢個絲花球, 一直放屋企, 到上年影pre-wedding我又買左個絲花球, 而家有2個係度, 所以我唔會再買絲花球了, 呢2個希望可以當日拋左佢, 為我既姊妹帶黎幸福!

鮮花球方面, 一直煩梗去邊度買, 因為拎都係一個問題, 結婚前一日一定好忙, 唔想搵d老遠既地方去拎, 之前睇過agnes b, 原來佢比想像中又唔係咁貴, 仲要有我睇中既馬蹄蘭, 佢話可以婚前一個月訂都未遲, 咁我就冇理了!

搵hanahama佈置, 見到佢地原來都有花球, 仲要d款好特別, 搞到我又心郁郁, 不過佢都唔係平, 所以我都考慮左一排, 但最後都係搵左佢, 因為佢地太近喇, 係荃灣, 哈哈!!

選花方面, 其實我對花真係冇乜興趣, 又冇認識, 係上網搵花球資料時先叫做多返少少認識, 比較喜歡有紅/紫馬蹄蘭, 鬱金香, 繡球, 反而對玫瑰冇乜興趣, 絲花球用左鬱金香了, 咁我鮮花就會用馬蹄蘭, 同hanahama傾左幾次, 佢地有俾意見我, 暫定會係紫紅馬蹄蘭+紅繡球, 配花會用石竹+一款白色花, 但我未諗到用咩白色花好, 佢建議用桔梗或牡丹, 桔梗我都冇咩興趣, 好似細個用廁紙整既花咁, 不過仲有時間俾我慢慢諗!

一下子又ko幾個item, 心情真係興奮, 係度又分享下我之前睇中既花球!!