訂造絲花球

話說聽日就去影婚紗相, 係另一個朋友幫我影, 不過都要俾錢book studio同mua, 之前一直諗住用上次做姊妹接到既花球黎影相, 因為用到花球既機會真係好少, 唔想o徒錢整一個, 但係諗諗下又好似唔係咁好, 話晒個花球係我個fd, 總覺得拎住人地個花球黎影相怪怪地, 同埋佢個花球係淺色, d人話淺色絲花球影相麻麻地, 上星期俾我搵到間幾日就起到貨俾我, 我就揀左佢了!

約左琴晚七點荃灣mtr, 點知佢遲到, 遲左差唔多半個鐘, 不過佢黎到都係咁say sorry, 之前佢一直email係用英文, 估唔到原來係一個師奶黎架, 我要求深紫玫瑰+粉紅鬱金香+d粉紅小菊+少少白色花襯, 叫佢整左大約個樣俾我睇左先, ok先真係整, 原本話星期日俾我, 點知星期一晚(真係好夜)先send黎, 其實都ok, 不過我之前都講左唔要d青色綠色係花球上面, 佢加左d葉係花球中間, 我叫佢改左佢, 仲有d小菊唔係小菊, 仲有青色添, 後尾佢幫我剪晒d青色, 收到之後都叫滿意既, 不過再多返少少白色就好d, 可惜佢又唔覆我, 最後整唔切了!

而家我有兩個絲花球係手, 用邊個影都得, 不過舊個個可能拋過啦, 少少變左形呢!

第一個花球, 有少少變左形, 上面個白色花甩甩地了!

新做既絲花球, 夠晒sharp, 不過我想要多d白色囉!