又多一隻小紫王

話說養左屋企隻小紫B後, 同男友簡直好似多左個仔咁, 佢返屋企都剩係掛住叫佢唔叫我, 又成日玩佢喎, 吊住粒芝士引佢, 搞到係咁跳好辛苦先有得食, 冇諗過佢會咁鍾意喎, 而我平時每晚返去掛住打機, 而家都變左同佢玩, 生活轉變真係大左, 既然我地兩個都鍾意, 於是我決定....領養多一隻返黎, 哈哈!!

話咁快就搵到, 其實真係好易搵, 係我n年前咁stupid走去買, 如果各位都想養小動物, 不論係貓狗鼠, 不妨先上各大forum或愛協睇下有冇得領養先, 被遺棄真係好慘架, 呢排上網睇得太多, 個心都好唔舒服!!

新養既都係小紫王, 不過唔係BB喇, 成四個月大, 係女仔黎架, 問返屋企隻B既前主人, 原來係10/7出世, 而呢隻係20/4出世, 相差三個月, 雖然我會一籠一鼠, 但聽聞佢地聞到有其他鼠, 都會識得呷醋, 希望佢地唔會啦!!

第一晚黎到屋企, 佢兩個互相聞, 好好笑呀, 未諗到叫佢地咩名, 暫時叫佢地阿仔阿女算喇, 阿女好大隻呀, 大到有d嚇襯我, 上forum睇返, 有人領養同一批倉鼠, 幾日後生左一堆BB, 搞到我而家好驚呀, 佢又咁大隻, 唔通真係有左BB?

佢地初次見面既一刻, 好好笑呀!