早係半年前我已經book左花車, 哈哈, 因為一早已經鍾意, 又驚book唔到心水, 所以咪hold左先囉, 就係阿達既London Taxi, 佢出左名平靚正, 同埋我hold左架紫色, 佢話到時其他色如果有期可以轉! 當初book個陣有考慮過紅色, 但係個時阿達話未有, 而且將會有, 所以我地都諗住等佢出左新色就睇實物, 睇下駛唔駛轉色! 而呢一晚我地終於捨得去睇喇!!
約左夜晚十一點去沙田睇車, 冇錯, 係夜晚十一點, 冇計啦, 阿達又難約, 而今晚我地又約左人食飯, 唯有約咁夜, 去到停車場見到佢d車晒冷擺晒係度, 好型呀! 第一眼就見到自己架紫色, 實物好靚喎, 最初仲驚梗咁多人用會唔會好舊好殘呢, 又唔會喎, 最估唔到我男友都好鍾意, 我地仲專登帶左對公仔去睇下襯唔襯, 估唔到又幾襯呢! 之後去睇另一架好鍾意既, 就係白色古董車, 真係好靚呀, 不過架車比較矮, 我男友非常鍾意, 可惜貴, 同埋而家都俾人book左了, 想轉都冇得轉啦! 之後就睇酒紅色, 比我地想像中深色, 其實都ok既, 不過男友有少少嫌太深色, 我專登著件紅色衫去, 有輕微撞色! 紅色隔離個架係新既水晶紫, 車身係粉紫色, 車頭同車身都有水晶石, 都幾閃, 呢架貴$500, 未睇實物前有諗過轉, 不過男友睇相已經話太粉, 睇完個實物更加唔鍾意, 個內籠全銀色, 好"李龍基"feel, 加上車牌號碼冇咁靚, 我連同架車合照都費事, 而其他仲有桃紅同粉紅色, 我地都冇影相, 因為個停車場太熱喇, 我見阿達都出晒汗, 雖然佢開左其中一部車涼冷氣, 不過都十一點幾, 真係唔好意思搞住人地咁耐囉, 所以我地冇乜點玩就走了!
 |
| 同對龜都幾襯丫! |
 |
| 紅色衫, 哈哈~ |
 |
| 呢架紅色都OK, 不過都係鍾意紫色多D! |
 |
| 男友嫌太粉紫~ |
 |
| 呢架係最愛, 不過成架車真係矮, 同埋貴! |
請問...紫色...那一忽殘?
ReplyDelete[版主回覆09/05/2011 16:06:26]之前見到有人話殘, 搞到我驚驚地, 原來實物一d都唔殘! ^^
紫色真係幾靚, 你o係邊間book, 我想睇下其他車的reference. thanks.
ReplyDelete[版主回覆09/06/2011 00:25:51]我咪就係同阿達BOOK, 佢間野叫皇室經典!
粉紫都靚wor~~
ReplyDelete[版主回覆09/08/2011 09:20:14]實物既粉紫係仲粉好多, 同埋車牌冇咁靚, 仲要貴$500, 所以我地冇揀呀!
公仔o個d我都唔知點整實佢,
ReplyDelete一心諗住d 司機有經驗, 佢地一定識ge~~hee
[版主回覆09/08/2011 09:20:50]我有問過佢呀, 佢叫我用吸盤! @@
我男友生得矮ar,所以白色嗰架啱佢,wakaakwakak......不過後面只能坐兩個人咋,所以我只會俾幫我攞傘嗰位姊妹坐車頭 + 司機,伴郎就冇得坐 ^.^
ReplyDelete[Mrs.Ling to be回覆09/28/2011 23:18:15]係ar!!
[版主回覆09/28/2011 10:09:19]哈, 我真係冇諗過喎, 係咪伴郎坐車頭?
[Mrs.Ling to be回覆09/26/2011 22:01:16]通常除咗一對新人之外,伴娘和伴郎都有份坐ga!!
[版主回覆09/26/2011 10:10:23]我男友都係同我差唔多高架咋, 話時話我冇諗過有咩人會坐架車喎 @@