事緣我早幾年養過小露寶倉鼠, 到最近發夢見到佢地, 所以又想養返, 其實我好怕養寵物架, 因為驚佢地死個時會好傷心, 尤其係倉鼠壽命得2-3年, 但我又好想養, 換個角度諗, 就等佢呢2-3年在世時間俾我錫佢啦, 本來諗住去寵物店買, 但發現原來forum都好多人俾人領養, 其實除左鼠, 好多貓貓狗狗都等梗人領養, 最衰我係驚狗, 如果唔係都會領養, 見到佢地個樣, 同埋知道佢地既故事, 覺得佢地真係好可憐!!
係forum留言左兩日, 終於有個女仔話可以俾我, 佢之前執左幾隻返黎, 點知冇耐其中一隻生左十幾隻出黎, 佢養唔掂所以要俾人, 佢話有小紫王BB同埋小灰霸BB, 最後我揀左小紫王BB, 其實我都唔知有咩分別, 剩係知道當年我養既小露寶係出名跑得快同埋唔俾人掂!
13/8終於領養左小紫B返黎, 係男朋友放工專登過去藍田拎, 個女仔話小紫B係10/8出世, 其實唔知佢有冇講錯, BB唔係要食奶架咩? 遲D要問返佢!!
我一早已經係淘寶買晒D籠同埋用品返黎, 小紫B好細隻好得意呀, 不過我唔敢抱佢, 驚整痛佢同埋嚇襯佢, D人話要等佢適應新環境先好搞佢!!
呢幾日我地好似多左個仔咁, 返工又會諗住唔知紫B做梗咩呢? 會唔會熱襯呢? 夠唔夠野食呢? 一隻倉鼠都咁, 第時真係生左小朋友唔知點算!! 而家我同男友仲成日爭住同紫B玩, 估唔到佢又會鍾意, 最初仲驚佢唔想添, 而家多左隻紫B更加忙喇, 我地一返到屋企就爭住睇佢做梗乜, 真係好似多左個仔咁呀!!
 |
| 佢瞓襯覺都好似個波咁架! |
 |
| 最鍾意食芝士, 瞇起眼食得幾開心! |
No comments:
Post a Comment