book左酒席個心係舒服d, 起碼有個日子, 可以book到其他野, 又唔駛再俾人問到口啞啞!
今朝返黎又睇睇睇, 問問問, 個個都話大把時間啦, 駛唔駛咁急住搵野book? 但係我見好多blog友同我差唔多時期, 已經book晒MUA, 攝錄, 花車等等, 我而家先開始咋!
首先兄弟姊妹先, 我都唔知應該搵幾多個, 有人話要雙數, 咁計唔計自己呢? 我同男友會搵相同人數, 暫時有六個兄弟六個姊妹(包括伴郎伴娘), 咁total 12個, 但加埋我地兩個14人, 又好人話唔好意頭, 即係點呀? 我唔想搵太多人呀, 上次朋友每邊九個, 加埋新人一共二十人, 真係好混亂, 又冇地方企, 我仲駛唔駛搵多1-2個呢??
第二睇花車, 好想租倫敦的士, 但係都唔平呀, 三千幾坐一陣, 我男友話唔抵呀, 但係一生人一次嘛, 最多我自己俾錢, 哼! 原本想要紫色, 因為鍾意紫色, 但好似唔襯結婚, 唯有揀紅色系列啦, 呢d車全港好似唔多, 我驚唔夠人爭, 所以又要book左先!
第三步做咩好? 係咪要開始寫賓客list? 要計圍數預budget, 叫左男友寫個list俾我了, 都係等佢交左功課先搞!
剛剛醒起, 仲要搵返蘇師傅寫紅紙呀, 佢叫我地有日子再搵佢架, 差d唔記得左, 仲有咩漏呀? 我覺得自己已經開始有婚前xx症了...
我之前做個research~~ 係唔計自己同伴娘, 姊妹要雙數wor~~ 所以我係6個姊妹,1 個伴娘 (七星伴月,人地咁講架咋~~哈哈)~~^^
ReplyDelete[版主回覆03/29/2011 16:01:00]我上網睇個個講唔同, 頭都痛埋, 係喎, 七星伴月又幾好喎!
揾咗當日攝影同MUA 先, 因為始終呢D 只係得一個, 如果比人BOOK 咗就無, 又要再揾
ReplyDelete[版主回覆03/29/2011 18:21:00]我見到好多人已經book MUA, 我心目中已經有人選, 但又想試幾個, 點解試妝費咁費架??
當日攝影我都煩梗, 諗梗平平地搵純美新娘好, 定係搵間靚d既好!
搵MUA然後就攝錄~其實早O的搵唔係唔好嫁，因為佢地成日加價呀!!!
ReplyDelete[版主回覆03/29/2011 23:22:00]今個星期六去搵攝錄喇, 我男友拳館師兄係純美新娘做, 今個星期會去睇下有咩優惠!