第一次送花

上星期有一晚, 男友踢波返黎, 著住一身踢完波既裝束, 拎住紮花話送俾我, 嘩, 真係估佢唔到, 過左情人節, 又過左元宵, 佢話喎, 咁先有驚喜嘛, 哈, 其實係D花平好多就真啦, 不過我照受, 呢紮係佢第一次送俾我既花, 其實我都同所有人講, 我唔鍾意花架, 因為好唔抵, 出街又要拎住, 而且花會死, 到時丟左佢我又會唔開心!

佢送左十支俾我, 話係十全十美喎, 其實我都唔識, 乜唔係多數送十一架咩?? 佢仲話, 放工即刻走去花墟買, 問左佢幾次幾多錢, 佢話$80, 哈哈, 原來咁平就由佢啦, 而家D花擺左係屋企, 唔知可以捱幾耐呢?