約左Alvin琴晚出黎, 原來佢係屯門人, 所以我地約左係荃灣, 其實我地都冇乜要求, 只要佢樣貌端正同埋唔寸就得, 出到黎大家好似朋友咁傾計, 都幾好傾喎, 佢個樣都ok架, 原來佢正職係做training既HR, 所以都係靠把口搵食, 亦都因為佢有正職, 所以唔方便四處賣廣告, 通常都係朋友介紹!
我地都係講下佢會做d咩, 聽落幾好, 佢會大約四點半到場打點, 同d兄弟姊妹傾下rundown, 而我地搞結婚過程有咩都可以請教佢, 佢話其實佢既職責係將我地既野串連晒, 佢講野都直接, 真係有個句講個句, 不過講野有少少快, 廣東話唔好個d(例如我表姐), 應該會聽唔切佢講乜!
佢講完佢講個d, 我又問下佢既背景, 佢又俾d出job相我地睇, 其實我已經好滿意架喇, 因為真係好平, 呢個價錢係封利是俾其他人都要啦, 佢話唔駛即時覆佢, 可以返去考慮下先都ok, 佢又唔係律師, 唔駛話出襯黎都要收錢, 大家當朋友出黎都ok架, 如果confirm左, 結婚前仲要約出黎傾下了解下我地添, 咁我又問佢一個月大約出幾多job, 因為我好驚個d一個月出十幾場個d人呢, 會唔記得我地而講錯野, 記錯野等等, 好彩佢話佢暫時一個月都係兩單左右, 不過今年好似真係好多人結婚, 佢話就算接多d都係有個限度, 因為佢都要休息, 況且佢又唔係收得多, 做mc係覺得好玩好開心!!
傾完晒佢就走了, 成個過程應該冇半個鐘, 佢話可以遲d覆佢, 但係我同男友都費事煩, 同埋都幾滿意, 轉個頭就覆佢ok了, 哈哈, 希望我冇揀錯啦!!
男友事後講返, 有位兄弟同佢講, mc唔好預佢, 因為真係好辛苦, 男友就話: minnie話費事你地辛苦, 俾錢請mc喎! 之後位兄弟話好感激我地, 哈哈, 男友又一次欣賞我既決定喇, 我仲乘機寸返佢最初我話請mc時佢既反應添!
good!!!!!!揾到mc就好了....可以ko下一個item
ReplyDelete[版主回覆01/18/2012 13:52:05]係呀, 下個item係媽咪衫同花球, 要努力! ^^
yeah!!! 又攪掂一個task la!~
ReplyDelete[版主回覆01/18/2012 14:51:39]係呀, 仲要咁平, 安樂晒! ^^
你d進度好快呀,好多野都搞掂哂,我仲有兩個多月就結婚,mc都仲未安排好呀!!
ReplyDelete[版主回覆02/14/2012 17:31:08]好呀, 佢個樣都ok呀, 又nice, 哈哈!
[Fanny Yip回覆02/14/2012 17:06:16]我最後都有join佢呀,到時我話比你知佢得唔得呀...^^
[版主回覆02/04/2012 14:50:06]好呀, 佢電話係96409850叫ALVIN, 佢收$1000 ^^
[Fanny Yip回覆02/04/2012 10:54:23]minnie:可以比依個mc聯絡資料我嘛??我都急住搵mc呀,因為我下個月就係啦,但都仲未搵到d啱心水既人選,同埋你介唔介意講比我知,佢會收幾錢呀??我想有個心理準備先...thx...^^
[版主回覆01/18/2012 15:35:25]我呢d急進既人乜都要快, 到時book唔到我會失眠幾日架!
好叻呀~我反而未搵到女MC呀....苦惱中丫~
ReplyDelete[版主回覆01/19/2012 17:16:59]女MC我個律師推介ZOE LIT, 話佢有交帶,你可以睇下! ^^