希臘之旅第九天 - Santorini to Athens to Hkg

終於都要走了, 好唔捨得, 五點三就人黎接我地, 送我地去搭車, 又係坐返架小巴, 天都未光我地就要去機場了, 呢度個機場又係好細, 得兩間airlines, 兩間都剩係呢度去雅典, 好搞笑!! 我地check-in後, 係度等上機, 仲乘機睇到少少日出添!! 架飛機好古老呀, 係螺旋槳架, 同埋好細架, 佢地話諗起奪寶奇兵, 哈哈!! 估唔到呢架機好坐過去米島 個架,可能時間耐d冇咁趕啦, 派左盒朱古力餅, 因為未食野好肚餓, 即刻拆左黎食, 又幾好食喎!! 我地同表妹唔同機返雅典, 佢架機早我地五分鐘, 估唔到去到雅典, 佢企左係度接我地機, 好好笑, 之後又搵地方等飛機走!! 個個都冇瞓, 好攰, 我成個人迷下迷下咁, 十點幾表妹搭機返法國了, 我地架機一點三, 有排等了!! 一上到機, 我即刻瞓著了, 瞓左大約半個鐘, 連空姐派小食我都唔知, 第一次係飛機有瞓得冧既感覺, 可惜只係半個鐘, 之後個十一個鐘, 都係唔太瞓到,唉~ 終於都要走喇, 天不光就到機場 坐細機返Athens Athens機場